ઐશ્વર્યા રાય બચ્ચન પહેલા 10 બોલિવૂડ હિરોઇનો જે કાયદાકીય મુશ્કેલીમાં ફસાઈ ચુકી છે, શું હતા વિવાદ?

મુંબઈ : બોલિવૂડ (Bollywood) ફિલ્મ સ્ટાર ઐશ્વર્યા રાય બચ્ચન (Aishwarya Rai Bachchan)ને હાલમાં જ એન્ફોર્સમેન્ટ ડિરેક્ટોરેટ (Enforcement Directorate) દ્વારા સમન્સ પાઠવવામાં આવ્યું છે. જ્યાં તપાસ એજન્સીએ અભિનેત્રી (Actress)ની 6 કલાક સુધી પૂછપરછ કરી હતી. અભિનેત્રી ઐશ્વર્યા રાય બચ્ચન કાયદાકીય અડચણોનો સામનો કરનાર પ્રથમ અભિનેત્રી નથી. જોધા અકબર સ્ટાર ઐશ્વર્યા રાય પહેલા ઘણી અભિનેત્રીઓને કાયદાની ચુંગાલમાંથી પસાર થવું પડ્યું હતું. આ યાદીમાં જેકલીન ફર્નાન્ડીઝ (Jacqueline Fernandez) અને નોરા ફતેહી (Nora Fatehi) સહિત અનેક અભિનેત્રીઓના નામ સામેલ છે જેમણે તપાસ એજન્સીનો સામનો કર્યો છે. અહીં યાદી જુઓ.

ઐશ્વર્યા રાય બચ્ચન - અભિષેક બચ્ચનની પત્ની અને અમિતાભ બચ્ચનની પુત્રવધૂ ઐશ્વર્યા રાય બચ્ચનને હાલમાં જ પનામા પેપર્સ કેસમાં પૂછપરછ માટે દિલ્હીમાં ED ઓફિસે બોલાવી હતી.

જેકલીન ફર્નાન્ડીઝ - સુકેશ ચંદ્રશેખરના મની લોન્ડરિંગ કેસમાં આ દિવસોમાં અભિનેત્રી જેકલીન ફર્નાન્ડીઝ પણ તપાસ એજન્સીના નિશાના પર છે. EDએ અભિનેત્રીની ત્રણ વખત પૂછપરછ કરી છે.

નોરા ફતેહી - આ જ કેસમાં અભિનેત્રી નોરા ફતેહી પણ EDના નિશાના પર છે. સુકેશ ચંદ્રશેખર મની લોન્ડરિંગ કેસમાં અભિનેત્રીનું નામ પણ સામે આવ્યું હતું. જે બાદ અભિનેત્રીને તપાસ એજન્સીના આકરા સવાલોમાંથી પસાર થવું પડ્યું હતું.

શ્રદ્ધા કપૂર - અભિનેતા સુશાંત સિંહ રાજપૂતના મૃત્યુ બાદ બોલિવૂડ ડ્રગ્સ કનેક્શનમાં NCBની તપાસમાં અભિનેત્રી શ્રદ્ધા કપૂરનું નામ પણ સામે આવ્યું હતું. જે બાદ અભિનેત્રીની કલાકો સુધી પૂછપરછ કરવામાં આવી હતી.

સારા અલી ખાન - શ્રદ્ધા કપૂર બાદ એનસીબીએ અભિનેત્રી સારા અલી ખાનને પણ પૂછપરછ માટે સમન્સ પાઠવ્યું હતું. જે બાદ સૈફ અલી ખાનની પુત્રીએ ED ઓફિસમાં ઘણા કલાકો વિતાવ્યા હતા.

દીપિકા પાદુકોણ - NCBની તપાસમાં સૌથી મોટું નામ દીપિકા પાદુકોણનું હતું. મુંબઈમાં ઈડી ઓફિસે તેની કલાકો સુધી પૂછપરછ કરી હતી.

નીલમ કોઠારી - સુપરસ્ટાર સલમાન ખાનના કાળિયાર શિકાર કેસમાં અભિનેત્રી નીલમ કોઠારીનું નામ પણ સામે આવ્યું હતું. જે બાદ અભિનેત્રીને કાયદાકીય મુશ્કેલીઓનો સામનો કરવો પડ્યો હતો.

સોનાલી બેન્દ્રે - સલમાન ખાનના કાળિયાર શિકાર કેસમાં અભિનેત્રી સોનાલી બેન્દ્રેનું નામ પણ જોડાયું હતું. જે બાદ અભિનેત્રીને લાંબા સમય સુધી કાનૂની સમસ્યાઓનો સામનો કરવો પડ્યો હતો.

તબુ - કાળિયાર શિકાર કેસમાં ફિલ્મ અભિનેત્રી તબ્બુનું નામ પણ સામે આવ્યું હતું. આ ત્રણેય અભિનેત્રીઓ તે સમયે રાજશ્રી પ્રોડક્શનની ફિલ્મ હમ સાથ સાથ હૈનું શૂટિંગ કરી રહી હતી. જે બાદ તેને ફિલ્મ સ્ટાર સલમાન ખાન સાથે કાયદાકીય મુશ્કેલીઓનો સામનો કરવો પડ્યો હતો.

મોનિકા બેદી - અભિનેત્રી મોનિકા બેદીનું નામ અંડરવર્લ્ડ ડોન અબુ સાલેમ સાથે જોડાયું હતું. અભિનેત્રી અબુ સાલેમ સાથે લાંબા સમય સુધી પોર્ટુગલમાં રહેતી હતી. જ્યાં તેના પર નકલી પાસપોર્ટ માટે પણ કેસ નોંધવામાં આવ્યો હતો. આ પછી ભારત સરકાર દ્વારા અભિનેત્રીને ભારત પ્રત્યાર્પણ કરવામાં આવી હતી. આ દરમિયાન અભિનેત્રીને લાંબા સમય સુધી કાયદાકીય મુશ્કેલીઓનો સામનો કરવો પડ્યો હતો

મમતા કુલકર્ણી - અભિનેત્રી મમતા કુલકર્ણી ડ્રગ્સ કેસમાં ફરાર છે. તેના પર હજારો કરોડ રૂપિયાના ડ્રગ્સ બિઝનેસમાં સામેલ હોવાનો આરોપ છે. અભિનેત્રીએ ડ્રગ ડીલર વિકી ગોસ્વામી સાથે લગ્ન કર્યા હોવાના અહેવાલ છે.