KL Rahul Marriage:કેએલ રાહુલે BCCI પાસે લગ્ન માટે માંગી રજા! આ તારીખે આથિયા શેટ્ટી સાથે લેશે સાતફેરા

આથિયા શેટ્ટી અને કેએલ રાહુલ લાંબા સમયથી રિલેશનશિપમાં છે. છેલ્લા ઘણા દિવસોથી લગ્નની ચર્ચા પણ ચાલી રહી છે. કહેવામાં આવી રહ્યુ છે કે રાહુલ અને આથિયાના પેરેન્ટ્સે લગ્નને લઈને મુલાકાત પણ કરી લીધી છે. હવે ખબર સામે આવી રહી છે કે રાહુલ આવતા મહિનાના પહેલા અઠવાડિયે આથિયા સાથે લગ્ન કરશે. તેથી તેણે BCCI પાસેથી રજા પણ લીધી છે અને તેની માટે અુપ્રૂવલ પણ મળી ગયું છે. ફોટોઃ @klrahul

આથિયા શેટ્ટી દિગ્ગજ અભિનેતા સુનીલ શેટ્ટીની દીકરી છે અને પોતે પણ એક્ટ્રેસ છે. વળી, કેએલ રાહુલ ભારતીય ક્રિકેટ ટીમનો વાઇસ કેપ્ટન પણ છે. રાહુલ બાંગ્લાદેશ ટેસ્ટ સીરિઝ બાદ BCCI પાસે એક બ્રેક માંગ્યો છે. ફોટોઃ @klrahul

એટલે કે કેએલ રાહુલ શ્રીલંકા સામે ભારતમાં થનારી ત્રણ મેચોની ટી20 અને વનડે સીરિઝમાં નહીં રમી શકે. ઈનસાઈડ રિપોર્ટની વાત કરીએ તો, રાહુલ આથિયા સાથે જાન્યુઆરી 2023ના પહેલા અઠવાડિયામાં લગ્ન કરશે. ફોટોઃ @klrahul

BCCIના એક અધિકારીએ આની પુષ્ટિ પણ કરી છે. તેણે જણાવ્યુ છે કે કેએલ રાહુલે પોતાના પર્સનલ કામ માટે રજા માંગી છે. ફોટોઃ @klrahul

રિપોર્ટ અનુસાર, "કેએલ રાહુલે પર્સનલ કમિટમેન્ટ્સ માટે બ્રેક માંગ્યો છે. તેથી તે ન્યૂઝીલેન્ડમાં રમવા માટે નથી ગયો. તેની અમુક ફેમિલી કમિટમેન્ટ્સ છે." ફોટોઃ @klrahul

અધિકારીએ આગળ કહ્યુ, "મને નથી ખબર કે તે લગ્ન કરે છે કે સગાઈ. પરંત તેણે કંઈક પર્સનલ કમિટમેન્ટ્સ જણાવી છે. બસ આટલું જ કહી શકું છુ." ફોટોઃ @klrahul

હાલમાં જ સુનીલ શેટ્ટીની વેબ સીરિઝ 'ધારાવી બેન્ક'ની રિલીઝ ઈવેન્ટ પર દીકરી આથિયા શેટ્ટી અને કેએલ રાહુલના લગ્નની પુષ્ટિ કરી હતી. ફોટોઃ @klrahul

સુનીલ શેટ્ટીને બંનેના લગ્ન વિશે પુછતા કહેવામાં આવ્યુ કે તે બંને જલ્દી લગ્ન કરશે. તેથી હવે રાહુલની રજાને લગ્ન સાથે જોડવામાં આવી રહ્યો છે. ફોટોઃ @klrahul