Day 3: બૉક્સ ઑફિસ પર 50 કરોડની નજીક આયુષ્માનની 'ડ્રીમ ગર્લ'

આયુષ્માન ખુરાનાની ફિલ્મ 'ડ્રીમ ગર્લ'એ ઓપનિંગ વિકએન્ડમાં કમાલ કરી દીધી છે. ફિલ્મે માત્ર ત્રણ દિવસમાં 44.57 કરોડ રૂપિયાનું કલેક્શન કરી લીધુ છે. આ આયુષ્માનની સૌથી ઝડપી કમાણી કરનારી ફિલ્મ બની ગઇ છે .

ટ્રેડ એનાલિસ્ટ તરણ આદર્શની ટ્વિટ મુજબ, આ ફિલ્મે શુક્રવારે 10.05 કરોડ, શનિવારે 16.42 કરોડ અને રવિવારે 18.10 કરોડ રૂપિયાનું કલેક્શન કર્યુ છે.

આ ફિલ્મ આજનાં દિવસમાં જ 50 કરોડનો આંકડો પાર કરી લે તેમાં કોઇ નવાઇ નથી. આયુષ્માન ખુરાના અને નુશરત ભરુચાની સૌથી મોટી ઓપનર ફિલ્મ બની ગઇ છે. આયુષ્માનની ગત ફિલ્મોની સરખામણીએ ડ્રીમ ગર્લ પહેલાં વિકએન્ડમાં સૌથી વધુ કમાણી કરી છે.

એટલું જ નહીં આયુષ્માનની વર્ષ 2019ની આ બીજી સુપર હિટ ફિલ્મ સાબિત થઇ શકે છે. આ પહેલાં રિલીઝ થયેલી ફિલ્મ 'આર્ટિકલ 15' પણ દર્શકોને પસંદ આવી હતી. જેને ક્રિટિક્સ તરફથી ખુબજ સારા રિવ્યું મળ્યા હતાં. આ ફિલ્મે બૉક્સ ઑફિસ પર કૂલ 65.45 કરોડ રૂપિયાની કમાણી કરી હતી.

આમ તો આ અઠવાડિયે આયુષ્માનની ફિલ્મ અક્ષય ખન્નાઅને ઋચા ચડ્ઢા સ્ટાર ફિલ્મ સેક્શન 375 એક સાથે રિલીઝ થઇ હતી. જોકે સેક્શન 375ને ધીમી શરૂઆત મળી હતી. જોકે શનિવારે ફિલ્મે સારી કરમાણી કરી હતી. ફિલ્મે બે દિવસમાં 4.52 કરોડ રૂપિયાની કમાણી કરી હતી. માનવામાં આવે છે કે, ફિલ્મે રવિવારે 5 કરોડ રૂપિયાની કમાણી કરી હતી. આ સાથે જ ફિલ્મનું ક્લેક્શન આશરે 9 કરોડ રૂપિયા થઇ ગયુ છે.