B'Day Trivia:પપ્પાનાં કહેવાથી અર્જુન કપૂરે તોડ્યા હતા મલાઇકાથી સંબંધ

અર્જુન કપૂરનું નામ બોલિવૂડનાં ઉભરતા સિતારા તરીકે થાય છે. ફિલ્મી પરિવારથી તાલ્લુક રાખવા છતા અર્જુનને ઇન્ડસ્ટ્રીમાં ચોક્કસ મુકામ હાંસેલ કરવા માટે ઘણો સંઘર્ષ કરવો પડ્યો છે. તેનાં ભારે શરીરને કારણે પહેલાં તેની ઘણી આલોચના થઇ હતી. અને તેને એક્ટર તરીકે ફિટ માનવામાં આવતો ન હતો. અર્જુને ઘણાં વર્ષો મહેનત બાદ સાબિત કર્યુ કે તે એક સફળ એક્ટર છે. સાથે જ તે તેનાં લુક્સ અને ફિઝિકથી બધાનું ધ્યાન તેની તરફ આકર્ષિત કર્યુ હતું.

અર્જુન કપૂરનો જન્મ 26 જૂન 1985નાં રોજ મુંબઇમાં થયો તો તે ફિલ્મ નિર્માતા બોની કપૂરનો પૂત્ર છે.

અર્જુનનાં કાકા અનિલ કપૂર બોલિવૂડનાં સૌથી સફળ એક્ટરમાંથી એક છે. અર્જૂન કપૂરની તેનાં કાકા સાથે ખુબજ બને છે. છેલ્લે તેઓએ 'મુબારકાં' ફિલ્મમાં સાથે કામ કર્યુ હતું.

અર્જુનની ગણતરી તે સેલિબ્રિટીઝમાં થાય છે જેમનું વજન પહેલાં સૌથી વધુ હતું બાદમાં તેણે ઉતાર્યુ હતું. અર્જુનનું વજન 140 કિલો હતું જે તેને ડેબ્યુ કરતાં પહેલાં ઉતાર્યુ હતું.

અર્જુન કપૂરનાં રિલેશનશિપની વાત કરીએ તો ફિલ્મોમાં આવ્યો તે પહેલાં જ તેનું નામ સલમાન ખાનની બહેન અર્પિતા ખાન સાથે જોડાયુ હતું. અર્પિતા તેની સાથે અફેર સમયે સિરિયસ હતી પણ અર્જુન સિરિયસ ન હતો. આ સમયમાં અર્જુન મલાઇકા તરફ આકર્ષિત થયો હતો.

કહેવાય છે કે અર્જુનનું અર્પિતા સાથે અફેર તુટવાનું કારણ મલાઇકા અરોરા ખાન સાથેની નિકટતા હતી. સલમાન અને અર્પિતાની ભાભી સાથે અર્જુનનું નામ જોડાયુ હતું. વાતો તો હતી કે અર્જુનનાં પિતા બોની કપૂરને આ વાતની જાણ થતા તેમણે અર્જુનને મલાઇકા સાથેનાં સંબંધોને તોડવાની સલાહ આપી હતી.

બોની કપૂરે કહ્યું હતું કે જો તુ મલાઇકાથી દૂરીઓ નહીં બનાવે તો તારા અને સમલાન ખાનનાં સંબંધો બગડી શકે છે બાદમાં અર્જુને મલાઇકા સાથે દૂરી બનાવી હતી.

અર્જુન કપૂરનું નામ તેના કરિઅરની પહેલી ફિલ્મ 'ઇશ્કઝાદે'ની હસિના અને તેની કો-સ્ટાર પરિણીતિ ચોપરા સાથે પણ જોડાયુ હતું.

જે બાદ ફિલ્મ 'તેવર'નાં શૂટિગં સમયે અર્જુન કપૂરનું નામ સોનાક્ષી સિન્હા સાથે જોડાયુ હતું.

હાલમાં અર્જુન કપૂર સિંગલ છે. મુખ્ય વાત એ છે કે તે તેની સાવકી બહેનો સાથે હાલમાં સારો સમય વીતાવી રહ્યો છે. તેમનાં બગડેલા સંબંધોમાં સુધાર આવી રહ્યો છે. શ્રીદેવીનાં નિધન બાદ અર્જુન બહેન અંશુલાની જેમ જ જ્હાનવી અને ખુશીનું ધ્યાન રાખી રહ્યો છે.

હાલમાં આઇફા એવોર્ડ સમારંભમાં શ્રીદેવીને એનાયત કરેલો એવોર્ડ લેવાં બોની કપૂર પહોચ્યો હતો જ્યાં તે ભાવૂક થઇ ગયો હતો અને બાદમાં અર્જુને તેને સંભાળ્યો હતો. આપને જણાવી દઇએ કે શ્રીદેવી સાથે લગ્ન કરતાં બોની અને અર્જુનનાં સંબંધોમાં ખટાશ આવી ગઇ હતી એક સમય હતો જ્યારે પિતા પૂત્ર એકબીજા સાથે વાત પણ નહોતા કરતા.