રિશિ કપૂરની ખબર કાઢવા પહોચ્યા એશ-અભિષેક, નીતૂ કપૂરે કહી મોટી વાત

બોલિવૂડ એક્ટર રિશિ કપૂર હાલ ન્યુ યોર્કમાં સારવાર લઈ રહ્યા છે. તે છેલ્લા ઘણા સમયથી ત્યાં કેન્સરની સારવાર લઇ રહ્યાં છે. અને હવે તે કેન્સર મુક્ત છે તેમ થોડા દિવસ પહેલાં તેમનાં મિત્રએ સોશિયલ મીડિયા પર જણાવ્યું હતું.

ન્યુ યોર્કમાં રહેવાના કારણે રણબીર કપૂર ઘણી વખત તેમના મળવા માટે જાય છે. અને તેની સાથે જ આલિયા પણ અવાર નવાર જોવા મળે જ છે. તો આ વખતે રિશિ કપૂરને મળવા માટે અભિષેક બચ્ચન પત્ની ઐશ્વર્યા રાય બચ્ચન અને દીકરી આરાધ્યા સાથે પહોચ્યો હતો.

આ સમયે નિતૂ કપૂરે તેમનાં ઇન્સ્ટાગ્રામ પેજ પર આ તસવીરો શેર કરી હતી અને સાથે જ લખ્યુ હતું કે, 'તમારું પરિવાર તમારી આખી દુનિયા છે, આ ક્ષણમાં ખુબ ખુબ ખુબ પ્રેમ છે. '

આ વખતે પણ નીતૂ કપૂરે શેર કરેલી તસવીરો વાયરલ થઇ રહી છે. આ તસવીરમાં રિશિ કપૂર, નિતૂ કપૂર, આલિયા ભટ્ટ, રણબીર કપૂર, દીકરી રિધિમા તેની દીકરી સાથે. ઉપરાંત અભિષેક બચ્ચન તેની પત્ની ઐશ્વર્યા રાય બચ્ચન અને દીકરી અરાધ્યા સાથે નજરે આવી રહ્યા છે. આ સીવાય કપૂર ફેમિલીના અન્ય મેમ્બર અને મિત્રો નજરે આવી રહ્યા છે.