Bruce Willis top 10 film : અભિનયમાંથી નિવૃત થવા જઈ રહેલા Bruce Willis ની જોવા લાયક ટોપ 10 ફિલ્મો

Bruce Willis top 10 film : હોલિવૂડના ખ્યાતનામ એક્શન હીરો બ્રુસ વિલિસે (Bruce Willis) અભિનય ક્ષેત્રને અલવિદા કહી દીધું છે. બ્રુસ એક ગંભીર બીમારીથી પીડાઈ રહ્યો છે અને તેથી જ તેને મજબૂરીમાં આ નિર્ણય લેવો પડ્યો છે. બ્રુસના પરિવારે સોશિયલ મીડિયા પોસ્ટ (Social media post)માં તેના આ નિર્ણય વિશે માહિતી આપી છે. પોસ્ટ મુજબ બ્રુસ વિલિસ એફેસિયા (Aphasia) નામની બીમારી સામે લડી રહ્યો છે. આ બીમારી મગજનો એક વિકાર છે. જેમાં પીડિતને શબ્દો બોલવામાં, લખવામાં અને સમજવામાં મુશ્કેલી પડે છે. આ રોગનો ભોગ બનનાર વ્યક્તિ સંચારની શક્તિ ગુમાવી શકે છે. બ્રુસ વિલિસની બીમારી  (Bruce Willis illness) અને તે એક્ટિંગ કારકિર્દીને અલવિદા કહી રહ્યો હોવાની વાતથી ચાહકો દુઃખી છે. ત્યારે અહીં તેના ચાહકો માટે તેની શ્રેષ્ઠ 10 ફિલ્મોની યાદી આપવામાં આવી છે.

ડાઈ હાર્ડ (Die Hard) - કોઈ હોલિવૂડની એક્શન ફિલ્મોનું ચાહક હોય અને ડાય હાર્ડના જોઈ હોય તેવું ભાગ્યે જ બને. બ્રુસ વિલિસને ખ્યાતિ અપાવનાર આ ફિલ્મ 1988માં રિલીઝ થઈ હતી. તે સફળ રહી હોવાથી ફિલ્મની ફ્રેન્ચાઇઝી બની હતી. જેનો અંત 2013માં આવેલી ફિલ્મ 'અ ગુડ ડે ટુ ડાઇ હાર્ડ' સાથે થયો હતો.

ધી સિક્સથ સેન્સ (The Sixth Sense) - આ સુપરનેચર સાયકોલોજીકલ થ્રિલર મુવી છે. જેમાં બ્રુસ વિલિસે ચાઈલ્ડ સાયકોલોજીસ્ટનું પાત્ર ભજવ્યું હતું. આ ફિલ્મમાં તેના પાત્રએ લોકોના દિલ જીતી લીધા હતા.

અનબ્રેકેબલ (Unbreakable) - અનબ્રેકેબલ ફિલ્મમાં બ્રુસ વિલિસને સિક્યોરિટી ગાર્ડ તરીકે જવાબદારી સાંભળતો જોઈ શકાય છે. આ ફિલ્મમાં તેની પાસે સુપરનેચરલ પાવર હોય છે. આ ફિલ્મે ઘણા એવોર્ડ જીત્યા છે.

મૂનરાઈસ કિંગડમ (Moonrise Kingdom) - વેસ એન્ડરસનની આ ફિલ્મમાં બ્રુસ વિલિસ પ્રેમાળ પોલીસ શેરિફની ભૂમિકા ભજવે છે. તે ભાગી ગયેલા કેટલાક બાળકોને શોધવાના મિશન પર હોય છે.

આર્માગેડન (Armageddon) - આ સાયન્સ ફિક્શન ડિઝાસ્ટર ફિલ્મમાં બ્રુસ વિલિસ ઓઇલ ડ્રિલરની ભૂમિકા ભજવે છે. તેને પૃથ્વી પર ખતરો રહેલા એસ્ટરોઇડમાં ડ્રિલ કરવાના મિશન પર નાસા દ્વારા મોકલવામાં આવે છે.

લૂપર (Looper) - આ સાઈ-ફાઈ એક્શન ફિલ્મ છે. જેમાં ટાઈમ ટ્રાવેલ સાથે સ્ટોરી જોડાયેલી છે. આ ફિલ્મમાં બ્રુસ હત્યારાની ભૂમિકામાં જોવા મળ્યો હતો.

ડેથ બીકમ્સ હર (Death Becomes Her) - આ ફિલ્મ વ્યંગાત્મક બ્લેક કોમેડી છે. જેમાં બ્રુસ પ્લાસ્ટિક સર્જનની ભૂમિકા ભજવે છે.

સિન સિટી (Sin city) - ફ્રેન્ક મિલરની આ જ નામની ગ્રાફિક નોવેલ પર આધારિત, નિયો-નોઇર ક્રાઇમ ફિલ્મમાં બ્રુસ વિલિસ પ્રામાણિક જાસૂસની ભૂમિકામાં જોવા મળે છે.

12 મંકીઝ (12 Monkeys) - આ સાયન્સ ફિક્શન ફિલ્મમાં બ્રુસ વિલિસ માનસિક રીતે અસ્થિર વ્યક્તિની ભૂમિકામાં જોવા મળે છે. આ વ્યક્તિને ભવિષ્યમાંથી વાયરસની ઉત્પત્તિ વિશે જાણવા માટે મોકલવામાં આવે છે.

પલ્પ ફિક્શન (Pulp fiction) - આ બ્લેક કોમેડી ક્રાઇમ ફિલ્મ છે. જેમાં બ્રુસ વિલિસ વૃદ્ધ બોક્સરની ભૂમિકામાં છે.