ટીવી પર ટૂંક સમયમાં પરત ફરશે BIG B, KBC-11 અંગે કરી જાહેરાત

કૌન બનેગા કરોડપતીની 11મી સિઝન ટૂંક સમયમાં શરૂ થશે. આ અંગે અમિતાભ બચ્ચને પોતે જાહેરાત કરી છે. તેમણે તેમનાં ટ્વિટર પેજ પર જાહેરાત કરતાં લખ્યું છે કે, 'આદર આદાબ અભિનંદન આભાર! હું અમિતાભ બચ્ચન પ્રસ્તુત કરવા જઇ રહ્યો છું. આ વર્ષ 2019નું નવું અભિયાન. કૌન બનેગા કરોડપતિ. KBC! ટૂંક સમયમાં આપનાં ઘરમાં'

આપને જણાવી દઇએ કે, અમિતાભ બચ્ચને તેમની આ ટ્વિટમાં શો અંગે વધુ કંઇ જાહેરાત કરી નથી. તેથી તે માલૂમ નથી પડતુ કે કૌન બનેગા કરોડપતિ સીઝ 11નું રજિસ્ટ્રેશન ક્યારથી શરૂ થશે.

વર્ષ 2000માં 'કૌન બનેગા કરોડપતિ'ની સાથે સ્મોલ સ્ક્રિન પર નવી પારીની શરૂઆત કરનારા અમિતાભ બચ્ચને ફેન્સનાં દિલમાં ખાસ જગ્યા બનાવી છે. જ્યારે આ શોને શાહરૂખ ખાન હોસ્ટ કરી રહ્યો હતો ત્યારે તેની TRP એટલી સારી ન હતી. જે બાદ ફરી એક વખત સ્મોલ સ્ક્રિન પર KBC દ્વારા BIG Bએ એન્ટ્રી કરી હતી.

આ વાતમાં કોઇ જ શંકા નથી કે ટીવીનાં તમામ રિઆલિટી શો કરોડપતિની સામે પાણી ભરે છે.