ભૂમિકા ચાવલા યાદ છે? આ તે જ હિરોઇન તેરે નામ ફિલ્મની નિર્જરા. તેનો માસૂમ ચહેરો જોઇ આપને પણ નિર્જરાથી પ્રેમ થઇ ગયો હતો ને.. જે રીતે રાધે ભૈયા તેનાં પ્રેમમાં પાગલ થયા હતાં. તેમ તમને પણ તેના માટે પ્રેમ થયો જ હતો ને.. આજે તે જ નિર્જરા એટલે કે ભૂમિકા ચાવલાનો આજે 21 ઓગષ્ટનાં રોજ 41મો જન્મ દિવસ છે.
ભૂમિકા ચાવલાએ શરૂઆત તો આમ સાઉથ ફિલ્મ ઇન્ડસ્ટ્રીથી કરી હતી. પણ હિન્દી ફિલ્મોમાં તેણે એન્ટ્રી સલમાન ખાનની સાથે કરી. ફિલ્મ 'તેરે નામ'થી. આ સાથે જ તે રાતો રાત સ્ટાર બની ગઇ હતી. તેની ફેન ફોલોઇંગ દેશભરમાં થઇ ગઇ હતી.
આ ફિલ્મ જેટલી શુભ ભૂમિકા માટે રહી તેટલી જ શુભ સલમાન ખાનનાં કરિઅર માટે રહી. જો આપ કિસ્મત કનેક્શન અને ગૂડલકમાં માનતા હોવ તો કહી શકાય કે, ભૂમિકા ભાઇજાન એટલે કે સલમાન ખાન માટે લકી રહી. જેણે તેની અટકેલી ગાડીને પાટે લાવી હતી.
'તેરે નામ' બાદ ભૂમિકા ચાવલાએ બોલિવૂડમાં અભિષેક બચ્ચનની સાથે 'રન' ફિલ્મ કરી હતી. જે પણ બોક્સ ઓફિસ પર હિટ સાબિત થઇ હતી.
આજે ભૂમિકા ચાવલાનો 41મો જન્મ દિવસ છે ત્યારે તેની સૌથી ચર્ચિત અને બોક્સ ઓફિસ પર કમાલ કરનારી ફિલ્મ 'તેરે નામ'ની વાત કરીએ તો.. આ ફિલ્મમાં સલમાન-ભૂમિકાની કેમેસ્ટ્રી, ફિલ્મનું મ્યૂઝિક અને સેટ બધુ જ ઘણું ખાસ હતું. આ ફિલ્મે આખા દેશમાં 'તેરે નામ'નાં આશિક બનાવી દીધા હતાં. લોકો સલમાન ખાનની હેરસ્ટાઇલની કોપી કરવા લાગ્યા હતાં.
Hospitals & Testing centres