Shani Dev: 30 જાન્યુઆરીએ કુંભ રાશિમાં અસ્ત થશે શનિ દેવ, જાણો તમારી રાશિ પર કેવી થશે અસર

મેષ: શનિદેવના અસ્ત થવાની અસર સામાજિક સંબંધો અને આર્થિક સ્થિતિને પણ થઇ શકે છે. જો તમે કોઈની પાસેથી બાકી પેમેન્ટ લેવા માંગો છો, તો તે મળવામાં મોડું થઈ શકે છે. શનિ અસ્ત થવાના કારણે, કારકિર્દીમાં તમને વધુ સારી તકો નહીં મળે. કાર્યસ્થળ પર સહકર્મચારીઓ સાથે સંબંધો બગડવાની સંભાવના છે.

વૃષભ: શનિ કુંભ રાશિમાં અસ્ત થઈ શકે છે અને વ્યાવસાયિક જીવન પર નકારાત્મક અસર કરે છે. તમે તમારી કારકિર્દીમાં જે વૃદ્ધિની રાહ જોઈ રહ્યા છો તેમાં વિલંબ થઈ શકે છે. વૃષભ રાશિના લોકો જે સરકારી નોકરીમાં છે તેમણે આ સમય દરમિયાન વધુ સાવચેત રહેવાની જરૂર રહેશે. કારણ કે બોસ અથવા ઉચ્ચ અધિકારીઓ સાથે વાદવિવાદ થવાની સંભાવના છે. મુસાફરી કરતી વખતે પણ સાવચેત રહો.

મિથુન: શનિદેવની નિર્ધારિત અવસ્થા દરમિયાન મુસાફરીમાં સાવચેત રહો. પિતાના સ્વાસ્થ્યનું ખાસ ધ્યાન રાખો કારણ કે શનિના અસ્ત થવાના કારણે તેમનું સ્વાસ્થ્ય બગડી શકે છે. ઉચ્ચ શિક્ષણ અભ્યાસ માટે આગળનું આયોજન કરનારાઓને થોડો વિલંબ થઈ શકે છે. જો કેટલીક અગાઉ બનાવેલી યોજનાઓમાં વિલંબ થઈ શકે છે. શનિની અસ્ત સ્થિતિ દરમિયાન વધુ સાવચેત રહો.

કર્ક: શનિની અસ્ત સ્થિતિ દરમિયાન, કર્કના જાતકોને આઠમા ભાવ સંબંધિત પરિણામો મળશે, જે એકદમ પ્રતિકૂળ હોઈ શકે છે. સાસરી પક્ષ સાથેના સંબંધોમાં તણાવ રહેશે. અચાનક લાભ અથવા નુકસાન થવાની સંભાવના છે. ખર્ચ પર નિયંત્રણ રાખજો.

સિંહ: સિંહ રાશિના સાતમા ભાવનો સ્વામી સાતમા ભાવમાં અસ્ત થઈ રહ્યા છે. પ્રેમ સંબંધમાં અથવા વ્યવસાયિક ભાગીદાર સાથે નાના નાના વિવાદો થઈ શકે છે. ગેરસમજો ઊભી થઈ શકે છે. ખાનગી ક્ષેત્રમાં કામ કરતા લોકોને મુશ્કેલીનો સામનો કરવો પડી શકે છે. કોઈ પણ નવા નિર્ણય અંગે વિચાર કરો.

કન્યા: શનિ છઠ્ઠા ભાવના સ્વામી તરીકે તમારા છઠ્ઠા ભાવમાં પ્રવેશ કરશે, જે આરોગ્યને અસર કરશે. આકરી સ્પર્ધાનો સામનો કરવો પડશે. જો તમે કોર્ટ કેસ અથવા કાનૂની કાર્યવાહીમાં ફસાયેલા છો, તો તમારે હારનો સામનો કરવો પડી શકે છે. નોકરીયાત લોકોને પ્રમોશનની અપેક્ષા રહેશે પરંતુ સફળતા નહીં મળે.

તુલા: પાંચમા ભાવમાં શનિ તમારા પાંચમા ભાવના સ્વામી તરીકે પ્રવેશ કરશે, જે પ્રેમ, શિક્ષણ અને બાળકોનો ભાવ છે. બાળકો સાથેના સંબંધોમાં પણ ઉતાર ચઢાવ આવી શકે છે. મિત્રતા અને સામાજિક સંબંધોમાં પણ સમસ્યાઓ આવી શકે છે. લોન ચાલતી હોય તો હપ્તા સમયસર જમા કરાવી લો અને કોઈની પાસેથી પૈસા ઉધાર ન લેવા.

વૃશ્વિક: વૃશ્ચિક રાશિના જાતકો માટે શનિ ચોથા ભાવમાં સ્થાપિત થઈ શકે છે અને ઢૈય્યા દ્વારા માતાના સંબંધમાં ઉતાર-ચઢાવ લાવી શકે છે. સ્વાસ્થ્ય સંબંધિત સમસ્યાઓ થઈ શકે છે. જ્યારે તમે કોઈ સંપત્તિ ખરીદવાની યોજના બનાવો ત્યારે સાવચેત રહો. છેતરપિંડી થઇ શકે છે.

ધન: શનિ ધન રાશિના ત્રીજા ભાવમાં પ્રવેશ કરશે, પરિણામે આ રાશિના જાતકોને કામ સંબંધિત યાત્રાઓ કરતી વખતે મુશ્કેલી આવી શકે છે. જે હેતુ માટે યાત્રા પર જવાનું હોય તે સફળ ન થઇ શકે. માનસિક શાંતિ માટે આધ્યાત્મિક યાત્રા કરી શકો છો. ભાઈ-બહેન સાથેના સંબંધોમાં ઉતાર-ચઢાવ આવી શકે છે.

મકર: મકર રાશિના જાતકો માટે શનિદેવ બીજા ભાવમાં અસ્ત થશે, જે ધન, પરિવાર અને વાણીનો ભાવ છે. પારિવારિક વ્યવસાયમાં નુકસાન થઈ શકે છે. પારિવારિક વિવાદ વધી શકે છે. આર્થિક નુકસાન પણ થઈ શકે છે. સટ્ટા બજાર શેરબજારમાં રોકાણ કરવાનું ટાળો, કારણ કે શનિદેવની દ્રષ્ટિ આઠમા ભાવે પડી રહી છે.

કુંભ: શનિદેવ કુંભ રાશિમાં પ્રભાવી રહેશે. સાડાસાતીનો બીજો તબક્કો પણ ચાલી રહ્યો છે. આવી સ્થિતિમાં ભાઈ-બહેન સાથેના સંબંધોને અસર થશે. લગ્નજીવનમાં મુશ્કેલી આવી શકે છે. વ્યવસાયિક રીતે, નોકરિયાત લોકો કાર્યસ્થળ પર વધુ દબાણ અનુભવી શકે છે. સ્વાસ્થ્યમાં ઘટાડો થઈ શકે છે.

મીન: મીન રાશિના જાતકો માટે હાલ શનિદેવની સાડાસાતીનો પ્રથમ તબક્કો ચાલી રહ્યો છે. તો શનિદેવ મીન રાશિના બારમા ભાવમાં રહેશે. આવી સ્થિતિમાં આર્થિક નુકસાન થઈ શકે છે. દેવું વધી શકે છે. પગાર વધારાના અભાવે મન દુ:ખી રહેશે. તમે ઘણી મુશ્કેલીઓમાંથી પસાર થશો અને આધ્યાત્મિકતા પર તમારો વિશ્વાસ વધશે.