બ્રૂના અબ્દુલાએ આપ્યો દીકરીને જન્મ, શેર કરી પહેલી તસવીર

મોડલમાંથી એક્ટ્રેસ થયેલી 'દેસી બોય્ઝ'ની હિરોઇન બ્રૂના અબ્દુલાએ દીકરીને જન્મ આપ્યો છે. તેણે તેની દીકરીની પહેલી તસવીર સોશિયલ મીડિયા પર શેર કરી છે. આ સાથે જ દીકરીનું નામ પણ તેને શેર કર્યુ છે. આ નાનકડી પરીનું નામ 'ઇસાબેલ' રાખવામાં આવ્યું છે.

'ગ્રાન્ડ મસ્તી'ની એક્ટ્રેસ બ્રૂનાએ જ્યારે મે મહિનામાં તે ગર્ભવતી હોવાની વાત જાહેર કરી હતી. ત્યારથી જ સૌ કોઇ આશ્ચર્યમાં હતાં. તેણે બિચ પર બેબી બમ્પ દેખાતો ફોટો શેર કર્યો હતો.

આ તસવીર શેર કરતાં જ તેણે જાહેરાત કરી હતી કે, તેણે તેનાં મંગેતર એલન ફ્રેસર સાથે લગ્ન કરી લીધા છે. આ એક સરળ લગ્ન હતાં જે એક મહિના પહેલાં જ થયા હતાં.

ત્યારથી જ સમયાંતરે બ્રૂના તેની પ્રેગ્નેન્સીની તસવીરો અવાર નવાર સોશિયલ મીડિયા પર શેર કરતી રહેતી હતી. એટલું જ નહીં તેણે આ વાતની પણ જાહેરાત કરી હતી કે, તેનાં બાળકને જન્મ આપવા માટે કોઇ જ પ્રકારનાં ડોક્ટરની મદદ નથી લેવાની. તેની જગ્યાએ તે 'વોટર બર્થ'ની પદ્ધતિ પસંદ કરવાની છે.

આ વોટર બર્થ સિસ્ટમમાં માતાને હુફાળા પાણીનાં ટબમાં સુવાડવામાં આવે છે. આ દરમિયાન ડોક્ટર અને આયાની મદદથી પાણીની અંદર જ બાળકને જન્મ આપવામાં આવે છે. બ્રૂના કહે છે કે, તેણે પહેલાં જ નિર્ણય લઇ લીધો છે કે તે તેનાં બાળક માટે કોઇ પ્રકારનું ઓપરેશન કે દવાઓનો સહારો લેશે નહીં.

બ્રૂનાએ તેની દીકરી ઇસાબેલની પહેલી તસવીર શેર કરતાં લખ્યું હતું કે,'હું મારા પરિવારનાં સૌથી નવાં સભ્યને આપ સૌને મળવતા ખુબજ ગર્વ અને ઉત્સાહિત અનુભવી રહી છું. ઇસાબેલ, તેનો જન્મ 31 ઓગસ્ટનાં રોજ મુંબઇમાં થયો. અમે બંને સરસ છીએ. હું તેનાં પર પ્રેમ વર્સાવતા થાકતી નથી.'