B'day Special : લક્ઝરી કાર, આલિશાન ઘરનો માલિક છે 'બાહુબલી' પ્રભાસ, નેટવર્થ ઉડાવી દેશે હોશ

'બાહુબલી' ફ્રેન્ચાઈઝીમાં કામ કર્યા બાદ આ જ નામથી ફેમસ થયેલા સુપરસ્ટાર પ્રભાસ 43 વર્ષનો થઈ ગયો છે. પ્રભાસનો જન્મ આંધ્ર પ્રદેશના એક સમૃદ્ધ ક્ષત્રિય પરિવારમાં થયો હતો. 23 ઓક્ટોબર 1979ના રોજ ચેન્નાઈમાં જન્મેલા પ્રભાસનું પૂરું નામ ઉપ્પલાપતિ વેંકટ સૂર્યનારાયણ પ્રભાસ રાજુ છે. તેને તેલુગુ ફિલ્મ ઇન્ડસ્ટ્રીમાં કામ કર્યાને 20 વર્ષ થઈ ગયા છે અને હવે તે પાન ઈન્ડિયા ફિલ્મોમાં પોતાના અભિનયથી અમીટ છાપ છોડી રહ્યો છે. પ્રભાસ આજે ટોલીવુડના સૌથી સફળ અને ધનિક એક્ટર્સમાંથી એક છે. ચાલો તમને જણાવીએ તેમની પ્રોપર્ટી, ઘર, કાર અને કમાણી વિશે...

2015માં આવેલી 'બાહુબલીઃ ધ બિગનિંગ'થી પ્રભાસનું નસીબ સંપૂર્ણપણે ચમક્યું અને આ ફિલ્મના બીજા ભાગે પણ સફળતાની ઘણી ઊંચાઈઓને સ્પર્શી. આ ફિલ્મ માટે એક્ટરે 40 કરોડ રૂપિયા લીધા હતા.

રિપોર્ટ અનુસાર, પ્રભાસની પાસે આજે 215 કરોડ રૂપિયાથી વધુની સંપત્તિ છે, જે તેણે તેના અભિનયના દમ પર કમાવી છે.

તે એક ફિલ્મ માટે 15 થી 40 કરોડ રૂપિયા લે છે. આટલું જ નહીં, તેણે તેની આગામી ફિલ્મ 'આદિપુરુષ'ના તમામ રેકોર્ડ તોડી નાખ્યા. રિપોર્ટ મુજબ તેણે આ ફિલ્મ માટે મેકર્સ પાસેથી 100 કરોડ ફી લીધી છે.

પ્રભાસ એક આલીશાન ઘરમાં રહે છે, જ્યાં તે 2014માં શિફ્ટ થયો હતો. આ ઘર હૈદરાબાદના ફિલ્મ નગરના પ્રાઇમ લોકેશન પર છે અને આ ઘરની કિંમત અંદાજે 65 કરોડ રૂપિયા છે.

પ્રભાસને લક્ઝરી કારનો ખૂબ જ શોખ છે. તેમના કાર કલેક્શનમાં લગભગ રૂ. 1 કરોડની કિંમતની BMW X3, Jaguar XJR, આશરે રૂ. 2.50 કરોડની રેન્જ રોવર અને લગભગ રૂ. 9 કરોડની કિંમતની Rolls Royce જેવી કારનો સમાવેશ થાય છે.

પ્રભાસની કમાણીની વાત કરીએ તો તે સૌથી વધુ કમાણી ફિલ્મોમાંથી કરે છે. 'બાહુબલી' માટે લગભગ 25 કરોડ રૂપિયા ચાર્જ કરનાર પ્રભાસ આગામી ફિલ્મ 'આદિપુરુષ' માટે લગભગ 100 કરોડ રૂપિયા ચાર્જ કરી રહ્યો છે.

પ્રભાસ બ્રાન્ડ એન્ડોર્સમેન્ટથી પણ કમાણી કરે છે. રિપોર્ટ્સ અનુસાર, તેઓ એક બ્રાન્ડ પ્રમોશન માટે લગભગ 2 કરોડ રૂપિયા ચાર્જ કરે છે.