આશા ભોસલેના આ પગલાં બાદ લતાએ તોડી નાખ્યાં હતાં તમામ સંબંધ

પરદે મે રહેનો દો, ચુરા લીયા હૈ તુમને જો દીલકો, ઉડે જબ-જબ જુલ્ફે તેરી અને જરા સા ઝૂમ લૂ મે... જેવા ગીતો માટે ઓળખાતી મેલોડી ક્વિન આશા ભોસલે આજે 85 વર્ષના થઈ ગયા છે. સૌથી વધારે ગીત ગાવાનો રેકોર્ડ કરવા માટે આશા તાઈ રેકોર્ડ બનાવી ચુકી છે, પરંતુ જિંદગીની સફર માત્ર રેકોર્ડ બનાવવા સુધી સિમીત નથી રહેતી, કેટલાક રેકોર્ડ બ્રેક પણ થાય છે અને રેકોર્ડ બનાવવા માટે પોતાની જાતને તોડવી પણ પડે છે. આશા તાઈની પ્રાઈવેટ જિંદગી પણ આવા કેટલાએ બ્રેકઅપ્સ સાથે વીતી છે. તેમની આ કહાનીમાં મહત્વની ભૂમિકા રહી તેમની મોટી બહેન અને સુર સામ્રાજ્ઞી લતા મંગેશ્કરની. તો જોઈએ બે બહેનોની રસપ્રદ કહાની.

લતા મંગેશ્કરે 14 વર્ષની ઉંમરથી જ કામ કરવાનું શરૂ કરી દીધુ હતું. પિતાના અસમય નિધનના કારણે તેમના પર આ જવાબદારી આવી ગઈ કે તે પરિવારને સંભાળે. લતાએ પરિવારની મોટી પુત્રી હોવાના કારણે આ જવાબદારી સારી રીતે નિભાવી. જ્યારે આશા તાઈ મોટા થયા તો, લતા દીએ આ જવાબદારી અને ગંભીરતાની આશા તેમના પાસે પણ રાખી.

પરંતુ આશા બાળપણથી જ એક અલગ મિજાજની હતી. તેમને કોઈ પમ પ્રકારના નિયમોના બંધનમાં બંધાવાનું પસંદ ન હતું. તેમણે પોતાના માટે અલગ રસ્તો શોધ્યો. 16 વર્ષની ઉંમરમાં જ આશાએ ગમપતરાવ ભોંસલે સાથે લગ્ન કરી લીધા. ગણપતરાવ તે સમયે 31 વર્ષના હતા. બહુ ઓછા લોકો જાણતા હશે કે, તે સમયે ગણપત રાવ લતા મંગેશ્કરના સેક્રેટરી હતા.

એક ઈન્ટરવ્યૂમાં ખુદ આશા તાઈએ જણાવ્યું હતું કે, લતા મંગેશ્કરે આશા અને ગમપતના આ સંબંધને મંજૂરી આપી ન હતી. ત્યારબાદ બંને બહેન વચ્ચેના સંબંધમાં ઘણું અંતર આવી ગયું, લાંબા સમય સુધી બંને વચ્ચે કોઈ વાતચીત પમ ના થઈ.

આશા ભોસલે સાથે તે સમયે પરિવારે પણ તમામ સંબંધ તોડી દીધા હતા. પૂરા પરિવારથી અલગ થઈ આશા ભોસલેએ પોતાના લગ્ન જીવનની શરૂઆત કરી.

લતા મંગેશ્કરે પણ આ વાત ઈન્ટરવ્યૂમાં કરી હતી કે, તેમને લાગતુ હતું કે આ સંબંધ તેમની નાની બહેન માટે સારો નથી, અને એવું બન્યું પણ ખરૂ.

આશા ભોસલે અને ગણપત રાવના ત્રણ બાળક થયા, પરંતુ તેમના લગ્ન ખુબ કડવા મોડ પર આવીને ખતમ થઈ. બંને અલગ થઈ ગયા. ત્યારબાદ આશા ભોસલેએ આર.ડી. બર્મન સાથે લગ્ન કરી લીધા. જોકે, લતા મંગેશ્કર અને આશા ભોસલે વચ્ચેની દૂરી આ બાદ પણ ખતમ થઈ ન હતી.

આર. ડી. બર્મન પણ પહેલા લગ્ન કરી ચુકેલા હતા અને પહેલી પત્ની રીટા પટેલ સાથે છૂટા-છેડા લઈ ચુક્યા હતા. બંનેનો સંગીત પ્રેમ તેમને નજીક લઈ આવ્યો, અને 6 વર્ષ નાના આરડી. બર્મને આશા તાઈને પ્રપોઝ કરી દીધુ. આ પ્રપોઝલના ઘણા લાંબા સમય બાદ આશા તાઈ તેમની સાથે લગ્ન કરવા રાજી થયા અને 1980માં બંને લગ્નના બંધનમાં બંધાઈ ગયા.

જોકે, આ લગ્નમાં કેટલાક વર્ષ બાદ એક અલગાવ આવી ગયો. તો પણ બંને મનથી જોડાયેલા રહ્યા, પરંતુ બર્મન પણ અસમયમાં જ દુનિયા છોડીને જતા રહ્યા.

જીવનના આટલા ઉતાર-ચઢાવ જોયા બાદ પમ આશા તાઈ મજબૂત રહીને દરેક વખત ઉભા થયા અને નવી નવી સફળતા મેળવતા રહ્યા. આ સફર હજુ પણ સંગીત દ્વારા ચાલુ જ છે. આ સિવાય તે એક્ટિંગ અને કુકિંગમાં પણ હાથ અજમાવી ચુક્યા છે.