Bigg Boss OTT ની વિનર બની દિવ્યા અગ્રવાલ, ટ્રોફીની સાથે આપ્યાં ક્યૂટ પોઝ, જુઓ PHOTOS

એન્ટરટેઇનમેન્ટ ડેસ્ક: છ અઠવાડિયાનાં લાંબા ઇન્તેઝાર બાદ આખરે 'બિગ બોસ ઓટીટી' (Bigg Boss OTT) વિનરનું નામ સામે આવ્યું છે. ફેન્સનો ઇન્તેઝાર પૂર્ણ થઇ ગયો છે. બિગ બોસ ઓટીટીનો ખિતાબ દિવ્યા અગ્રવાલ (Divya Agarwal)નાં નામે થયો છે. દિવ્યાને ટ્રોફીની સાથે 25 લાખ રૂપિયાની વિનિંગ અમાઉન્ટ મળી છે. આ વચ્ચે BB OTTની વિનર દિવ્યાની કેટલીક તસવીરો સામે આવી છે જેમાં તે ટ્રોફીની સાથે ક્યૂટ પોઝ આપતી નજર આવે છે.

દિવ્યાએ શમિતા શેટ્ટી, રાકેશ બાપટ અને નિશાંત ભટ્ટને હરાવીને આ ખિતાબ પોતાનાં નામે કર્યો છે. આ લિસ્ટમાં શમિતા ત્રીજા નંબર પર આવી હતી. નિશાંત સેકેન્ડ રનરઅપ રહ્યો હતો. જ્યારે દિવ્યાએ ટ્રોફી તેનાં નામે કરી હતી.

દિવ્યાં અગ્રવાલ (Divya Agarwal)નાં ચહેરા પર આ ખિતાબ જીતવાની ખુશી સ્પષ્ટ જોઇ શકાય છે. તેનાં ચહેરા પર જોવા મળેલાં એક્સપ્રેશન બધુ જ કહી જાય છે.

બિગ બોસ ઓટીટીમાં છેક સુધી શમિતા શેટ્ટી અને રાકેશ બાપટની જોડીને કરન જોહર વધુ પ્રમોટ કરતો હોય તેવાં આરોપો પણ લાગ્યા હતાં. તેમજ ભોજપુરી એક્ટ્રેસ અક્ષરા સિંહે પણ આ આરોપો લગાવ્યાં હતાં. જોકે શોનાં ફિનાલેમાં સૌનાં ગણિત ખોટા પડી ગયા હતાં.

શનિવારે થયેલાં રંગારંગ ફિનાલમાં ચાર સ્પર્ધકો પહોંચ્યા હતાં. કૂલ પાંચ સ્પર્ધક હતાં જેમાં દિવ્યા અગ્રવાલ, શમિતા શેટ્ટી, રાકેશ બાપટ, પ્રતિક સહજપાલ અને નિશાંત ભટ્ટ. પ્રતિકે ચતુરાઇ કરી 15 લાખ રૂપિયા ભરેલી બેગ અને બિગ બોસ 15માં એન્ટ્રીનું ઇનામ લઇ તે ઘરની બહાર આવી ગયો હતો.

બિગ બોસ ઓટીટીની પહેલી વિનર દિવ્યા અગ્રવાલને ટ્રોફીની સાથે 25 લાખ રૂપિયાનું વિનિંગ અમાઉન્ટ પણ મળી હતી.