નવરાત્રી 2020: નવરાત્રીમાં કન્યા પૂજન સમયે કરો આ કામ, અંબેમા થશે પ્રસન્ન

ધર્મ ભક્તિ ડેસ્ક: શરદ નવરાત્રીમાં કન્યા પૂજનનું ખાસ મહત્વ હોય છે. આ વખતની નવરાત્રીમાં અષ્ટમીની સાથે નોમની તિથિ હોય છે. આ વખતે 24 ઓક્ટોબરે અષ્ટમિ ઉજવવામાં આવશે. કારણ કે, ધર્મ શાસ્ત્ર અનુસાર અષ્ટમી વાળી નવમી પણ ખુબજ શુભ માનવામાં આવે છે. એવું કહેવાય છે કે, આ દિવસે ભગવાન શિવે પણ માતા સિદ્ધિદાત્રીની કૃપા મેળવવાં તેમની ઉપાસના કરી હતી.

અષ્ટમી અને નવમી પર પણ કન્યા પૂજન કરવામાં આવે છે કહેવાય છે કે, સિદ્ધિદાત્રી માતા ફક્ત તે દીકરીઓનાં પૂજનથી પ્રસન્ન થાય છે જે 10 વર્ષથી નાની હોય એટલે કે જેઓ માસિકમાં ન બેસતી હોય. તેથી જેટલી દીકરીઓ નાની તેટલી માતાની કૃપા રહે છે. આ સમયે કન્યાની સાથે બે બટુક મહારાજને પણ ભોજન કરાવવું. જે ગણેશ અને ભૈરવનાં નામે ઓળખાય છે.

<br />આ કન્યાઓને ભોજનમાં ખીર, ચણા અને પુરી આપવી. આ સાથે જ તેમને ભોજન બાદ દક્ષિણામાં કોઇપણ એક ફળ અને પરિસ્થિતિ મુજબ પૈસાનું દાન કરવું. જેટલી નાની કન્યા હોય તેટલું સારુ ફળ મળે છે.

<br />આ કન્યા ઘરમાંથી બહાર નીકળે તે પહેલાં તેમનાં પગે લાગી આશીર્વાદ લેવા જરૂરી છે. તેથી માતા ખુબજ પ્રસન્ન રહે છે. તેમની કૃપા તમારા ઘર પર રહે છે.

સવારે સ્નાન કર્યા પછી ગણેશજીનાં પૂજન બાદ માતાની લાલ ફૂલ અને પાન ચઢાવવાં. જે બાદ માતાજીની પૂજા કરવી અને શૃંગાર સામગ્રી અર્પણ કરી તેમની આરતી કરવી. આપનાં કૂળદેવીની પણ પૂજા કરવી. નાનો હવનકૂંડ બનાવી માતાજીની પૂજા કરી ઓછામાં ઓછુ નવ વખત અથવા તો 108 વખત આહૂતી આપવી.

આ સમયે હમેશાં મનમાં ૐ સિદ્ધિદાત્રયૈ નમ: મંત્રનો જાપ કરવો. પૂજન સમયે જો બને તો અખંડ દિવો પ્રજ્વલિત રાખવો.