‘રાધે’થી લઈ ‘ધ લાસ્ટ અવર’ સુધી, આ સપ્તાહે ઘરે બેઠા માણો આ ફિલ્મોનો આનંદ

લોકોના મનોરંજન માટે અત્યારે OTT મુખ્ય આધાર છે. જે ફિલ્મો સિનેમાઘરોમાં રિલીઝ થવાની હતી, તે કોરોના કાળના કારણે OTT પર રિલીઝ થઈ રહી છે. જેનાથી OTT પ્લેટફોર્મ (OTT Platform) પર કન્ટેન્ટ વધ્યું છે. આ અઠવાડિયામાં નેટફ્લિક્સ, એમેઝોન પ્રાઈમ અને ડિઝની હોટસ્ટાર જેવા પ્લેટફોર્મ પર ખૂબ સારી ફિલ્મો, શો અને સિરીઝ સ્ટ્રીમ થશે. જેમાં સલમાન ખાનની રાધે: યોર મોસ્ટ વોન્ટેડ ભાઈ (Radhe - Your Most Wanted Bhai) સામેલ છે. આ ઉપરાંત સંજય કપૂરની સુપરનેચરલ સિરીઝ ધ લાસ્ટ અવર (The Last Hour) પણ રિલીઝ થશે. તો ચાલો જાણીએ આ અઠવાડિયામાં સ્ટ્રીમ થનારી કેટલીક મોટી ફિલ્મ અંગે...

સલમાન ખાનની ફિલ્મ રાધે: યોર મોસ્ટ વોન્ટેડ ભાઈ (Radhe - Your Most Wanted Bhai) 13 મેના રોજ રિલીઝ થશે. OTT પ્લેટફોર્મ સિવાય આ ફિલ્મ જે સ્થળોએ થિયેટર ખુલ્લા છે ત્યાં પણ રિલીઝ થશે. આ ઉપરાંત ફિલ્મ ડિશ સર્વિસ પર પણ પ્રીમિયમ ચાર્જ ભરીને જોઈ શકાશે.

14 મેના રોજ OTT પ્લેટફોર્મ એમેઝોન પ્રાઈમ પર સુપરનેચરલ સીરીઝ ધી લાસ્ટ અવર (The Last Hour) રિલીઝ થશે. આ રિલીઝ ઘણા સમયથી અટકી પડી હતી. આ સિરીઝમાં સંજય કપૂરે કામ કર્યું છે. તેમજ શહાના ગોસ્વામી, રાઈમા સેન લીડ રોલમાં જોવા મળશે.

એમેઝોન પ્રાઈમ પર 14 મેના રોજ ધી અંડરગ્રાઉન્ડ રેલરોડ (The Underground Railroad) રિલીઝ થશે. જેને બૈરી જેન્કિસે નિર્દેશિત કરી છે. આ ફિલ્મ અમેરિકાના ગૃહ યુદ્ધ પહેલા દક્ષિણ ક્ષેત્ર કોરા રેંડલની આઝાદીની કથા બતાવે છે.

'અલ્મા મેટર: ઇનસાઈડ ધી આઈઆઈટી ડ્રિમ (Alma Matters: Inside The IIT Dream) નામની ડોક્યુમેન્ટરી 14 મેના રોજ નેટફ્લિક્સ પર રિલીઝ થશે. જેમાં આઈઆઈટી ખડગપુર કેમ્પસની ઇનસાઈડ સ્ટોરી જોવા મળશે. આ ફિલ્મ સાથે વિકેન્ડને બહેતર બનાવી શકાશે.

થિયેટરમાં અગાઉ રિલીઝ થઈ ચુકેલી ગૈલ ગૈડોટની વંડર વુમન 1984 (Wonder Woman 1984)ને હવે એમેઝોન પ્રાઈમ પર 15 મેના રોજ સ્ટ્રીમ કરવામાં આવશે.