Sawan 2020 : કેમ શ્રાવણના ઉપવાસમાં સફેદ મીઠું ખાવાની મનાઇ છે? આ છે કારણ

શ્રાવણ (Sawan) મહિનામાં ખાસ કરીને સોમવારે મોટી સંખ્યામાં લોકો વ્રત અને ઉપવાસ કરે છે. પણ આ સમયે સફેદ મીઠાનો ઉપયોગ કરવું વર્જિત મનાય છે. સોમવારના વ્રતમાં મુખ્યત્વે ફળાહાર અને દૂધ પીવામાં આવે છે. અને અલૂણું એટલે કે મીઠાને ખાવાની મનાઇ હોય છે. સામાન્ય રીતે પણ કોઇ પણ વ્રતમાં મીઠું નથી ખાવામાં આવતું. અને તેની જગ્યાએ સીંઘાલૂણનું મીઠું ઉપયોગમાં લેવાય છે.

સફેદ મીઠાને આર્ટીફિશ્યલ કે કેમિકલ બેસ્ડ મીઠું મનાય છે. અને તેને શુદ્ધ નથી માનવામાં આવતું. આ કારણે શ્રાવણના સોમવારમાં મીઠું નથી ખાવામાં આવતું. આની જગ્યાએ રોક સોલ્ટ એટલે કે સેંધા નમક વપરાય છે. જેને સફેદ મીઠા કરતા વધુ પવિત્ર અને શુદ્ધ મનાય છે.

એનબીટીની ખબર મુજબ આયુર્વેદમાં સિંધાલૂણને આયુર્વેદની દ્રષ્ટ્રીએ પણ સ્વાસ્થયવર્ધક કહેવામાં આવ્યું છે. અને કફ, વાયુ અને પિત્તને તે શાંત કરે છે તેમ મનાય છે. સાથે તેમાં લોહા, કેલ્શિયમ, પોટેશિયમ અને જીંક જેવા દ્રવ્યો હોય છે. જો તમે રોજ સિંધાલૂણ ખાવ છો તે તમારો રક્ત સંચાર પણ સારો રહે છે. અને શરીરમાંથી ટોક્સિન બહાર નીકળે છે.

વળી વ્રત કરવા પાછળ મૂળ ઉદ્દેશ તે છે કે તમે પેટની હળવું અને સુપાચ્ય ભોજન આપો. તેવા સમયે સિંધાલૂણ નાંખેલી વસ્તુ ખાવાથી લાભ રહે છે. સિંધાલૂણ હલકા ગુલાબી રંગનું હોય છે. અને તે પહાડી અને લાહૌરી મીઠા તરીકે જાણવામાં આવે છે. આ મીઠું ખાવાથી અનેક લાભ થાય છે.

તેનાથી શરીરની ચરબી પણ ઓછી થાય છે. જો તમે સિંધાલૂણને લીબુંના રસમાં મેળવીને ખાવ છો તો તમને ઉલ્ટી થતી બંધ થાય છે. વળી તેનાથી રક્ત સંચાર પણ વધે છે. સિંધાલૂણ પાચનમાં પણ લાભ આપે છે.