BB13: એક બાળકનો પિતા છે અરહાન, સલમાને રશ્મી સામે ખોલી પોલ

મુંબઇ: સલમાન ખાન (Salman Khan) બિગ બોસ (Big Boss 13) શૉ છોડવાનું વિચારી રહ્યો છે. ચર્ચા તો અહીં સુધી છે કે આ શૉને સલમાન બાદ ફરાહ ખાન હોસ્ટ કરશે. સલમાનનાં નિકટનાનું માનીયે તો, તે સ્પર્ધકોનાં વહેવારથી ખૂબજ નારાજ છે.

બિગ બોસનાં આગામી એપિસોડમાં સલમાન ખાન અરહાનની ક્લાસ લેતો નજર આવશે. આ શૉમાં સલમાન અરહાનની પોલ ખોલશે. અરહાનને આ પહેલાં એક લગ્ન કર્યા છે અને આ લગ્નથી તેને એક બાળક પણ છે. જે વાત રશ્મીને માલૂમ નથી.

PTIની રિપોર્ટ મુજબ, 'આ સત્ય છે કે સલમાન ખાન બિગ બૉસ છોડવાની તૈયારીમાં છે. અને તેની જગ્યા ફરાહ ખાન લઇ શકે છે. તેણે શૉમાં આ અંગે કોઇ જ જાહેરાત કરી નથી. સલમાન ખાને બિગ બૉસનાં શૂટિંગનો અંતિમ દિવસ પણ નક્કી કર્યો નથી. પણ ફરાહ જાન્યુઆરીથી બિગ બૉસનું હોસ્ટિંગ કરશે તેવી વાત છે.'

રશ્મી એ હદે તુટી જાય છે કે તેને શાંત રાખવા માટે સલમાન ખાન પોતે બિગ બોસનાં ઘરમાં આવે છે અને તેને સાંત્વના આપે છે.

વાત એમ છે કે, સલમાનનો પરિવાર તેનાં સ્વાસ્થ્યને લઇને ચિંતિત છે. સલમાન હાલમાં 24 કલાક સતત કામ કરી રહ્યો છે તેને આરામની જરૂર છે. જોકે તેનાં પિતા સલીમ ખાને આ રિપોર્ટનું ખંડન કર્યુ છે.

સલીમ ખાનનું આ વિશે કહેવું છે કે, 'સલમાન ખુબજ તંદુરસ્ત છે. તેનાં સ્વાસ્થ્ય અંગે આવેલાં સમાચારમાં જરાં પણ સચ્ચાઇ નથી. અમે તેને કામ ન કરવાં કે શૉ છોડવા માટે નથી કીધુ કે ન તો કહીશું. તે 24 કલાક કામ કરે છે. પણ આ તેની ઉપર છે. ન તો અમે તેને કોઇ સલાહ આપી છે કે ન તો તેનું સ્વાસ્થ્ય ચિંતાનો વિષય છે.'

આપને જણાવી દઇએ કે સલમાન ખાન વર્ષ 2011થી આ શૉનું હોસ્ટિંગ કરી રહ્યો છે. તેને બિગ બોસનાં હોસ્ટિંગ કરતાં કરતાં 8 વર્ષ જેટલો સમય થઇ ગયો છે.