Bollywood Interesting Story : 'ઠગી' શું હોય છે, તે સમજવું હોય તો બોલીવુડની આ દમદાર 9 ફિલ્મો જોવો

કોઈને ઠગ (Fraud)તા જોવા તેનાથી બેસ્ટ મનોરંજન બીજું કંઈ નથી. બોલીવુડ (Bollywood)માં આ ટોપિકને લઈને અનેક ફિલ્મો બનાવવામાં આવી છે. આ ફિલ્મો પડદા પર હિટ (Bollywood hit Film) ગઈ છે અને સાથે સાથે દર્શકોને પણ આ ફિલ્મ હંમેશા માટે યાદ રહી ગઈ હશે. આવી ફિલ્મો વિશે અહીં બતાવવામાં આવ્યું છે, જેમાં શાતીર ચોરોએ દર્શકોનું ભરપૂર મનોરંજન કર્યું હતું.

બંટી ઓર બબલી - આ ફિલ્મને Con મૂવીઝની સૌથી બેસ્ટ ફિલ્મ કહી શકાય. આ ફિલ્મ શાતીર ચોર બંટી અને બબલી પર આધારિત હતી. જેમાં અભિનેત્રી રાની મુખર્જી, અભિનેતા અભિષેક બચ્ચન અને અમિતાભ બચ્ચેને એક્ટિંગ કરી હતી. આ ફિલ્મનો બીજો પાર્ટ 2021માં રિલીઝ થશે.

ઓયે લકી લકી ઓયે - દિલ્હીના એક શાતિર ચોર બંટીની કહાની આ ફિલ્મની સ્ટોરીથી પ્રેરિત હતી. આ એક એવો ચોર હતો, જે મજા મેળવવા માટે ચોરી કરતો હતો. આ ફિલ્મમાં પરેશ રાવલ, અભય દેઓલ, મનુ ઋષી, જેવા કલાકારોએ કામ કર્યું છે.

ધૂમ સીરિઝ - આ ફિલ્મની પહેલી અને બીજી સીરિઝમાં એવા Con Man હતા, જેમને પોલીસ પકડી શકતી નહોતી. છેલ્લી સીરિઝ આમિર ખાને ખૂબ જ ધૂમ મચાવી હતી. આ સીરિઝની ત્રણેય ફિલ્મ બેસ્ટ હતી.

ખોસલા કા ઘોસલા - આ ફિલ્મમાં મધ્યમવર્ગીય પરિવારની કહાની બતાવવામાં આવી છે. જેમના પ્લોટ પર એક વ્યક્તિએ કબ્જો કરી લીધો. તે બાદ આ મધ્યમવર્ગીય પરિવાર તેની સાથે એવી ઠગાઈ કરે છે કે તે વ્યક્તિને કંઈ ખબર નથી પડતી કે, તેની સાથે શું થયું છે. આ ફિલ્મમાં અનુપમ ખેર, બોમન ઈરાની, રણવીર શૌરી જેવા કલાકારોએ કામ કર્યું છે.

બદમાશ કંપની - આ ફિલ્મમાં ચાર યંગ લોકોની કહાની છે, જે કોઈપણ રીતે અમીર બનવા ઈચ્છે છે. જેના માટે તેઓ અનેક લોકો સાથે ઠગાઈ કરે છે અને અનેક વસ્તુઓની તસ્કરી પણ કરે છે. આ ફિલ્મ પડદા પર ખૂબ જ ઓછી ચાલી હતી, પરંતુ સ્ટોરી ખૂબ જ કમાલની હતી.

સ્પેશિયલ 26 - અક્ષય કુમારની આ પરફેક્ટ કોન ફિલ્મ હતી. જેમાં તે અને તેમના સાથી CBI ઓફિસર બનીને અનેક વેપારીઓ અને પોલિટિશયનને લૂંટે છે. આ ફિલ્મની સ્ટોરી દર્શકોને ખૂબ જ પસંદ આવી હતી.

લેડીઝ વર્સિસ રિકી બહલ - આ ફિલ્મ રણવીર સિંહ અને અનુષ્કા શર્માના કરિઅરની શરૂઆતની હિટ ફિલ્મોમાંથી એક હતી. આ ફિલ્મમાં એક એવા કોનમેનની સ્ટોરી હતી, જે ત્રણ મહિલાઓ સાથે ઠગાઈ કરે છે.

બ્લફમાસ્ટર - અભિષેક બચ્ચને આ ફિલ્મમાં એક કોનમેનનો રોલ ભજવ્યો હતો. જે ગર્લફ્રેન્ડ સાથે સીધો રહે છે અને વાસ્તવિક જીવનમાં લોકો સાથે ઠગાઈ કરે છે. જ્યારે તેને ખબર પડે છે કે, તેને બ્રેઈન ટ્યૂમર છે, તો તે તેના પાર્ટનર સાથે છેલ્લી વાર ઠગાઈ કરવા જાય છે.

આંખે - અમિતાભ બચ્ચને આ ફિલ્મમાં વિલનનો રોલ પ્લે કર્યો હતો. આ ફિલ્મમાં બેન્ક કર્મચારીની સ્ટોરી હતી, જે બેન્કને સબક શિખવાડવા માટે ચોરીની પ્લાનિંગ કરે છે. આ કારણે તે 3 બ્લાઈન્ડ લોકોની પસંદગી કરે છે.