અમિતાભ, રેખા બાદ હવે ઝોયા અખ્તરનો બંગલો સીલ, BMCએ આ કારણે લીધો નિર્ણય

એન્ટરટેઇન્મેન્ટ : મહારાષ્ટ્રમાં (Maharastra)સતત વધતા કોરોનાનાં કેસને (Coronavirus) કારણે સૌ કોઇ પરેસાન છે. તેમાં પણ આ કોરોનાએ ફિલ્મ ઇન્ડસ્ટ્રી પર પણ નજર બગાડી છે. એક બાદ એક ફિલ્મી હસ્તીઓનાં ઘરમાંથી ખબર આવી રહી છે. કે તેમનાં કોઇને કોઇ સંબંધીને કોરોનાનો ચેપ લાગી ગયોછે. પહેલાં રેખાનાં (Rekha) સિક્યોરિટી ગાર્ડ અને બાદમાં ખુદ અમિતાભ બચ્ચનને (Amitabh Bachchan) કોરોના લાગ્યો હતો. પહેલાં રેખાનો બંગલો BMC દ્વારા સીલ કરવામાં આવ્યો, તે બાદ અમિતાભ બચ્ચનનો જલસા બંગલો સીલ કરવામાં આવ્યો હતો. હવે ઝોયા અખ્તરનો બંગલો સીલ કરવામાં આવ્યો છે.

આ બંગલો સીલ કરવાનું કારણ છે કે, આ બંગલો રેખાનાં બંગલાની સટીને છે. તેથી BMCએ સતર્કતાનાં ભાગ રૂપે ઝોયા અખ્તર (Zoya Akhtar)નો બંગલો પણ સીલ કરી દીધો છે.<br />હાલમાં ઝોયા કે તેનાં પરિવારનું કોઇ સભ્ય કોરોના વાયરસથી સંક્રમિત નથી.

રેખાથી પહેલાં બોલિવૂડનાં અન્ય સેલિબ્રિટીઝનાં સ્ટાફને કોરોના થયાની ખબર સામે આવી ગઇ છે. જેમાં આમિર ખાનનો કૂક, સારા અલિ ખાનનો ડ્રાઇવર શામેલ છે. આમિર ખાને આ વિશે ટ્વિટ કરીને માહિતી આપી હતી જ્યારે સારા અલી ખાને આજે જ આ વિશે ઇન્સ્ટાગ્રામ પર પોસ્ટ શેર કરીને માહિતી આપી છે.