84 કરોડ રુપિયાના પ્રાઈવેટ જેટ સહિત આ 5 લગ્ઝરી વસ્તુના માલિક છે અજય દેવગણ અને કાજોલ

Bollywood Star Couple: બોલીવુડ સ્ટાર અજય દેવગણ અને કાજોલની જોડી બોલીવુડમાં ફેમસ જોડીઓમાંથી એક છે. બોલીવુડનું આ પાવર કપલ ઓનસ્ક્રીન પરફોર્મન્સની સાથોસાથ ઓફસ્ક્રીન પણ પોતાની કેમિસ્ટ્રી માટે જાણીતું છે. અજય દેવગણ બોલીવુડના ટોપ 10 અમીર એક્ટરોમાં ગણાય છે. તો કાજોલ પણ બોલિવુડની ટોપ 10 અમીર અભિનેત્રીઓમાં શામેલ છે. બોલિવુડમાં સૌથી વધુ કમાણી કરનારા સ્ટાર કપલને લગ્ઝરી વસ્તુઓનો ઘણો જ શોખ છે. અજયને લગ્ઝરી કાર તો કાજોલને લગ્ઝરી બંગ્લાનો ઘણો શોખ છે. ચાલો જોઈએ બોલીવુડ એક્ટર અજય દેવગણ અને કાજોલ કઈ કઈ લગ્ઝરી વસ્તુઓના માલિક છે.

1- જુહૂમાં 90 કરોડનો બંગ્લો - અજય દેવગણ અને કાજોલ હાલમાં પોતાના પરિવાર સાથે મુંબઈના સૌથી મોંઘા વિસ્તાર ગણાતા એવા જુહૂમાં રહે છે. જુહૂમાં અજયનો શિવશક્તિ નામનો આલીશાન પુશ્તૈની બંગ્લો છે. વર્તમાનમાં તેની કિંમત 90 કરોડ રુપિયાથી વધુ છે, આ બંગલો અજય દેવગણના પિતા અને બોલીવુડના ફેમસ ફાઈટ માસ્ટર વીરુ દેવગણે ખરીદ્યો હતો.

2- 60 કરોડનો બંગલો અને 30 કરોડનુ ફાર્મ હાઉસ - અજય અને કાજોલે વર્ષ 2021માં મુંબઈના જુહૂમાં 60 કરોડની કિંમતનો એક આલિશાન બંગલો ખરીદ્યો હતો. આ કપલ પાસે જુહૂના શીતલ અપાર્ટમેન્ટમાં કરોડો રુપિયાના 2 ફ્લેટ પણ છે. આ સિવાય અજય અને કાજોલ પાસે મહારાષ્ટ્રના કર્જતમાં 30 કરોડ રુપિયાનું એક ફાર્મહાઉસ પણ છે.

3- લંડનમાં 54 કરોડનો બંગલો - અજય દેવગણ અને કાજોલ પાસે લંડનમાં 54 કરોડ રુપિયાનો એક આલિશાન બંગલો છે. આ લંડનના પાર્ક લેનમાં આવેલો છે. અજય અને કાજોલે આ બંગલો 5 વર્ષ પહેલા ખરીદ્યો હતો. તે જ્યારે પણ વેકેશન પર લંડન જાય છે ત્યારે આ બંગલામાં જ રોકાય છે.

4- 84 કરોડનો પ્રાઈવેટ જેટ - અજય દેવગણ વર્ષ 2010માં પ્રાઈવેટ જેટ ખરીદનાર પ્રથમ બોલીવુડ એક્ટર બન્યા હતા. આ 6 સીટર પ્રાઈવેટ જેટની કિંમત 84 કરોડ રુપિયા છે. અજય પોતાની ફિલ્મોની શૂટિંગ્સ, પ્રમોશન અને પર્સનલ ટ્રિપ માટે તેનો ઉપયોગ કરે છે.

5- કરોડોના લગ્ઝરી કાર્સ - અજય દેવગણને નાનપણથી જ કારનો શોખ છે. અજયે વર્ષ 2019માં Rolls Royce Cullinan ખરીદી જેની કિંમત 6.5 કરોડ રુપિયા છે. આ સિવાય પણ તેમના ગેરેજમાં Range Rover Vogue (2 કરોડ રુપિયા), Maserati Quattro Porte (1.5 કરોડ રુપિયા), Mercedes Benz S-Class (1.5 કરોડ રુપિયા) Mercedes Benz GL-Class (90 લાખ રુપિયા), Audi Q7 (85 લાખ રુપિયા), BMW Z4 (64.90 લાખ રુપિયા), W115 Mercedes-Benz 220D (56 લાખ રુપિયા), Mini Cooper S (52 લાખ રુપિયા) છે.