રૉયલ અંદાજમાં થશે સિદ્ધાર્થ-કિયારાના લગ્ન, 84 લગ્ઝરી રૂમથી લઇને 70 વિદેશી કાર સુધી જેસલમેરમાં તડામાર તૈયારીઓ

બી-ટાઉનના સૌથી પોપ્યુલર લવ બર્ડસ કહેવાતા સિદ્ધાર્થ મલ્હોત્રા અને કિયારા અડવાણી આજકાલ તેમના લગ્નના સમાચારને કારણે ચર્ચામાં છે. ઘણીવાર એકબીજા સાથે જોવા મળતા સિદ્ધાર્થ અને કિયારાએ હજુ સુધી લગ્નના સમાચાર પર કોઈ રિએક્શન આપ્યું નથી, ત્યારે તેમના લગ્નને લઈને સોશિયલ મીડિયા પર ઘણી અટકળો ચાલી રહી છે.

લાંબા સમયથી પોતાના લગ્નને લઈને ચર્ચામાં રહેલા સિદ્ધાર્થ અને કિયારા વિશે હવે એવી માહિતી સામે આવી રહી છે કે બંનેના લગ્નની તૈયારીઓ તેજ થઈ ગઈ છે. નવા રિપોર્ટ અનુસાર, આ સ્ટાર કપલ આગામી 6ઠ્ઠી તારીખે લગ્ન કરવા જઈ રહ્યું છે.

આ સાથે જ આ રિપોર્ટમાં ઘણી વધુ મહત્વની માહિતી શેર કરવામાં આવી છે, તો ચાલો જણાવી દઈએ કે કિયારા અને સિદ્ધાર્થ ક્યારે, ક્યાં અને કેવી રીતે એકબીજાના બનવાની તૈયારીમાં લાગી ગયા છે.

મીડિયા રિપોર્ટ્સ અનુસાર, કિયારા અડવાણી અને સિદ્ધાર્થ મલ્હોત્રા 6 ફેબ્રુઆરીએ એકબીજા સાથે લગ્ન કરશે. બંનેના લગ્નનું સેલિબ્રેશન, પ્રી-વેડિંગ અને પોસ્ટ વેડિંગ ફંક્શન 5 ફેબ્રુઆરીથી 8 ફેબ્રુઆરી સુધી ચાલશે. સિદ્ધાર્થ અને કિયારાના વેડિંગ વેન્યૂનો પણ ખુલાસો થયો છે.

રિપોર્ટ અનુસાર, બંને જેસલમેરના સૂર્યગઢ પેલેસમાં સાત ફેરા લેશે. લગ્નમાં 100 થી 125 મહેમાનોને આમંત્રણ આપવામાં આવ્યું છે, જેમાં બી-ટાઉનની ઘણી મોટી હસ્તીઓ સામેલ છે.

શાહરૂખ ખાનથી લઈને કરણ જોહર બંનેના લગ્નમાં હાજરી આપે તેવી શક્યતા છે. સિદ્ધાર્થ અને કિયારાના લગ્નની હલ્દી અને સંગીત સેરેમની 6 ફેબ્રુઆરીએ એટલે કે લગ્નના દિવસે જ થશે.

આ રિપોર્ટમાં એવો પણ દાવો કરવામાં આવી રહ્યો છે કે કિયારા અને સિદ્ધાર્થના આ બિગ ફેટ વેડિંગ માટે લગભગ 84 લક્ઝરી રૂમ બુક કરવામાં આવ્યા છે, જેનું એક દિવસનું ભાડું લગભગ એકથી બે કરોડ રૂપિયા છે. આ સાથે લગ્નમાં આવનાર મહેમાનોને લઈ જવા માટે 70થી વધુ લક્ઝરી કારનું બુકિંગ કરવામાં આવ્યું છે.

સિદ્ધાર્થ અને કિયારાના લગ્ન માટે 4 ફેબ્રુઆરીથી સૂર્યગઢ પેલેસમાં મહેમાનો આવવાનું શરૂ થઈ જશે. રિપોર્ટ અનુસાર, જેસલમેરમાં લગ્ન પછી, કપલ મુંબઈમાં ભવ્ય લગ્ન રિસેપ્શનનું આયોજન કરશે, જેમાં બોલિવૂડની તમામ હસ્તીઓ હાજરી આપશે.

સિદ્ધાર્થ અને કિયારાના લગ્ન માટે 4 ફેબ્રુઆરીથી સૂર્યગઢ પેલેસમાં મહેમાનો આવવાનું શરૂ થઈ જશે. રિપોર્ટ અનુસાર, જેસલમેરમાં લગ્ન પછી, કપલ મુંબઈમાં ભવ્ય લગ્ન રિસેપ્શનનું આયોજન કરશે, જેમાં બોલિવૂડની તમામ હસ્તીઓ હાજરી આપશે.

તમને જણાવી દઈએ કે, કિયારા તાજેતરમાં જ ફેશન ડિઝાઈનર મનીષ મલ્હોત્રા સાથે જોવા મળી હતી. બંને એકસાથે નીકળે છે અને પછી અલગ-અલગ કારમાં બેસીને નીકળી જાય છે. કિયારા અને મનીષ સાથે જોવા મળ્યા ત્યારથી લગ્નના સમાચારને હવા મળી ગઇ છે. લોકોનું માનવું છે કે કિયારા તેના લગ્નમાં મનીષ મલ્હોત્રાનો લહેંગા પહેરવાની છે.

કિયારા અને સિદ્ધાર્થની લવસ્ટોરીની વાત કરીએ તો બંનેએ કારગિલ યુદ્ધમાં શહીદ થયેલા કેપ્ટન બત્રાના જીવન પર આધારિત બાયોપિક 'શેર શાહ'માં સાથે કામ કર્યું હતું. આ ફિલ્મમાં ઓન-સ્ક્રીન રોમાન્સ કરતી વખતે, બંને વચ્ચેના ઑફ-સ્ક્રીન રિલેશન વિશે ચર્ચાઓ થઈ હતી. તે જ સમયે, બંને પાર્ટીઓથી લઈને વેકેશન સુધી પણ સાથે જોવા મળે છે. ફેન્સ પણ બંનેને ખૂબ પસંદ કરે છે.