મહેસાણાઃ લાખવડમાં 200 વર્ષથી ઉજવાય છે તોતળ માતાજીની પલ્લી, જાણો શું છે પરંપરા?

મહેસાણાઃ નવરાત્રીનો તહેવાર (Navratri festival) પૂર્ણ થવા જઈ રહ્યો છે ત્યારે નવરાત્રીમાં આઠમ (Navratri atham) અને નૌમનું અલગ મહત્વ હોય છે. આ દિવસો દરમિયાન અલગ અલગ સમાજમાં અલગ અલગ પરંપરા (Navratri Tradition) રહેતી હોય છે ત્યારે મહેસાણાની બાજુમાં આવેલા લાખવડ ગામમાં પણ આવી જ આગવી પરંપરા વર્ષોથી ચાલી આવે છે. ગામના પાટીદાર સમુદાય (Patidar community) દ્વારા પુત્ર જન્મ (son birth) નિમિતે આસો સુદ આઠમના રોજ માતાજીની પલ્લી મહોત્સવ (Palli in atham lakhvad mehsana) ઉજવાય છે. જેમાં કોઈપણ સમાજના પરિવારમાં જો પુત્ર ના હોય તો તોતળ માતાજીની બાધા રાખે તો જરૂર માતાજી તેની મનોકામના પૂર્ણ કરે છે.

તોતળ માતાજીની પ્રસાદમાં ઘઉની સુખડી, અડદનીદાળના વડા, ઘઉની રોટલી, જુવારનો ખીચડો, અને દૂધનો પ્રસાદ કરાય છે. જેમાં જેના ઘરે પુત્ર જન્મ હોય તેના ઘરેથી બાજોટ ઉપર પલ્લીનો શણગાર સજાવીને બાજોટમાં ખીચડાના નવ ખંડ મુકવામાં આવે છે જેના ઉપર ઘઉના લોટના નવ ખંડમાં ઘીના દીવડા પ્રગટાવામાં આવે છે.

બાજુમાં નવ સુખડીના ટુકડા તથા નવ રોટલી મૂકીને પલ્લીઓને તાતળ માતાજીના જયગોષ સાથે ગામના ચોકમાં આવેલ તોતળ માતાજીના મંદિરે પલ્લીઓ લવાય છે. જેમાં લાખવડ ગ્રામના તમામ જ્ઞાતિના ગ્રામજનો અને બહારથી પધારેલ મહેમાનો આ માતાજીના ઉત્સવમાં હર્ષભેર ભાગલે છે.

જે આ સમયે માતાજીના ચોકમાં જય તોતળ જય જય તોતળનો નાદગુજતો હોય છે.પલ્લીમાં જે 9 ખંડ હોય તેમાંથી 8 ખંડ માતાજીના ચોકમાં આવેલ દેવીપુજક સમાજના ભાઈઓને આપવામાં આવે છે.

અને 1 ખંડ ઘરે પરત લઈજવામાં આવે છે જે ખંડ જેને પુત્રના હોય તેમને આ ખંડની પ્રસાદ ખવડાવવામાં આવે છે જેથી તેની પુત્ર જન્મની મનોકામનાઓ તોતળ માતાજી પૂર્ણ કરે છે. સાથે સર્વે ગ્રામજનોએ અને આવેલ મહેમાનો માતાજી પ્રસાદ જમે છે.

આ નિમિતે માતાજીના ચોકમાં આઠમની રાત્રે પુત્ર જન્મના માનતાના ગરબા પણ નીકળે છે. જે સવારે વહેલી પરોઢિયે સારા ચોઘડિયામાં તોતળ માતાજી મંદિરે માતાજીની આરતી કર્યા બાદ માતાજીના પટાંગરમાં ગરબા વરાવવામાં આવે છે.