ઋષિ કપૂરના નિધન પછી બોલિવૂડ શોકગ્રસ્ત, અમિતાભ બચ્ચને કહ્યું-હું તૂટી ગયો છું!

હજી આપણે અભિનેતા ઇરફાન ખાનની મોતના દુ:ખમાંથી બહાર નથી આવ્યા ત્યાં જ બોલિવૂડ તેના વધુ એક દમદાર એક્ટરને ગુમાવ્યો છે. બોલિવૂડના જાણીતા સુપરસ્ટાર ઋષિ કપૂરનું 67 વર્ષની ઉંમરે નિધન થયું છે. તે લાંબા સમયથી કેન્સરથી પીડિતા હતા. અને આખરે આ કારણે જ તેમનું નિધન થયું છે. ઋષિ કપૂરની મોત પછી બોલિવૂડ શોકગ્રસ્ત થયું છે. અમિતાભ બચ્ચન પણ આ અંગે પ્રતિક્રિયા આપી છે.

અમિતાભ બચ્ચને ટ્વિટ કરીને જણાવ્યું કે - તે ગયો, ઋષિ કપૂર જતો રહ્યો. હાલ તેમનું નિધન થયું છે. હું તૂટી ગયો છું! કપૂર ફેમલીમાં રણધીર કપૂરે ઋષિ કપૂરના નિધનની ખબરોને કંફર્મ કરી છે. ઋષિ કપૂરને બુધવારે તેમનો પરિવાર એચ એન રિલાયન્સ હોસ્પિટલમાં સારવાર માટે લઇ ગયો હતો. તેમની તબિયત બગડતા તેમની આ હોસ્પિટલમાં દાખલ કરવામાં આવ્યા હતા. તેમને શ્વાસ લેવામાં તકલીફ થઇ રહી હતી. તેવું તેમના ભાઇ રણધીર જણાવ્યું છે.

બીજી તરફ બોલિવૂડના અન્ય સ્ટાર્સ પણ આ અંગે પ્રતિક્રિયા આપી રહ્યા છે. અક્ષય કુમારે પણ કહ્યું કે ઋષિ કપૂર એક લેજન્ડ અને અદ્ધભૂત કો સ્ટાર અને સારા મિત્ર હતા. હું તેમને શ્રદ્ધાજંલિ આપું છે. ભગવાન તેમના પરિવારને સાંત્વના આપે.

પરેશ રાવલે પણ ઋશિ કપૂરના નિધન પર એક જ શબ્દમાં પોતાનો દુખ વ્યક્ત કરતા લખ્યું છે કે હું સુન્ન થઇ ગયો છું.

અમૃતા રાવ પણ લખ્યું કે વધુ એક ઝટકો. કપૂર ફેમિલિને મારી સાંત્વના. ઋષિ કપૂરજી હવે આ દુનિયામાં નથી રહ્યા. ચોક્કસથી ઇરફાન ખાન પછી ઋષિ કપૂરના નિધનથી બોલિવૂડ શોકગ્રસ્ત બન્યું છે. બંને કેન્સરથી પીડાઇ રહ્યા હતા. અને તે પછી આમ આગળ પાછળ તેમની એક પછી એક મોતથી બોલિવૂડ તેના બે દમદાર સ્ટાર ગુમાવ્યા છે.