Samantha થી લઈને Neena Gupta સુધી, આ અભિનેત્રીઓએ ટ્રોલ્સને આપ્યો જડબાતોડ જવાબ

Bollywood Actresses Slammed Trolls : સામંથા રૂથ પ્રભુ (Samantha Ruth Prabhu) અને નીના ગુપ્તા (Neena Gupta) જેવી અભિનેત્રીઓ ટ્રોલ્સને પાઠ ભણાવવા સોશિયલ મીડિયા પર આવી રહી છે. આ પહેલીવાર નથી જ્યારે કોઈ સ્ટારે નેટીઝન્સની ખરાબ ટિપ્પણીઓની ટીકા કરી હોય. પ્રિયંકા ચોપરા, શમા સિકંદર અને તાપસી પન્નુ જેવા સ્ટાર્સ ભૂતકાળમાં પણ ટ્રોલ્સને જવાબ આપતા રહ્યા છે. (Instagram/samantharuthprabhuoffl/neena_gupta

સામંથા રૂથ પ્રભુ (Samantha Ruth Prabhu) : સામંથા રૂથ પ્રભુએ થોડા સમય પહેલા એક એવોર્ડ ફંક્શનમાં ગ્રીન ડીપ નેક ગાઉન પહેરીને હાજરી આપી હતી. તેણીએ એક પોસ્ટ પોસ્ટ કરીને ટ્રોલ્સને જવાબ આપ્યો કે, કેવી રીતે મહિલાઓને સરળતાથી જજ કરવામાં આવે છે. તે લખે છે, 'એક મહિલા તરીકે હું સમજું છું કે, જજ કરવાનો અર્થ શું છે. અમે સ્ત્રીઓને તેમની જાતિ, શિક્ષણ, સામાજિક સ્થિતિ, દેખાવ, ત્વચાના રંગના આધારે જજ કરીએ છીએ. કોઈ પણ વ્યક્તિને તેના કપડાંના આધારે જજ કરવું સૌથી સરળ કામ છે. (Instagram/samantharuthprabhuoffl)

નીના ગુપ્તા (Neena Gupta) : નીના ગુપ્તાએ મહિલાઓના કપડાની પસંદગીના કારણે ટ્રોલને ચેતવણી આપી હતી. ઇન્સ્ટાગ્રામ પરના એક નવા વિડિયોમાં તેણે એવા લોકોને જડબાતોડ જવાબ આપ્યો છે જેઓ મહિલાઓને બોલ્ડ કપડાં પહેરવા બદલ જજ કરે છે. (Instagram/neena_gupta)

નીના કહે છે, 'હું તમને કહી દઉં કે મેં સંસ્કૃતમાં એમફિલ કર્યું છે અને બીજું ઘણું કર્યું છે. તેથી, કપડાંના આધારે કોઈને જજ કરવું તે યોગ્ય નથી. નોંધી લો, ટ્રોલ્સ. (Instagram/neena_gupta)

શમા સિકંદર (shama sikander) : ઓસ્ટ્રેલિયામાં વેકેશન દરમિયાન, શમાએ બીચ પર ચીલ કરતા સમયે સફેદ બિકીની પહેરેલી પોતાની એક તસવીર શેર કરી હતી. તેણીએ એક પોસ્ટ દ્વારા તમામ ટ્રોલ્સને ઠપકો આપ્યો હતો, જેઓ તેમના શરીરના ભાગોને અલગ-અલગ વસ્તુઓ સાથે સરખાવી રહ્યા હતા. (Instagram/shamasikander)

શમા સિકંદરે પોસ્ટમાં લખ્યું, 'મને લાગે છે કે, તે બધા ટ્રોલ માટે સમય આવી ગયો છે જેઓ મારા શરીરના ભાગોને અલગ-અલગ નામ આપવાનું પસંદ કરે છે, જેથી તેઓ તેમાંથી બહાર આવી શકે અને તેમના જીવનમાં આગળ વધી શકે.' (Instagram/shamasikander)

તાપસી પન્નુ (taapsee pannu) : જ્યારે તાપસી પન્નુ 'જુડવા 2'ના સેટ પરથી બિકીનીમાં તેની BTS તસવીરો શેર કરવા સોશિયલ મીડિયા પર આવી ત્યારે તે બોડી શેમિંગનો શિકાર બની હતી. તેણે જવાબ આપ્યો, 'ગંદી? હું જાણતી હતી કે મારે મારા શરીર પરથી રેતી સાફ કરવી જોઈતી હતી. આગળ હું ધ્યાન રાખીશ...' (Instagram/taapsee)

પ્રિયંકા ચોપરા (priyanka chopra) : થોડા વર્ષો પહેલા, પ્રિયંકા ચોપરાને બર્લિનમાં પીએમ મોદી સાથે મુલાકાત કરતી વખતે યોગ્ય કપડાં ન પહેરવા અને અપમાનજનક પોઝમાં બેસવા માટે ઇન્ટરનેટ પર ટ્રોલ કરવામાં આવી હતી. ત્યારબાદ પ્રિયંકાએ તેની મજાકિયા અંદાજમાં ટ્રોલર્સને જવાબ આપ્યો. ત્યારબાદ અભિનેત્રીએ તેની માતા સાથે એક તસવીર શેર કરી, જેમાં તેના પગ દેખાઈ રહ્યા હતા. (Instagram/priyankachopra)