દીકરી આયરાની સગાઇમાં માત્ર આમિર ખાનની ચર્ચા, બંને એક્સ વાઇફ સાથે મહેબૂબા પણ પહોંચી

આમિર ખાનની લાડલી આયરા ખાને લોન્ગ ટાઇમ બોયફ્રેન્ડ નૂપુર શિખરે સાથે સગાઈ કરી લીધી છે. આ ફંક્શન 18 નવેમ્બર (શુક્રવાર) ના રોજ મુંબઈમાં યોજાયો હતો, જેમાં આમિર સિવાય તેની માતા ઝીનત, પૂર્વ પત્ની કિરણ રાવ, ભત્રીજો ઈમરાન ખાન, ફિલ્મ ડાયરેક્ટર આશુતોષ ગોવારિકર અને પરિવારના પસંદગીના સભ્યો અને મિત્રોએ હાજરી આપી હતી.

રસપ્રદ વાત એ છે કે આ ફંક્શનમાં એક્ટ્રેસ ફાતિમા સના શેખ પણ જોવા મળી હતી, જેની સાથે આમિર ખાનનું નામ વારંવાર જોડાયું છે. આગળની સ્લાઈડ્સમાં જુઓ આયરા ખાન અને નુપુર શિખરેની સગાઈની તસવીરો.

આયરાએ ફંક્શન માટે રેડિયન્ટ રેડ કલરનો ડ્રેસ પહેર્યો હતો, જ્યારે નૂપુર શિખરે ટક્સીડોમાં જોવા મળી હતી. આમિર ખાને કુર્તા-પાયજામામાં બધાનું ધ્યાન ખેંચ્યું હતું.

આમિર ખાનની દીકરી નુપુર શિખરે સાથે છેલ્લા બે વર્ષથી રિલેશનશિપમાં છે. જૂનમાં આયરા અને નુપુરે તેમના રિલેશનશિપના બે વર્ષનું સેલિબ્રેશન કર્યુ હતું. આયરાએ સોશિયલ મીડિયા પર કેટલીક તસવીરો શેર કરી અને કેપ્શન આપ્યું, "ખરેખર બે વર્ષ થઈ ગયા પણ એવું લાગે છે કે હંમેશા આવું જ રહ્યું છે. હું તને પ્રેમ કરું છું." નૂપુરે આયરાને જવાબ આપતાં આઈ લવ યુ પણ લખ્યું હતું.

સપ્ટેમ્બરમાં આયરાએ સોશિયલ મીડિયા પર એક વીડિયો શેર કર્યો હતો, જેમાં નૂપુર તેને ઘૂંટણ પર બેસીને પ્રપોઝ કરતી જોવા મળ્યો હતો. નૂપુરે આયરાને રિંગ પણ પહેરાવી હતી અને ત્યારે પણ મીડિયામાં એવા સમાચાર ફેલાઈ ગયા હતા કે બંનેએ સગાઈ કરી લીધી છે. જો કે, શુક્રવારે (18 નવેમ્બર) મુંબઈમાં તેમની સગાઈનું ફંક્શન યોજાયુ હતુ.

આયરા ખાન આમિર ખાન અને તેની પહેલી પત્ની રીના દત્તાની દીકરી છે. તેણે આ વર્ષે પોતાનો 25મો બર્થ ડે સેલિબ્રેટ કર્યો છે.

નુપુર શિખરે વિશે તમને જણાવી દઈએ કે તે એક સેલિબ્રિટી ફિટનેસ ટ્રેનર છે. તે છેલ્લા કેટલાક સમયથી આયરાને ફિટનેસની ટ્રેનિંગ આપી રહ્યો છે. તે આયરાના પિતા આમિર ખાનનો ફિટનેસ ટ્રેનર પણ રહી ચૂક્યો છે.

નુપુર લગભગ એક દાયકાથી ભૂતપૂર્વ મિસ યુનિવર્સ અને એક્ટ્રેસ સુષ્મિતા સેનને ફિટનેસની ટ્રેનિંગ પણ આપી રહ્યો છે. થાણેમાં રહેતો નૂપુર આયરા કરતાં લગભગ 12 વર્ષ મોટો છે.