બોલિવૂડના નવાબ એટલે કે સૈફ અલી ખાન આજે તેનો 49મો જન્મદિવસ ઉજવી રહ્યો છે. સૈફ અલી ખાન તેની અંગત જિંદગી કરતા વધારે ચર્ચામાં રહ્યો છે એટલી જ તે તેની ફિલ્મોને લઈને પણ ચર્ચામાં રહે છે. જ્યારે સૈફ અલી ખાનના પહેલા લગ્ન તૂટી ગયા ત્યારે અનેક પ્રકારના સમાચારો સામે આવ્યા હતા. સૈફ અલી ખાને એક ઇન્ટરવ્યુમાં કહ્યું હતું કે છૂટાછેડા પછી તેણે કેટલી રકમ ચૂકવવી પડી. તેને ખુલાસો કર્યો હતો કે તે સમયે તેની પાસે આટલા પૈસા નહોતા, જેના કારણે તેણે અમૃતા સિંહને હપ્તામાં રકમ ચૂકવી હતી. બંનેના લગ્ન 13 વર્ષ સુધી ચાલ્યા, પરંતુ જ્યારે તૂટી ગયા ત્યારે ખરેખર તમામને આશ્ચર્ય થયું.
સૈફે 1991માં બોલિવૂડ અભિનેત્રી અમૃતા સિંહ સાથે લગ્ન કર્યા, જે તેમનાથી 12 વર્ષ મોટી હતી. તે સમયે અમૃતા બોલિવૂડમાં પહેલેથી જ સારી એવી કમાણી કરી ચૂકી હતી અને સૈફ ફિલ્મ 'બેખુદી' થી ડેબ્યૂ કરવા જઇ રહ્યો હતો.
એવું કહેવામાં આવે છે કે પ્રથમ નજરમાં આ બંને એક બીજાના પ્રેમમાં પડ્યાં. અમૃતા અને સૈફની પહેલી ડેટ અમૃતાના થઇ હતી. જ્યારે સૈફ અમૃતાના ઘરે પહોંચ્યો ત્યારે અમૃતાએ મેક-અપ નહોતો કર્યો. અમૃતાની સાદગીથી સૈફ મોહિત થઇ ગયો.
બંને વચ્ચે એટલો પ્રેમ હતો કે ઉંમરના તફાવતને ધ્યાનમાં લીધા વગર લગ્ન કર્યા. તેમને સારા અલી ખાન અને ઇબ્રાહિમ બે બાળકો પણ થયા. એવું કહેવામાં આવે છે કે વિદેશ યાત્રા દરમિયાન ઇટાલિયન મોડેલ રોજા સૈફના જીવનમાં આવી હતી અને તે છૂટાછેડાનું કારણ બની. 2004માં બંનેના છૂટાછેડા થયા હતા.
છૂટાછેડા પછી એક ઇન્ટરવ્યુમાં સૈફે કહ્યું કે 'અમૃતાએ મને 5 કરોડ રૂપિયા આપવા કહ્યું હતું, પરંતુ તે સમયે મારી સ્થિતિ એવી નહોતી કે હું પૂરા પૈસા આપી શકું. મેં આ રકમ હપ્તામાં ચુકવી. આ ઉપરાંત મેં વચન પણ આપ્યુ હતું કે ઇબ્રાહિમ મોટા થાય ત્યાં સુધી હું દર મહિને 1 લાખ રૂપિયા આપીશ'
જોકે છૂટાછેડા પછી સૈફે 2012માં કરીના કપૂર સાથે લગ્ન કર્યા હતા. કરીના સૈફથી 10 વર્ષ નાની છે. સારા પણ ત્યાં સુધીમાં મોટી થઈ ગઇ હતી. હવે આ નવાબી પરિવારના તમામ સંબંધો સુંદર છે. સૈફ-અમૃતાની પુત્રી સારા, કરીના કપૂરની ખૂબ નજીક છે. આ બંનેના લગ્નમાં પણ તમામ ખુશીથી સામેલ થયા હતા.
