‘ઊંચાઈ’ અને ‘બ્લેક બ્લેક પેન્થર: વકાંડા ફોરેવર’ જ નહીં, આ પાંચ ફિલ્મો પણ થઈ રિલીઝ

આ અઠવાડિયામાં હિંદી બોક્સ ઓફિસમાં ‘બ્લેક બ્લેક પેન્થર: વકાંડા ફોરેવર’, ‘ઊંચાઈ’ અને ‘યશોદા’ જેવી મોટી ફિલ્મો રિલીઝ થઈ છે. જેની તમને બધાને પહેલાથી જ ખબર છે. પરંતુ તેના સિવાય ચાર બીજી ફિલ્મો પણ મોટા પડદા પર રિલીઝ થઈ છે. આ અઠવાડિયે મતલબ કે શુક્રવારે બોક્સ ઓફિસ પર કુલ સાત ફિલ્મો રિલીઝ થઈ છે.

ઊંચાઈ: અમિતાભ બચ્ચન, અનુપમ ખેર, બોમન ઈરાની, નીના ગુપ્તા, પરિણીતી ચોપડા, ડેની અને સારિતાની આ ફિલ્મને સૂરજ બડજાત્યાએ ડિરેક્ટ કરી છે. મિત્રતા પર આધારિત આ ફિલ્મને સારો એવો પ્રતિભાવ મળી રહ્યો છે.

બ્લેક પેન્થર: વકાંડા ફોરેવર: માર્વેલ સ્ટુડિયોની બહુપ્રતિક્ષિત ફિલ્મે બોક્સ ઓફિસ પર ધમાલ મચાવી છે. શરૂઆતના દિવસે તેણે 15 કરોડથી વધુનું કલેક્શન કર્યું છે. એક્શનથી ભરપૂર આ ફિલ્મમાં ચેડવિક બોઝમેનને પણ શ્રદ્ધાંજલિ આપવામાં આવી છે.

યશોદાઃ સામંથા અભિનીત આ ફિલ્મ સાયકો થ્રિલર છે. આમાં સામંથાનો એક્શન અવતાર પણ જોવા મળ્યો છે. વિવેચકોએ સામંથાના અભિનય અને ફિલ્મની વાર્તાને વધુ સારી ગણાવી છે.

થાઈ મસાજ: ગજરાજ રાવ, દિવ્યેન્દુ શર્મા અને રાજપાલ યાદવ અભિનીત આ એક કોમેડી ફિલ્મ છે. આ એક વૃદ્ધ વ્યક્તિની કહાની છે જે ઇરેક્ટાઇલ ડિસફંક્શનથી પીડિત છે અને તેનો ઉકેલ શોધવા થાઇલેન્ડના પ્રવાસે જાય છે.

રોકેટ ગેંગઃ આ એક મ્યુઝિકલ સુપરનેચરલ કોમેડી ફિલ્મ છે. આ ફિલ્મ બોસ્કો માર્ટિસ દ્વારા નિર્દેશિત કરવામાં આવી છે. ફિલ્મમાં આદિત્ય સીલ અને નિકિતા દત્તા છે. તમે તેને તમારા બાળકો સાથે જોઈ શકો છો.

બધાઈ હો બેટી હુઈ હૈઃ ફિલ્મ બતાવે છે કે સમાજમાં દીકરીઓ વિશેની વિચારસરણી હજુ બદલાઈ નથી. પરંતુ આ ફિલ્મ એ પણ બતાવે છે કે પરિવાર કેવી રીતે દીકરીના જન્મની ઉજવણી કરે છે અને છોકરીને મોટા થવામાં કેટલી મુશ્કેલીઓનો સામનો કરવો પડે છે. ફિલ્મમાં જયા પ્રદા પણ મહત્વના રોલમાં છે.

અંતઃ ધ એન્ડઃ આ ફિલ્મમાં દિવ્યા દત્તા, અરુણ બક્ષી, મુકુલ દેવ, અમન ધાલીવાલ, સમીક્ષા ભટનાગર સહિત ઘણા પ્રતિભાશાળી કલાકારો છે. આ ફિલ્મ ક્રાઈમ અને સસ્પેન્સથી ભરપૂર છે. જેનું નિર્દેશન કેએસ મલ્હોત્રાએ કર્યું છે.