કાશ્મીરમાં AKSHAY KUMAR BSFનાં જલસામાં લીધો ભાગ, સ્કૂલ માટે કર્યું રૂ. 1 કરોડનું દાન

એન્ટરટેઇનમેન્ટ ડેસ્ક: બોલિવૂડનાં ખતરો કે ખેલાડી એટલે કે અક્ષય કુમાર (Akshay Kumar) ગુરૂવારે સવારે કશ્મીરમાં છે. અહીં તેણે ભારતીય સેના સાથે મળીને ખુબજ એન્જોય કર્યુ હતું અને ડાન્સ કર્યો હતો. એટલું જ નહીં અક્ષય કુમારે બાંદીપુરા જિલ્લાનાં નીરુ ગામમાં એક સ્કૂલનાં નિર્માણ માટે એક કરોડ રૂપિયાનું દાન આપ્યું હતું. એક્ટર બપોરે 12 વાગ્યે હેલીકોપ્ટરથી તુતૈલનાં નીરુ ગામ પહોચ્યો હતો.

આપને જણાવી દઇએ કે, નીરૂ ગામ ગુરેજ સેક્ટરની તુલૈલ ઘાટીમાં LoC પાસે આવેલું છે. શિક્ષા માટે આ દુર્ગમ વિસ્તારમાંથી બાળકોને સ્કૂલ સુધી પહોચવું હોય તો ઘણી મુશ્કેલીઓનો સામનો કરવો પડે છે આ દરમિયાન અક્ષયે બોર્ડર સિક્યોરિટી ફોર્સ અને ભારતીય સેનાનાં અન્ય જવાનોથી નીરુ ગામમાં જ મુલાકાત કરી અને તેમનો જુસ્સો વધાર્યો હતો. સોશિયલ મીડિયા પર તેમની તસવીરો શેર કરી છે.<br />આ સ્કૂલનું નામ અક્ષય કુમારનાં પિતાનાં નામ પરથી રાખવામાં આવશે. આ સ્કૂલનું નામ હરિ ઓમ રાખવામાં આવશે.

આ ફોટો શેર કરતાં BSFએ કેપ્શનમાં લખ્યું છે- BSFનાં ડીજી રાકેશ અસ્થાનાએ સર્વોચ્ચ બદિલાન આપનારા સીમા પ્રહરીને એક સમારંભ દરમિયાન પુષ્પાંજલિ અર્પિત કરી. એક્ટર અક્ષય કુમારે ડીજી BSFની સાથે આવેલાં ને શહીદ બહાદુરોને શ્રદ્ધાંજલિ આપી હતી.

BSF કશ્મીરનાં અધિકૃત ટ્વટિર હેન્ડથી એક વીડિયો પણ શેર કર્યો હતો જેમાં અક્ષય કુમાર BSFનાં જવાનોને જોતો નજર આવે છે અને જવાનો તેને ફૂલો આપી તેનું સ્વાગત કરતાં નજર આવ્યાં હતાં.