એક્ટિંગમાં માહેર આ 5 ક્રિકેટરોએ ફિલ્મોમાં હાથ અજમાવ્યો, ફિલ્મી ઇનિંગ્સ કંઈ ખાસ નહોતી!

શિખર ધવન, ઈરફાન પઠાણ જેવા ક્રિકેટરોએ વિપક્ષી ટીમને ઘણી વખત મેદાનમાં ધૂળ ચટાડી છે. આ ક્રિકેટરોએ માત્ર બેટ અને બોલથી જ તેમની કુશળતા નથી દર્શાવી, પરંતુ તેની સાથે સાથે કેમેરાની સામે તેમની અભિનય કુશળતા માટે પ્રશંસા પણ મેળવી છે. જોકે તેની ફિલ્મો બોક્સ ઓફિસ પર કંઈ ખાસ કમાલ કરી શકી નથી. તો આવો જાણીએ અભિનયમાં પારંગત એવા 5 ક્રિકેટરોની ફિલ્મી સફર વિશે.

સિનેમા અને ક્રિકેટનું ભારતીય લોકો માટે વિશેષ મહત્વ હોય છે. તેમના વિના મનોરંજનની વાત અધૂરી લાગે છે. જ્યારે બંનેનો સંગમ થાય છે ત્યારે કંઈક એવું બને છે જેને લોકો વર્ષો સુધી યાદ રાખે છે. ક્રિકેટરોના નામ અવારનવાર ફિલ્મ સ્ટાર્સ સાથે જોડવામાં આવતા હોય છે. ક્યારેક આ સંબંધ રીલ લાઈફથી આગળ વધીને રિયલ લાઈફમાં આવી જાય છે.

ઉલ્લેખનીય છે કે, ફિલ્મ મેકર્સ આ વાત સારી રીતે જાણે છે, તેથી ફિલ્મની લોકપ્રિયતા વધારવા માટે તેઓ ક્રિકેટરોને ફિલ્મોમાં તક આપી રહ્યા છે. અહીં અમે એવા પાંચ ક્રિકેટરો વિશે વાત કરવા જઈ રહ્યા છીએ જેમણે સિનેમામાં પોતાની બીજી ઇનિંગ શરૂ કરવાનો પ્રયાસ કર્યો.

ઈરફાન પઠાણઃ ક્રિકેટના મેદાન સિવાય ઈરફાન પઠાણ જીવનના ક્ષેત્રમાં પણ પોતાને ઓલરાઉન્ડર માને છે અને આ વાત સાચી પણ છે. મીડિયા રિપોર્ટ્સ પ્રમાણે જો વાત કરવામાં આવે તો, ઈરફાને થોડા મહિના પહેલા રિલીઝ થયેલ તમિલ ફિલ્મ 'કોબ્રા'માં દમદાર ભૂમિકા ભજવીને લોકોને ચોંકાવી દીધા હતા. ફિલ્મ ભલે સરેરાશ સમીક્ષાઓ માટે ખુલી હોય, પરંતુ ફિલ્મમાં એક કઠિન ઇન્ટરપોલ ઓફિસર તરીકે ઇરફાનની ભૂમિકા માટે બધાએ વખાણ કર્યા હતા. તેણે અગાઉની ફિલ્મોમાં પણ બે નાની ભૂમિકાઓ ભજવી હતી. (ફોટો ક્રેડિટ્સ: Instagram @irfanpathan_official)

શિખર ધવનઃ શિખર ધવન 'ડબલ એક્સએલ'માં હુમા કુરેશી સાથે ડાન્સ કરતો જોવા મળ્યો છે. આ ફિલ્મમાં તે ખૂબ જ આકર્ષક લાગી રહ્યો છે. આ શોટ ડ્રીમ સિક્વન્સનો એક ભાગ છે. ફિલ્મ નિર્માતાઓ ઇચ્છતા હતા કે શિખર હુમા પાસે જાય અને તેને ડાન્સ કરવા કહે. તેની ટ્રેડમાર્ક હેરસ્ટાઇલ અને ડેશિંગ લુક સાથે શિખર ધવન કરતાં તેને વધુ સારી રીતે કોણ કરી શકે તેમ હતુ? જોકે, આ ફિલ્મ બોક્સ ઓફિસ પર કમાલ બતાવી શકી નથી. (ફોટો ક્રેડિટ્સ: Instagram @shikhardofficial)

હરભજન સિંહ: ક્રિકેટર ઘણા વર્ષોથી ફિલ્મોમાં પોતાનો હાથ અજમાવી રહ્યો છે. મીડિયા રિપોર્ટ્સ પ્રમાણે વાત કરવામાં આવે તો તે પહેલીવાર 2009માં આવેલી ફિલ્મ 'વિક્ટરી'માં જોવા મળ્યો હતો. ત્યારબાદ તે 2013માં આવેલી ફિલ્મ 'ભજ્જી ઇન પ્રોબ્લેમ'માં જોવા મળ્યો હતો. તેણે 2021માં આવેલી તમિલ ફિલ્મ 'દિક્કીલૂના'માં પણ કામ કર્યું હતું. (ફોટો ક્રેડિટ્સ: Instagram @harbhajan3)

બ્રેટ લીઃ ઓસ્ટ્રેલિયાના ફાસ્ટ બોલર બ્રેટ લીની આંતરરાષ્ટ્રીય ક્રિકેટમાં શાનદાર કારકિર્દી રહી છે. ખાસ કરીને વાત કરવામાં આવે તો તે વર્ષ 2003માં વર્લ્ડ કપ જીતનાર ટીમનો ભાગ હતો. ક્રિકેટમાંથી નિવૃત્તિ લીધા પછી, તેણે રમત સાથે પોતાનું જોડાણ જાળવી રાખ્યું અને ફોક્સ સ્પોર્ટ્સ માટે કોમેન્ટેટર તરીકે કામ કર્યું છે. મીડિયા રિપોર્ટ્સ પ્રમાણે તેણે ફિલ્મોમાં પણ હાથ અજમાવ્યો હતો. તેણે તનિષ્ઠા ચેટર્જી સાથે ઈન્ડો-ઓસ્ટ્રેલિયન ફિલ્મ 'અનઈન્ડિયન'માં અભિનય કર્યો હતો. (ફોટો ક્રેડિટ્સ: Instagram @brettlee_58)

અંગદ બેદીઃ અંગદ બેદી એક્ટિંગની દુનિયામાં સક્રિય છે, પરંતુ બહુ ઓછા લોકો જાણે છે કે ભૂતપૂર્વ ભારતીય સ્પિનર ​​બિશન સિંહ બેદીનો પુત્ર એક સમયે પ્રોફેશનલ ક્રિકેટ રમ્યો હતો. મીડિયા રિપોર્ટ્સ પ્રમાણે, તે ફૂલ ટાઈમ મોડલિંગ કરતા પહેલા દિલ્હીની અંડર-19 ટીમનો ભાગ હતો. બાદમાં તેણે અભિનયનો માર્ગ પસંદ કર્યો, જે તેની પસંદગીની કારકિર્દી છે. (ફોટો ક્રેડિટ્સ: Instagram @angadbedi)