YearEnder2018: નેહાનું થયું બ્રેકઅપ તો અર્જૂનનાં તુટ્યા લગ્ન, 2018માં અલગ થઇ 8 જોડી

આમ તો આ વર્ષ બોલિવૂડ માટે ઘણું જ શુકનિયાળ રહ્યું છે. આ વર્ષે ઘણાં બોલિવૂડ સેલિબ્રિટીઝનાં લગ્ન થઇ ગયા. ત્યારે કેટલાંક એવાં પણ સેલિબ્રિટીઝ છે ઇન્ડસ્ટ્રીનાં જેમનું દિલ તુટ્યું છે. કેટલાંક સેલિબ્રિટીઝનું બ્રેકઅપ થયુ તો કેટલાંકે ડિવોર્સ લીધા. ચાલો નજર કરીએ વર્ષ 2018માં કોના કોના દિલ તુટ્યા છે.

વર્ષનાં સૌથી આઘાતજનક બ્રેકઅપ ન્યૂઝ હોય તો તે છે નેહા કક્કર અને હિમાંશ કોહલીનાં. થોડા દિવસ પહેલાં જ બંનેએ ઇન્ડિયન આઇડોલનાં મંચ પર કહ્યું હતું કે તેઓ આગામી વર્ષોમાં લગ્ન કરી શકે છે. જ્યારે આ વાતનાં થોડા જ દિવસોમાં નેહાનાં બ્રેકઅપનાં સમાચાર આવ્યા હતાં નેહા અને હિમાંશ 4 વર્ષથી એકબીજાને ડેટ કરી રહ્યાં હતા. અચનાક જ તેમનાં બ્રેકઅપથી તેની પર્સનલની સાથે પ્રોફેશનલ લાઇફને પણ અસર થઇ રહી છે.

અર્જૂન રામપાલ અને તેની પત્ની મેહર જેસિયા અલગ થઇ ગયા છે. તેમનાં 20 વર્ષનાં લગ્નનો અંત આવ્યો છે. ભલે હજુ ડિવોર્સની પ્રોસેસ ચાલુ છે પણ આ જોડી હવે અલગ થઇ ગઇ છે. અર્જૂન હવે વિદેશી મોડલ ગેબ્રિએલા ડેમેટ્રિએડ્સને ડેટ કરે છે.

સોફિયા અને વ્લાદએ વર્ષ 2017માં લગ્ન કર્યા અને માત્ર એક વર્ષાં સમયમાં બંને એકબીજાથી અલગ થઇ ગયા. સોફિયાએ પતિ પર ઘર હડપવાનો આરોપ લગાવતા ઘરની બહાર કરી દીધો હતો.

ટીવી એક્ટ્રેસ જૂહી પરમાર પણ તેનાં પતિ સચિન શ્રોફથી અલગ થઇ ગઇ છે. જૂહી- સચિનનાં લગ્ન વર્ષ 2009માં થયા હતાં લગ્નનાં 9 વર્ષ બાદ બંનેએ અલગ થવાનો નિર્ણય કર્યો હતો. આ વર્ષે જાન્યુઆરીમાં તેઓ છુટા પડ્યા અને તેમણે છુટાછેડા માટેની અરજી દાખલ કરી.

એલી અવરામ અને ક્રિકેટર હાર્દિક પંડ્યા પણ લાંબા સમયથી એકબીજાને ડેટ કરતાં હતાં તેમનું પણ બ્રેકઅપ આ વર્ષે થઇ ગયુ છે. એલી સાથે બ્રેકઅપનું કારણ હાર્દિક પટેલની ઇશા ગુપ્તા સાથેની વધેલી નિકટતા હતી.

યામી ગૌતમ અને પુલકિત શર્મા વચ્ચે પણ અફેરની વાતો ચાલતી હતી. શ્વેતા સાથે લગ્નનાં એક વર્ષમાં જ પુલકિત અને શ્વેતા અલગ થઇ ગયા. તેની પાછળ પુલકિત અને યામીની નિકટતા મુખ્ય કારણ હતું. પણ આ વર્ષે જ તે બંને વચ્ચે પણ બ્રેકઅપ થઇ ગયુ હોવાની વાતો સામે આવી છે.

રોડિઝ ફેઇમ રઘુ રામે એક્ટ્રેસ સુગંધા ગર્ગ સાથેનાં 12 વર્ષના લગ્નનો અંત આણ્યો. અને તેની ગર્લફ્રેન્ડ નતાલી ડિ લુસિયો સાથે 12 ડિસેમ્બરનાં રોજ લગ્ન કર્યા.