Anushka Sharma Birthday : કરોડપતિ નહીં પણ અબજોપતિ છે અનુષ્કા શર્મા, નેટવર્થ જાણીને તમે પણ ચોંકી જશો

અનુષ્કા શર્માનો જન્મ 1 મે 1988ના રોજ થયો હતો. તેના માતા-પિતાનું નામ અજય કુમાર શર્મા અને આશિમા શર્મા છે. તેનો એક ભાઈ કર્ણેશ શર્મા છે જે ફિલ્મ નિર્માતા છે. ફેમસ ક્રિકેટ વિરાટ કોહલી સાથે લગ્ન કર્યા બાદ આ જોડી વિરુષ્કાના નામથી ફેમસ છે. બંને એક પુત્રી વામિકાના માતા-પિતા છે. શાહરૂખ ખાન સાથેની ફિલ્મ 'રબ ને બના દી જોડી'થી બોલિવૂડમાં એન્ટ્રી કરનાર અનુષ્કા એક અરબપતિ છે. આજે, અભિનેત્રીના જન્મદિવસ પર, અમે તેની કુલ સંપત્તિ વિશે જણાવીએ છીએ.

અનુષ્કા શર્મા નોન ફિલ્મ ફેમિલીથી સંબંધ ધરાવે છે. તેણે પોતાના દમ પર ફિલ્મોમાં સફળતા પણ મેળવી અને અપાર સંપત્તિ બનાવી છે. અનુષ્કાએ સફળતા મેળવવા માટે ઘણો સંઘર્ષ પણ કર્યો છે.

'રબ ને બના દી જોડી'ની સફળતા બાદ અનુષ્કાને પાછું વળીને જોવું પડ્યું નથી. 'બેન્ડ બાજા બારાત', 'સુલતાન', 'પીકે' જેવી ફિલ્મોમાં કામ કરીને અભિનેત્રીએ બોલિવૂડમાં પોતાનો સિક્કો જમાવ્યો.

ફિલ્મોમાં સફળતા મળતાં જ અનુષ્કાએ પોતાની ફી પણ વધારી દીધી. મીડિયા રિપોર્ટ્સ અનુસાર, અનુષ્કા શર્મા એક ફિલ્મ માટે 7 થી 10 કરોડ રૂપિયા લે છે.

ફિલ્મો સિવાય અનુષ્કા શર્મા ઘણી એડ ફિલ્મોમાં કામ કરે છે. એડ ફિલ્મો અને એન્ડોર્સમેન્ટ માટે 10-12 લાખ રૂપિયા લે છે.

અનુષ્કા શર્મા રેન્જ રોવર, બેન્ટલી ફ્લાય, BMW જેવી ઘણી લક્ઝરી કારની માલિક પણ છે. તેમની પાસે દિલ્હી, મુંબઈમાં કરોડોની કિંમતનું ઘર છે.

આ સિવાય તે તેના ભાઈ કર્ણેશ શર્મા સાથે મળીને ક્લીન સ્લેટ ફિલ્મ્સ નામનું પ્રોડક્શન હાઉસ ચલાવે છે. મીડિયા રિપોર્ટ્સ અનુસાર, અનુષ્કા શર્મા વર્ષ 2019માં લગભગ 300 કરોડની માલિક હતી.

વિરાટ કોહલી સાથે લગ્ન કર્યા બાદ આ સેલિબ્રિટી કપલની કુલ સંપત્તિમાં જબરદસ્ત વધારો થયો હતો. મીડિયા રિપોર્ટ્સ અનુસાર, વર્ષ 2019માં વિરાટની સંપત્તિ 900 કરોડ હતી. વિરાટ-અનુષ્કા એટલે કે વિરુષ્કાની નેટવર્થ વર્ષ 2019માં 12 અબજ રૂપિયા હતી, હવે તેમાં વધુ વધારો થયો હશે.