Holi 2023: હોળીના દિવસે આ દેવી-દેવતાઓની પૂજા કરો, મુશ્કેલીઓ દૂર થશે, ઘરમાં સુખ-સમૃદ્ધિ આવશે

ભગવાન વિષ્ણુની પૂજા કરોઃ હોલિકા અને પ્રહલાદની કથા ભગવાનના નરસિંહ અવતાર સાથે જોડાયેલી છે. તેથી હોળીના દિવસે ભગવાન વિષ્ણુની પૂજા કરવી શુભ માનવામાં આવે છે. હોળીના દિવસે શ્રી હરિ વિષ્ણુની આરાધના કરવાથી વિશેષ ફળ મળે છે.

મહાદેવની આરાધના કરોઃ હોળીના દિવસે દેવોના દેવ મહાદેવ ભગવાન શિવની પૂજા-અર્ચના કરવી ખૂબ ફળદાયી હોય છે. દેવાધિદેવ મહાદેવની આરાધના કરવાથી મુશ્કેલીઓમાંથી મુક્તિ મળે છે અને ઘરમાં સમૃદ્ધિ આવે છે.

શ્રીકૃષ્ણ-રાધા રાણીને નમન કરોઃ યોગેશ્વર શ્રીકૃષ્ણ અને રાધા રાણી સાથે જોડાયેલો તહેવાર છે, સુખ શાંતિ સમૃદ્ધિ માટે હોળીના દિવસે પ્રભુ શ્રીકૃષ્ણ અને રાધા રાણીની પૂજા કરવી જોઈએ. આ દિવસે શ્રીકૃષ્ણ અને રાધા રાણીની આરાધના અને તેમને માથું નમાવવાથી પ્રભુ ખુશ થાય છે અને આશીર્વાદ આપે છે.

મહાલક્ષ્મીની પૂજા-અર્ચના કરોઃ હોળીનો દિવસ મહાલક્ષ્મીની પૂજા-અર્ચના કરવા માટે વિશેષ મહત્ત્વનો છે. આ દિવસે માતા લક્ષ્મીની આરાધના કરવાથી માતા ભક્તોને સુખ-સમૃદ્ધિ આપે છે અને તેમના દુખ દૂર કરે છે.

હનુમાનજીની પૂજા-અર્ચના કરોઃ હોળીના દિવસે રુદ્રાવતાર શ્રી હનુમાનજીની પૂજા કરવાથી દૈહિક, દૈવિક અને ભૌતિક તાપમાંથી મુક્તિ મળે છે. આ દિવસે હનુમાનજીની પૂજા-અર્ચના કરવાથી ભક્તોના તમામ દુખ દૂર થાય છે અને ઘરમાં સુખ-સંપન્નતાનો વાસ થાય છે.