એક જ સ્કૂલમાં ભણતી હતી ધોની-વિરાટની પત્ની, આ રહી તસવીરો

અનુષ્કા શર્મા અને સાક્ષી ધોની, બન્ને હસીનાઓેએ ક્રિકેટની દુનિયાના મોટા સ્ટાર્સ સાથે લગ્ન કર્યા છે. પરંતુ બન્ને વચ્ચે માત્ર આ વસ્તુ જ કોમન નથી. સાક્ષી અને અનુષ્કા વચ્ચે બીજું પણ એક કનેક્શન છે.

શું તમે વિચારી શકો છો કે સાક્ષી અને અનુષ્કા સ્કૂલ મેટ્સ હતા? તેમનું આ કનેક્શન પણ રસપ્રદ છે. તેમની આ વાતનો ખુલાસો 'Quora' દ્વારા થયો છે.

અનુષ્કાના પિતા કર્નલ અજય કુમારની ટ્રાન્સફર આસામમાં થતાં અનુષ્કાનું એડમિશન 'સેન્ટ મેરી સ્કૂલ, માર્ગરિટા'માં લેવામાં આવ્યું હતું. સાક્ષી પણ એ જ સ્કુલમાં અભ્યાસ કરતી હતી. આ તસવીરમાં જોઇ શકાય છે કે અનુષ્કા અને સાક્ષી એક ફેન્સી ડ્રેસ પ્રોગ્રામ માટે તૈયાર થઇ છે. ફેયરી ડ્રેસમાં સાક્ષી છે, જ્યારે પિંક લહેંઘામાં અનુષ્કા છે.

અનુષ્કાએ સાક્ષી સાથે આ વાત વર્ષ 2013માં એક ઇવેન્ટમાં શેર કરી હતી. અનુષ્કાએ જણાવ્યું કે, સાક્ષી અને હું એક નાના શહેરમાં સાથે રહ્યાં છીએ. જ્યારે તેણે કહ્યું કે તે આસામમાં રહી છે અને સ્કૂલનું નામ જણાવતાં મેં એને કહ્યું કે હું પણ ત્યાં જ ભણી છું.

અનુષ્કાએ જણાવ્યું કે, આ વાત થયા પછી ઘરમાંથી તેને સ્કૂલની એક તસવીર મળી હતી. જેમાં તે સાક્ષી સાથે છે.