આ વૃક્ષને મળે છે VVIP ટ્રીટમેન્ટ, પોલીસ દ્વારા 24 કલાક રક્ષણ, સુરક્ષા પાછળ ખર્ચાય છે લાખો રૂપિયા!

જે વૃક્ષને આવી ટ્રીટમેન્ટ મળે છે, તે બોધિ વૃક્ષ છે. તે મધ્ય પ્રદેશના રાયસિન જિલ્લામાં સ્થિત છે અને શ્રીલંકાના તત્કાલિન રાષ્ટ્રપતિ મહિન્દા રાજપક્ષે દ્વારા 21 સપ્ટેમ્બર, 2012ના રોજ અહીં સ્થાપિત કરવામાં આવ્યું હતું.

બૌદ્ધ ધર્મમાં ખૂબ જ પવિત્ર અને મહત્વપૂર્ણ ગણાતા આ વૃક્ષની શ્રેષ્ઠ સંભાળ ત્યારથી ખૂબ જ કાળજીપૂર્વક કરવામાં આવી રહી છે.

વૃક્ષને બચાવવા માટે તેની આસપાસ 15 ફૂટની વાડ લગાવવામાં આવી છે. તેની સંભાળ રાખવા માટે 24 કલાક સુરક્ષા ગાર્ડ તૈનાત છે. સાંચી નગરપાલિકા, પોલીસ, મહેસૂલ અને બાગાયત વિભાગ તેના પર સતત નજર રાખે છે.

જો તેના પાંદડા પણ પડી જાય તો અધિકારીઓ તરત જ પહોંચી જાય છે. દર 15 દિવસે તેનો મેડિકલ ટેસ્ટ કરવામાં આવે છે અને તે મુજબ ખાતર અને પાણી આપવામાં આવે છે.

સાંચી રાઈસીનમાં લોકો માટે ફરવા માટેની જગ્યા છે. ઘણા સમય પહેલા અહીં એક બૌદ્ધ વિશ્વવિદ્યાલયની પણ સ્થાપના કરવામાં આવી હતી. આ વૃક્ષ યુનિવર્સિટી ટેકરી પર જ વાવવામાં આવ્યું છે.

જ્યારે શ્રીલંકાના રાષ્ટ્રપતિએ આ વૃક્ષનું વાવેતર કર્યું, ત્યારે તેમની સાથે મુખ્યમંત્રી શિવરાજ સિંહ ચૌહાણ પણ હાજર હતા. આવી સ્થિતિમાં, મધ્યપ્રદેશ સરકાર દર વર્ષે આ વૃક્ષની સુરક્ષા માટે 12 થી 15 લાખ રૂપિયા ખર્ચે છે.

બોધિ વૃક્ષ વિશે એવું માનવામાં આવે છે કે, ગૌતમ બુદ્ધને તેની નીચે જ્ઞાન પ્રાપ્ત થયું હતું. સમ્રાટ અશોકને શાંતિનો માર્ગ બતાવવામાં પણ બોધિ વૃક્ષની ભૂમિકા રહી છે. આ સ્થળ સાંચીથી 8 કિલોમીટરના અંતરે આવેલું હોવાથી જ્યારે પણ લોકો સાંચી આવે છે, ખાસ કરીને અહીં VVIP વૃક્ષ જોવા જાય છે.