કાજોલના લગ્નના નિર્ણયથી નારાજ થયા હતા પિતા, આટલા દિવસ સુધી કરી ન હતી વાત

bollywood Interesting story: જ્યારે પણ બોલિવૂડ (Bollywood)માં લોકપ્રિય કપલ (Couple)ની વાત આવે છે ત્યારે અજય દેવગન (Ajay Devgan) અને કાજોલ (Kajol)નું નામ સામે આવે છે. ફિલ્મ ઈન્ડસ્ટ્રી (Film Industry)માં આ એક એવું કપલ છે જેને દરેક વ્યક્તિ પરફેક્ટ (Perfect) માને છે, જેમની વચ્ચે ક્યારેય તણાવના સમાચાર નથી આવતા. અજય દેવગન અને કાજોલના લગ્ન (Marriage)ને 22 વર્ષ થયા છે. બંનેની કેમેસ્ટ્રી આજે પણ બધાને પ્રભાવિત કરે છે. પરંતુ જે કપલ આટલું સફળ (Successful) માનવામાં આવે છે, કાજોલના પિતા (Father) એક સમયે આ લગ્નથી ખુશ ન હતા.

સ્થિતિ એ હતી કે લગ્ન બાદ કાજોલના પિતાએ ચાર દિવસ સુધી તેની સાથે વાત કરી ન હતી. તેઓ તેના પર ગુસ્સે થઈને બેઠા હતા. હવે કાજોલે પોતે આ વિશે વિગતવાર જણાવ્યું છે.

એક ન્યૂઝ પોર્ટલને આપેલા ઈન્ટરવ્યુમાં કાજોલે કહ્યું છે કે, અજય દેવગન સાથે તેના લગ્ન તેની માતાના કારણે શક્ય બન્યા છે. તે કહે છે- મારા પિતા 24 વર્ષની ઉંમરે લગ્ન કરવાના વિરોધમાં હતા. તેઓ ઈચ્છતા હતા કે હું પહેલા કોઈ કામ કરું. પણ મારી માતાએ ઘણો સાથ આપ્યો. તેણે કહ્યું કે મારે મારા મન મુજબ કામ કરવું જોઈએ. હું નસીબદાર છું કે દરેકે મને સમયાંતરે સાથ આપ્યો.

કાજોલ આગળ કહે છે- માતા-પિતા લગ્ન માટે સંમત થયા હતા. પણ મારા પિતાએ આખા ચાર દિવસ સુધી વાત કરી નહિ. તેઓ માનતા હતા કે મારે મારી કારકિર્દી પર ધ્યાન આપવું જોઈએ. પણ મેં નક્કી કર્યું હતું. કોઈ પ્રસ્તાવ ન હતો, હું માત્ર એટલું જાણતી હતી કે મારે અજય સાથે જીવન વિતાવવું છે.

આજે આટલા વર્ષો પછી કાજોલનો આ નિર્ણય પણ સાચો સાબિત થયો છે અને તેનું લગ્નજીવન પણ જોરદાર રીતે આગળ વધી રહ્યું છે. કાજોલ અને અજય બે બાળકોના માતા-પિતા છે. તેમને એક મોટી પુત્રી અને એક પુત્ર છે.

બાય ધ વે, ઈન્ટરવ્યુમાં કાજોલે એ વાત પર પણ ભાર મૂક્યો છે કે તેની માતાએ તેને દરેક મુશ્કેલ પરિસ્થિતિમાં સમજાવ્યું છે અને સાથ આપ્યો છે. કાજોલ-અજયના ફિલ્મી કરિયરની વાત કરીએ તો બંનેએ ઈશ્ક, પ્યાર તો હોના હી હૈ, ગુંડારાજ, રાજુ ચાચા અને સુપરહિટ ફિલ્મ તાનાજીમાં સાથે કામ કર્યું છે.