Birthday Special : 'દેશી ગર્લ'ના ઘરે IT રેડ પડી હતી ત્યારે આ હાલતમાં પકડાયો હતો શાહિદ

બોલિવૂડ અભિનેતા અને સુપરસ્ટાર શાહિદ કપૂર (Shahid Kapoor) આજે 39 વર્ષનો થયો. આજે તેમની ગણતરી તે વર્સેટાઇલ એક્ટર્સ તરીકે થાય છે. શાહિદની પહેલી ફિલ્મ ઇશ્ક વિશ્કથી તે લાખો યુવતીના મન પર ચોકલેટી હિરો તરીકે રાજ કરવા લાગ્યા. તે પછી તેમની ચોકલેટી બોયની ઇમેજ બની રહી. આમ તો શાહિદને એક્ટિંગ તેમના પિતા પંકજ કપૂરની વિરાસતમાં મળી છે. પણ દિલ તો પાગલ હૈ અને તાલ જેવી ફિલ્મોમાં બેકગ્રાઉન્ડ ડાન્સર તરીકે કામ કરનાર શાહિદને ઇશ્ક વિશ્કથી લીડિંગ રોલ મેળવવા માટે ખૂબ સ્ટ્રગલ કરવી પડી. આ વચ્ચે તે મ્યૂઝિક વીડિયોમાં પણ નજરે પડ્યા.

શાહિદે તેના પૂરા ફિલ્મ કેરિયરમાં અનેક ઉતાર ચઢાવ જોયા છે. સાથે જ તેમની પર્સનલ લાઇફમાં પણ તેમણે ખૂબ ઉતાર ચઢાવ જોયા છે. વિવાહ, જબ વી મેટ, કમીને, હૈદર, ઉડતા પંજાબ, પદ્માવત અને કબીર સિંહમાં તેમણે જોરદાર અભિનય કરીને પોતાની ટેલેન્ટ સાબિત કરી છે.

જો કે પર્સનલ લાઇફની વાત કરીએ તો કરીના કપૂર સાથે કિસ કરીને પોપ્યુલર થયેલા શાહિદનું નામ સૌથી પહેલા કરીના સાથે જોડાયું હતું. જો કે તેમનું પાછળથી બ્રેકઅપ થઇ ગયું.

જે પછી તેમનું નામ પ્રિયંકા ચોપરા સાથે પણ જોડાયું હતું. જો કે શાહિદ કપૂર તેની અફવા જ ગણાવી હતી પણ જ્યારે પ્રિયંકા ચોપરાના ઘરે ઇનકમ ટ્રેક્સની રેડ પડી હતી ત્યારે શાહિદ કપૂરે પ્રિયંકાનો દરવાજો ખોલ્યો હતો. અને તે વખતે તે ખાલી બોક્સર્સમાં ત્યાં હતા. જો કે તેમનો સંબંધો પણ લાંબા ટક્યા નહી.

અને આખરે શાહિદે અરેન્જ મેરેજ કરી લીધા. મીરા રાજપૂત સાથે તેમના લગ્ન પણ ખૂબ જ ખાસ રહ્યા હતા. હાલ મીરા અને શાહિદને બે બાળકો છે.

વર્ક ફંટની વાત કરીએ તો શાહિદની છેલ્લી ફિલ્મ કબીર સિંહ હતી જે સૌથી મોટી હિટ સાબિત થઇ હતી. અને તે પછી તે હવે જર્સીમાં નજરે પડશે. હાલમાં જ તેમની આ ફિલ્મના શૂટિંગ પર તેમને ચહેરા પર સ્ટીચ આવ્યા હતા. આ ફિલ્મ 28 ઓગસ્ટ 2020 સુધીમાં રીલિઝ થશે તેમ મનાય છે.