Shukra Gochar: શુક્રના ગોચરથી આ પાંચ રાશિના જાતકોને લાભાલાભ, 29મીથી બદલાય જશે ભાગ્ય

થોડા દિવસોમાં કેટલાક ગ્રહો રાશિ પરિવર્તન કરવા જઈ રહ્યા છે. તેમાંથી એક શુક્ર છે. સુખ, વૈભવ અને ધનનો દાતા શુક્ર 29 ડિસેમ્બરના રોજ મકર રાશિ (Makar Rashi)માં ગોચર (Shukra Gochar) કરવા જઈ રહ્યા છે. શનિદેવ આ રાશિમાં પહેલેથી જ બિરાજમાન છે. તેઓ આવતા વર્ષે 17 જાન્યુઆરી, 2023ના રોજ કુંભ રાશિ (Kumbh Rashi)માં ગોચર કરશે.

કહેવાય છે કે શુક્રનું રાશિ પરિવર્તન લોકો માટે ઘણા સારા સમાચાર લઈને આવે છે. જેથી શુક્રના આ ગોચરની અસર બધી રાશિના જાતકોના જીવન પર પડશે. ગોચર કેટલીક રાશિઓ ખૂબ જ ભાગ્યશાળી રહેશે, તો કેટલીક રાશિઓના જીવનમાં અણધાર્યા બદલાવ આવશે. ત્યારે આજે અહીં શુક્રના ગોચરથી કઈ 5 રાશિઓને ફાયદો થશે તે અંગે જાણકારી આપવામાં આવી છે.

મેષ: મેષ રાશિના જાતકોને શુક્રના ગોચરથી ધન કમાવવાની ઘણી તકો મળશે. નોકરિયાત લોકોને સારા સમાચાર મળી શકે છે. વ્યવસાયિક લોકો માટે પણ ઉત્તમ સમય છે. પતિ સંપૂર્ણ સાથ આપશે. દિવસમાં 24 વખત ॐ शुं शुक्राय नमः નો જાપ કરવાથી ફાયદો થશે.

કન્યા: કન્યા રાશિના જાતકોનો ઝુકાવ ધાર્મિક કાર્ય તરફ રહેશે અને ધાર્મિક યાત્રા પર જઈ શકે છે. ધનમાં વધારો થશે અને પારિવારિક સંબંધોમાં ઉન્નતિ થશે. કરિયરમાં ફાયદો થશે. આ સમયમાં કન્યા રાશિના જાતકોએ લક્ષ્મી માતાનું ધ્યાન ધરવું જોઈએ.

તુલા: તુલા રાશિના જાતકો માટે આ ગોચર અનુકૂળ રહેશે. આ સમય તેમના માટે આરામદાયક રહેશે અને કારકિર્દીમાં પણ સકારાત્મક પરિણામો મળશે. આવનારા વર્ષમાં નોકરી બદલવાનો વિચાર કરી રહેલા જાતકોને સારા સમાચાર મળી શકે છે. જીવનસાથી સાથેના સંબંધોમાં સુધારો થશે.

મકર: શુક્ર ગ્રહ મકર રાશિમાં ગોચર કરશે. આ દરમિયાન તેમને સફળતા મળશે. આર્થિક સ્થિતિ પણ મજબૂત રહેશે અને કરિયરમાં સારા સમાચાર મળશે. આ રાશિના જાતકો જાન્યુઆરીમાં ક્યાંક મુસાફરી કરવાની યોજના બનાવી શકે છે. જૂની શારીરિક બીમારીઓથી છુટકારો મળશે. દર શુક્રવારે દેવી લક્ષ્મીને જાસૂદના ફૂલો ચઢાવવા જોઈએ.

મીન: શુક્રના ગોચરના કારણે મીન રાશિના જાતકો સ્થિર રહેશે. તેમની બધી જ ઈચ્છાઓ પૂરી થશે અને લાંબા સમયથી અટકેલા કામ પૂરા થશે. વેપારીઓ અને તેમના ભાગીદારો વચ્ચેના સંબંધોમાં સુધારો થશે. સ્વાસ્થ્યમાં સુધારો થશે. ભગવાન શિવની પૂજા કરો.