Sun Transit 2023: 14 જાન્યુઆરીએ સૂર્ય શનિની રાશિમાં કરશે પ્રવેશ, આ 4 રાશિઓને થશે મહાલાભ

Surya Rashi Parivartan on 14 January 2023 : ગ્રહોના રાજા સૂર્ય પોતાના પુત્ર શનિની રાશિ મકરમાં 14 જાન્યુઆરી 2023એ પ્રવેશ કરશે. સૂર્યને સાહસ, આત્મા, પરાક્રમ તથા સ્વાસ્થ્ય વગેરેનો કારક માનવામાં આવે છે.

સૂર્ય જ્યારે એક રાશિમાંથી બીજી રાશિમાં પ્રવેશ કરે છે તો તેને સંક્રાંતિ કહેવામાં આવે છે. 14 જાન્યુઆરીએ સૂર્ય મકર રાશિમાં પ્રવેશ કરશે તો આ દિવસે આખા દેશમાં મકર સંક્રાંતિનો પર્વ મનાવવામાં આવશે.

સૂર્ય શનિના પિતા છે તેમ છતાં તેમના વચ્ચે શત્રુતાનો ભાવ છે. શત્રુ ભાવ વાળા શનિ અને સૂર્ય એક જ ભાવમાં આવવાથી અનેક રાશિઓ પર પ્રભાવ પડશે.

સૂર્ય દર વર્ષે એક વાર પોતાના પુત્ર શનિની રાશિમાં પ્રવેશ કરે છે અને એક મહિના સુધી તે જ રાશિમાં રહે છે. જાણો સૂર્યના પુત્ર શનિની રાશિમાં પ્રવેશથી કઇ રાશિઓને થશે મહાલાભ...

વૃષભ રાશિ - વૃષભ રાશિના જાતકો માટે સૂર્ય રાશિ પરિવર્તન લાભકારક સિદ્ધ થશે. આ દરમિયાન તમને કરિયર અથવા વેપારમાં પ્રગતિના યોગ છે. ભાગ્યવશ કેટલાક કામ પૂરા થશે. સમાજમાં માન-સન્માન વધશે. આવકમાં વધારો થશે.

કર્ક રાશિ - કર્ક રાશિના જાતકો માટે સૂર્યનો શનિની રાશિમાં પ્રવેશ શુભ રહેશે. આ સમયગાળામાં અપરણિતો માટે વિવાહ પ્રસ્તાવ આવી શકે છે. પરણિતોનું વૈવાહિક જીવન સુખદ રહેશે. યાત્રા પર જવાના યોગ બની રહ્યાં છે. આકસ્મિક ધન લાભના યોગ બની રહ્યાં છે. જે વસ્તુની જરૂર હશે, તેની ઉપલબ્ધતા રહેશે.

મિથુન રાશિ - મિથુન રાશિના જાતકો માટે સૂર્યનો મકર રાશિમાં પ્રવેશ ખૂબ જ શુભ રહેશે. એક મહિના સુધી તમારુ કરિયર અને વેપાર સારો ચાલતો રહેશે. સ્વાસ્થ્ય સંબંધિત મુશ્કેલીઓ પણ દૂર થશે. ધન લાભના યોગ બનશે. આર્થિક મોરચે લાભ થશે. માનસિક તણાવથી મુક્તિ મળશે.