Vastu Tips: રસોડાની દિવાલો હોવી જોઇએ આ રંગની, આ દિશામાં રાખો બારીઓ અને ગેસ સ્ટવ

ઘરમાં દરેક વસ્તુ વાસ્તુશાસ્ત્ર (Vastu Tips) અનુસાર સેટ કરવી જોઈએ. તેથી ઘરના રસોડાનો રંગ (Kitchen Color) ખૂબ જ મહત્વપૂર્ણ છે. રસોડું ઘરનું સૌથી ખાસ અને મહત્વનું સ્થાન માનવામાં આવે છે. તે જ કારણ છે કે તેની દિવાલ પરનો રંગ (Kitchen Wall Color) પણ ખૂબ જ મહત્વપૂર્ણ છે. સાથે જ ઘરમાં સુખ શાંતિ અને સમૃદ્ધિ જળવાઈ રહે તે માટે રસોડું પણ ખૂબ જ મહત્વપૂર્ણ માનવામાં આવે છે. તો આવો જાણીએ ઘરના રસોડામાં કયા રંગનો ઉપયોગ કરવો જોઈએ.

લાલ કે નારંગી રંગ: વાસ્તુશાસ્ત્ર અનુસાર, ઘરમાં સુખ અને સમૃદ્ધિ જાળવી રાખવામાં રસોડું મહત્વની ભૂમિકા નિભાવે છે. એવામાં રસોડાની દિવાલનો રંગ પણ ખૂબ કાળજીપૂર્વક પસંદ કરવો જોઇએ. માનવામાં આવે છે કે રસોડામાં લાલ કે નારંગી રંગ કરવાથી સકારાત્મક એનર્જીનો પ્રવાહ જળવાઇ રહે છે અને ઘરમાં પણ સારું વાતાવરણ બની રહે છે.

કિચન કેબિનેટ્સનો રંગ: લગભગ બધાના ઘરે કિચનમાં કેબિનેટ્સ હોય જ છે. તેથી તેના પર લેમન પીળો, ઓરેન્જ અથવા ઓલિવ ગ્રીન કલર કરવો જોઇએ. તેનાથી ઘરમાં પોઝીટીવ એનર્જી જળવાઇ રહે છે.

નેગેટિવિટીનું કારણ: ઘરના કિચનમાં પાણી ભરેલું રહે છે કે પછી લીકેજની સમસ્યા છે તો ઘરમાં નકારાત્મક ઉર્જાનો સંચાર સરળતાથી થાય છે.

આ દિશામાં લગાવો સિંક: વાસ્તુ શાસ્ત્ર અનુસાર, સિંકને યોગ્ય દિશામાં લગાવવી જોઇએ. નહિં તો નુકસન સહન કરવું પડી શકે છે. વાસ્તુ અનુસાર સિંકને ઉત્તર પૂર્વ દિશામાં લગાવવું જોઇએ. પાણીનું પ્યોરીફાયર પણ આ જ દિશામાં લગાવવું જોઇએ.

ગેસની દિશા: વાસ્તુ મુજબ ગેસ સ્ટવને દક્ષિણ પૂર્વ કે ઉત્તર પશ્ચિમ દિશામાં રાખવો જોઈએ. તેનાથી માતા અન્નપૂર્ણાના આશીર્વાદ રહે છે. સાથે જ ઘરમાં ખુશીઓ પણ રહે છે. એવું માનવામાં આવે છે કે નુકસાન સામે રક્ષણ મેળવવા માટે આ દિશા યોગ્ય છે.

વિન્ડોની દિશા: રસોડામાં બારી હોવી ખૂબ જરૂરી છે. વાસ્તુ મુજબ રસોડામાં પૂર્વ દિશામાં બારી બનાવવી જોઈએ. તેનાથી સકારાત્મક ઉર્જા રહે છે.

કેબિનેટ્સ માટે યોગ્ય જગ્યા: દરેક વ્યક્તિ રસોડામાં કેબિનેટ્સ તો બનાવે જ છે, પરંતુ તેને બનાવતી વખતે ધ્યાન રાખો કે ક્યારેય ગેસ પર કેબિનેટ ન બનાવો. તેનાથી આગ લાગવાનું જોખમ વધી જાય છે.