રણવીરનું ન્યૂડ ફોટોશૂટ ક્યાં થયું હતું? ક્યાં ફોટોગ્રાફરે ક્લિક કર્યા હતા ફોટો

રણવીર સિંહનો ન્યૂડ ફોટોશૂટ અત્યારે ચર્ચામાં છે. ચારેય તરફ બોલિવૂડના 'બાબા' ના આ ફોટોશૂટની ચર્ચા છે. કપડા વગર ક્લિક કરાવ્યા પછી આટલો વિવાદ થશે, એ કદાચ રણવીર સિંહે પણ નહીં વિચાર્યું. પેપર મેગઝિન માટે તેણે આ ફોટોશૂટ કરાવ્યું હતું, પરંતુ હવે સવાલ એ છે કે આખરે આ વિવાદિત તસવીર શૂટ ક્યાં થઈ હતી, કોણે તેને શૂટ કરી હતી, ક્યારે કરી અને કેટલા દિવસમાં ફોટોશૂટ પૂરું કર્યું.

રણવીર સિંહ શું આ ફોટોશૂટ માટે વિદેશ ગયો હતો? કયા ફોટોગ્રાફરે તેની આ તસવીરો ક્લિક કરી? જો તમારા મનમાં પણ આ સવાલ છે. તો આજે તમને આ બધા સવાલના જવાબ મળી જશે.

રણવીર સિંહની તસવીરો ક્લિક કરનાર ફોટોગ્રાફર આશીષ શાહ છે. રણવીરની ન્યૂડ તસવીરો ફોટોગ્રાફર આશીષ શાહે ક્લિક કરી છે.

'ઇ ટાઇમ્સ'ના અહેવાલ પ્રમાણે, આશીષ શાહે કહ્યું હતું કે તેની તથા રણવીર વચ્ચેના કોલોબ્રેશનના ભાગ રૂપે ન્યૂડ તસવીરો ક્લિક કરવામાં આવી હતી. વધુમાં આશીષે કહ્યું હતું કે આ ફોટોશૂટ ત્રણ કલાક ચાલ્યું હતું.

જ્યારે તેને પૂછવામાં આવ્યું કે જે તસવીરની આટલી ચર્ચા થઈ રહી છે તેને શૂટ કરવાનો આઈડિયા કોણો હતો? તેના જવાબમાં તેણે કહ્યું કે, આ મારો અને રણવીર સિંહ બંનેનો નિર્ણય હતો. આ એક ડિમાન્ડિંગ શૂટ હતું. ફોટોશૂટ મુંબઈના મહેબૂબ સ્ટૂડિયોમાં કરવામાં આવ્યું હતું.

વાતચીતમાં આગળ તેને જણાવ્યું કે, રણવીર આ ફોટોશૂટ માટે ઘણો કમ્ફર્ટેબલ હતો, જે જરા પણ શરમાયો નહોતો. તેણે આ શૂટ માટે સારું પરફોર્મ પણ કર્યું હતું.

રણવીર સિંહનો ન્યૂડ ફોટોશૂટ જોયા પછી લોકો તેને ટ્રોલ કરી રહ્યા છે અને કહી રહ્યા છે કે તેને આવું કરવાની જરૂર નહોતી, જો કે, રણવીરને કોઈની પરવાહ નથી. તેને શું પહેરવું જોઈએ અને શું ન પહેરવું એ જાતે પસંદ કરી શકે છે. તેને કહ્યું કે લોકોનું કામ વાતો કરવાનું છે અને તેનાથી તેને કોઈ ફરક નથી પડવાનો.