PHOTOS:તનુશ્રી ઉપરાંત બોલિવૂડની આ હિરોઇનો બની છે છેડતીનો શિકાર

ભલે સમાજ સ્ત્રી પુરૂષ એક સમાનની વાતો કરતુ હોય પણ દરેક ઇન્ડસ્ટ્રીમાં સ્ત્રીઓની અસ્મિતાને દાગ લગાવવાની ઘટનાઓ અવાર નવાર સામે આવતી હોય છે. ફિલ્મ ઇન્ડસ્ટ્રીને ખુબજ વાઇબ્રન્ટ, ઓપન માઇન્ડેડ માનવામાં આવે છે. કહેવાય છે કે આ ઇન્ડસ્ટ્રી એવી છે કે જે એક વખત તેનાં રંગમાં રંગાઇ ગયુ તો આ જગ્યાએથી બહાર આવવું અઘરુ થઇ જાય છે. ત્યારે આ ઇન્ડસ્ટ્રીમાં તનુશ્રી જેવા લોકો છે જેઓ શારીરિક છેડતીનો ભોગ બન્યા બાદ ઇન્ડસ્ટ્રીને અલવીદા કહી દીધી.. તો એવી પણ એટલીયે હિરોઇન છે જેમણે પોતાની સાથે બનેલી ઘટના વિશે વાત કરી અને છેડતી કરનારને સબક પણ શીખવ્યો હતો.

વર્ષ 2016માં એક બૂક લોન્ચિંગ દરમિયાન કંગના રનૌટે પોતે આ વાતનો ખુલાસો કર્યો હતો કે, તે ખુબજ મુશ્કેલી સમય હતો જ્યારે તે શારીરિક છેડતીનો ભોગ બની હતી. તેણે તેની ફિલ્મ 'ક્વિન'ના ડિરેક્ટર વિકાસ બહલ પર છેડતીનો આરોપ લગાવ્યો હતો. તેણે તેની સાથે ઘટેલી બીજી એક ઘટના વિશે વાત કરતાં કહ્યું કે, તેણે એક વ્યક્તિને સેન્ડલથી ફટકાર્યો હતો.

ઝાયરા વસીમ સાથે ફ્લાઇટમાં છેડતી થઇ હતી. તેણે સોશિયલ મીડિયા પર એક વીડિયો અપલોડ કર્યો હતો અને ફ્લાઇટનાં ક્રુ મેમબર્સ અને છેડતી કરનારા વિરુદ્ધ અવાજ ઉઠાવી હતી. ફ્લાઇટમાં છેડતીનો ભોગ બની તે દરમિયાન કોઇએ તેની મદદ કરી ન હતી. પણ તેણે જ્યારે આ વાત જાહેરમાં કરી ત્યારે સૌ કોઇએ તેનો પક્ષ લીધો હતો અને એરલાઇન્સ વિરુદ્ધ એક્શન પણ લીધા હતાં.

એક ચેટ શો દરમિયાન રાધિકા આપટેએ તેની સાથે બનેલી ઘટના વિશે વાત કરી હતી. તેણે કહ્યું હતું કે, એક સાઉથ ઇન્ડિયન એક્ટરે તેની સાથે છેડતી કરી હતી. શૂટિંગનો પહેલો દિવસ હતો. ત્યારે એક્ટરે તેનાં પગને ખોટી રીતે ટચ કર્યા હતાં. આમ કરવા પર રાધિકાએ તે એક્ટરનાં ગાલ પર તમાચો ચોડી દીધો હતો.

કલ્કી કોચલીને પણ પોતાની સાથે બનેલી છેડતીની ઘટના વિશે વાત કરતાં કહ્યું હતું કે, નેશનલ એવોર્ડ ફંક્શન દરમિયાન કલ્કિ કોચલીન સાથે છેડતી થઇ હતી. કલ્કિ વેન્યૂથી બહાર આવતી હતી ત્યારે ભીડનો ફાયદો ઉઠાવીને કેટલાંક લોકોએ તેની સાથે છેડતી કરી હતી.

ગોહર ખાન રિયાલિટી શો ઇન્ડિયાઝ રો સ્ટારમાં એન્કરિંગ કરી રહી હતી. તે સમયે એક દર્શકે આવીને તેને લાફો ચોડી દીધો હતો. તે બાદ સામે આવ્યું કે, ગોહર એક મુસ્લિમ મહિલા છે છતા તે ખુબજ એક્સપોઝીવ કપડાં પહેરે છે જેને કારણે આ યુવકે તેની સાથે જાહેરમાં આવું વર્તન કર્યુ હતું.

શિલ્પા શિંદે એટલે કે અંગુરી ભાભીએ પણ તેનાં શો 'ભાભીજી ઘર પર હૈ'નાં પ્રોડ્યુસર વિરુદ્ધ છેડતીનો કેસ દાખલ કર્યો હતો.

ઇશા દેઓલ વર્ષ 2005માં છેડતીનો ભોગ બની હતી. તેણે તેની સાથે ખોટુ કરનારાને જડબાતોડ જવાબ આપ્યો હતો. એક વ્યક્તિને તો ઇશાએ થપ્પડ લગાવી દીધી હતી.

કોએના મિત્રાએ વર્ષ 2017નાં ઓગષ્ટમાં એક અજ્ઞાત વ્યક્તિ વિરુદ્ધ તેણે પોલીસ ફરિયાદ કરી હતી. કલમ 502 હેઠળ ફરિયાદ કરતાં કોએનાએ કહ્યું હતું કે, એક અજ્ઞાત શખ્સ ફોન પર અશ્લીલ વાતો કરતો હતો સાથે જ તેને એક રાત ગુજારવાની વાતો પણ કરતો હતો.

ડિમ્પલ ગર્લ પ્રીટિ ઝિન્ટા પણ છેડતીનો ભોગ બની હતી. વર્ષ 2014માં પ્રીટિનાં એક્સ બોયફ્રેન્ડ અને બિઝનેસ મેન નેસ વાડિયા વિરુદ્ધ છેડતીનો મામલો દાખલ કર્યો છે. ફરિયાદમાં પ્રીતિએ કહ્યું કે, નેસે વાનખેડે સ્ટેડિયમમાં તેની સાથે છેડતી કરી હતી.

ડ્રામા ક્વિન રાખી સાવંત પણ સિંગર મિકા સિંઘ વિરુદ્ધ કેસ કરી ચૂકી છે. મિકાએ તેને જાહેરમાં કિસ કરી હતી.