બિગ બીને પગની આંગળી પર આવ્યું ફ્રેક્ચર, છતાં KBC 'નવરાત્રી સ્પેશિયલ એપિસોડ'નું કર્યું શૂટિંગ

78 વર્ષીય અમિતાભ બચ્ચન (Amitabh Bachchan) હાલમાં 'કૌન બનેગા કરોડપતિ'ને (Kaun Banega Crorepati)કારણે ઘર ઘરમાં છવાયેલાં રહે છે. બિગ બીને પગની આંગળીમાં ફ્રેક્ચર થયું હોવા છતાં તેમણે KBCનું શૂટિંગ બંધ કર્યું નથી. અમિતાભ બચ્ચને બ્લોગમાં આ ફ્રેક્ચર અંગે વાત કરી હતી.

78 વર્ષની ઉંમરે પણ તેઓ તેમનાં કામને સંપૂર્ણ સમર્પિત છે. તેઓએ ઇજા હોવા છતાં KBCનાં નવરાત્રી સ્પેશલ એપિસોડનું શૂટિંગ પૂર્ણ કર્યું હતું.

અમિતાભ બચ્ચને બ્લોગમાં તસવીરો શૅર કરીને પગની ઈજા અંગે વાત કરી હતી. તેમણે કહ્યું હતું, 'પગની તૂટેલી આંગળી, દુખાવો બહુ થાય છે, પરંતુ હું પ્લાસ્ટર કરાવીશ નહીં, કારણ કે અત્યાર સુધી આ માટે કોઈ મેથડ શોધાઈ નથી. આથી મેં એક સામાન્ય ભાષામાં કહેવાતું 'બડી ટેપિંગ' કર્યું છે. આવું એટલા માટે કારણે કે તૂટેલી આંગળીને પણ આરામ મળી રહે. ચાર-પાંચ અઠવાડિયામાં સારું થઈ જશે.'

નવરાત્રિનો એપિસોડ શૂટ કર્યો- અમિતાભ બચ્ચન નેહરુ જેકેટ તથા કુર્તા-પાયજામામાં જોવા મળે છે. બિગ બીએ નવરાત્રિના એપિસોડનું શૂટિંગ કર્યું છે. તેમણે આંગળીને આરામ મળે તે માટે કોલહાપુરી ચંપલ પહેર્યા હતાં.

વર્ક ફ્રન્ટની વાત કરીએ તો અમિતાભ બચ્ચન નાગ અશ્વિનની ફિલ્મમાં દીપિકા પાદુકોણ તથા પ્રભાસ સાથે જોવા મળશે. આ ફિલ્મ માટે તેઓ 21 કરોડની ફી લેશે તેવી ચર્ચા છે. આ ઉપરાંત તેઓ 'મેડે', 'ઝુંડ', 'બ્રહ્માસ્ત્ર', 'ગુડબાય' તથા 'ધ ઇન્ટર્ન'માં જોવા મળશે. છેલ્લે તેમની ફિલ્મ 'ચેહરે' રિલીઝ થઈ હતી.

અમિતાભ બચ્ચનની આ તમામ તસવીરો તેમનાં બ્લોગ પરથી લેવામાં આવી છે. તેઓ આ ઉંમરે પણ ખુબજ એક્ટિવ છે અને દરરોજ તેમનો બ્લોગ લખે છે. તેમનાં બ્લોગ પર તેઓ હમેશાં તેમનાં જીવનની અને દિવસની તમામ માહિતી તેમનાં ચાહકો સાથે શેર કરતાં રહેતાં હોય છે.