25 વર્ષથી નથી આ એક્ટરનો કોઇ અત્તોપત્તો, પત્નીએ કરી લીધાં બીજા લગ્ન, હચમચાવી નાંખે એવી છે હકીકત

Nguhj નવી દિલ્હી. તમે બોલિવૂડ સ્ટાર્સ સાથે જોડાયેલી ઘણી વાતો સાંભળી અને વાંચી હશે, પરંતુ આજે અમે જેના વિશે વાત કરવા જઈ રહ્યા છીએ તે એક્ટર વિશે જાણીને તમે દંગ રહી જશો. દિવંગત એક્ટર ઋષિ કપૂરની ફિલ્મ 'કર્જ'થી દેશભરમાં ફેમસ થયેલા 80ના દશકના હીરો રાજ કિરણ મહતાની (Raj Kiran Mahtani) છેલ્લા 25 વર્ષથી ગાયબ છે. (ફોટો ક્રેડિટ: Instagram @rishfinejewelry)

જો મીડિયા રિપોર્ટ્સનું માનીએ તો છેલ્લા 25 વર્ષથી રાજ કિરણનો કોઇ અત્તોપત્તો નથી. તેનો પરિવાર પણ તેને શોધી રહ્યો છે, પરંતુ હજુ સુધી તેના વિશે કોઈને કંઈ જાણવા મળ્યું નથી. રાજને બે દીકરીઓ છે - ઋષિકા મહતાની અને મન્નત મહતાની અને તેની પત્ની રૂપાએ બીજા લગ્ન પણ કર્યા છે.

રાજની દીકરી ઋશિકા પ્રોફેશનલ જ્વેલરી ડિઝાઈનર છે અને તે દર વર્ષે તેના ઈન્સ્ટાગ્રામ એકાઉન્ટ પર એક પોસ્ટ કરીને તેના પિતાને બર્ત ડે વિશ જરૂર કરે છે. (ફોટો ક્રેડિટ: Instagram @rishfinejewelry)

ઋશિકા પાસે તેના પિતા સાથે માત્ર એક જ ફોટો છે, જે તે દરેક વખતે સોશિયલ મીડિયા પર પોસ્ટ કરે છે, જેમાં તે ખૂબ જ નાની જોવા મળી રહી છે અને પિંક કલરના ડ્રેસમાં તેના પિતા રાજ કિરણના ખોળામાં બેઠી છે. તે આ ફોટોનો ઉપયોગ તેના પિતાને બર્થ ડે વિશે કરવા માટે કરે છે.

રાજ કિરણની ફિલ્મી કરિયર ખૂબ સારી રીતે ચાલી રહી હતી, લીડ રોલ સિવાય તેણે ઘણા સપોર્ટિંગ રોલ્સ પણ પ્લે કર્યા, પરંતુ તેનું આ રીતે અચાનક ગાયબ થવું તેના ફેન્સ માટે પણ ચોંકાવનારી બાબત હતી. (ફોટો ક્રેડિટ: Instagram @rishfinejewelry)

કેટલાક મીડિયા રિપોર્ટ્સમાં દાવો કરવામાં આવ્યો છે કે રાજ કિરણ તેની કરિયરમાં પીછેહઠ કર્યા પછી ગંભીર ડિપ્રેશનમાં ચાલ્યા ગયા હતા. બાદમાં તેને મુંબઈના ભાયખલા મેન્ટલ એસાઈલમમાં દાખલ કરવામાં આવ્યા હતા. તે ઈન્ડસ્ટ્રીમાંથી ગાયબ થઈ ગયા અને ઘણા વર્ષોથી અમેરિકામાં વૈરાગીરૂપે રહેતા હોવાનું માનવામાં આવતું હતું.

તે જ સમયે, જૂન 2011 માં, યુનાઇટેડ સ્ટેટ્સના પ્રવાસ પર, ઋષિ કપૂરે ગુમ થયેલા એક્ટરના ભાઈ ગોવિંદ મહતાનીને ફોન કર્યો, જેણે તેમને કહ્યું કે એક્ટર એટલાન્ટામાં એક પાગલખાનામાં છે, જ્યાં તે એક માનસિક બીમારીના કારણે રહે છે.

જ્યારે 2011 માં તેમની દીકરી ઋશિકાએ એક જાહેર નિવેદન જારી કરીને રાજ કિરણ એટલાન્ટામાં મળી આવ્યાના રિપોર્ટને નકારી કાઢ્યા હતા. તેણે કહ્યું કે તે અને તેનો પરિવાર વર્ષોથી ન્યૂયોર્ક પોલીસ અને ખાનગી જાસૂસોની મદદથી તેમને શોધી રહ્યા હતા. રાજને આજે પણ કાગઝ કી નાવ (1975), શિક્ષા (1979), માન અભિમાન (1980) અને એક નયા રિશ્તા (1988), કર્જ (1980), બસેરા (1981), અર્થ (1982), રાજ તિલક (1984), અને વારીસ (1988) જેવી ફિલ્મો માટે યાદ કરવામાં આવે છે.