Mercury Transit 2021: બુધ કરશે રાશિ પરિવર્તન, આ 5 રાશિઓ માટે છે શુભ

બુધ ગ્રહ 29 ડિસેમ્બર, 2021ના રોજ સવારે 11.30 કલાકે ધન રાશિમાંથી મકર રાશિમાં પ્રવેશ (Mercury Transit In Capricorn) કરશે. મકર રાશિમાં બુધ ગ્રહ 6 માર્ચ, 2022 સુધી ગોચર કરશે અને ત્યાર બાદ કુંભ રાશિમાં પ્રવેશ કરશે. બુધ ગ્રહના મકર રાશિમાં પ્રવેશ સાથે તમામ રાશિઓના જાતકો પર કેવી અસર પડશે, ચાલો જાણીએ

મેષ-બુધનો પ્રભાવ સફળતા, પ્રગતિ પ્રદાન કરશે અને કાર્યો અને નિર્ણયોની સરાહના થશે. ચૂંટણી સંબંધિત નિર્ણયો લેવામાં માટે શ્રેષ્ઠ સમય છે. માતાપિતાના સ્વાસ્થ્યની ચિંતા રહે. નોકરીમાં જગ્યા બદલવાનો પ્રયાસ કરી શકો છો.

વૃષભ- આધ્યાત્મ તરફ રસ વધશે. રોજગારમાં સફળતા મળે. વિદેશી કંપનીઓમાં નોકરી કે નાગરિકતા માટે અરજી કરવાનો યોગ્ય સમય છે. વિદ્યાર્થીઓ માટે સમય અનુકૂળ રહેશે. સંતાન સુખની પ્રાપ્તિ થઇ શકે.

મિથુન- જીવનમાં અનેક ઉતાર-ચઢાવ આવી શકે છે. આરોગ્ય પ્રત્યે સાવધાન રહેજો. ચર્મ રોગની દવાઓનું રીએક્શન તથા અન્ય એલર્જી જેવી બિમારીઓથી બચવું. નોકરી-ધંધામાં ષડ્યંત્રનો શિકાર થઇ શકો છો. તમારી યોજનાઓને ગુપ્ત રાખીને કામ કરો. જમીન સંબંધિત મામલાઓ ઉકેલાશે.

કર્ક- દાંપત્ય જીવન સુખી રહેશે. લગ્ન સંબંધિત બાબતોમાં સફળતા મળશે. સરકારી કામો સંપન્ન થશે. નવા ટેન્ડર માટે અરજી કરવાનો શ્રેષ્ઠ સમય છે. ભાગીદારીમાં વેપાર કરવાથી બચો. કોઇને પૈસા ઉધાર ન આપશો, નહીં તો નુકસાન થઇ શકે છે.

સિંહ- દરેક કાર્ય માટે સાવધાની પૂર્વક નિર્ણય કરો. શત્રુઓથી બચો. સ્વાસ્થ્ય જાળવો અને ખોટા ખર્ચ કરવાથી આર્થિક તંગીનો સામનો કરવો પડી શકે છે. વિદ્યાર્થીઓએ પરીક્ષામાં સારા ગુણો લાવવા પ્રયાસ કરવા

કન્યા- આ રાશિના જાતકોને ઘણી સફળતાઓ મળશે. કોઇ નવા કામની શરૂઆત કે કોન્ટ્રાક્ટ પર સહી કરવા માટે એકદમ યોગ્ય સમય છે. પ્રેમ વિવાહ કરવા માટે સૌથી શ્રેષ્ઠ સમય છે. પરીવાર તરફથી સહયોગ મળશે.

તુલા- આ રાશિના જાતકો માટે બુધનો પ્રભાવ સકારાત્મક રહેશે. જમીન-સંપત્તિ સંબંધિત મામલાઓનો ઉકેલ થશે. મકાન-વાહનની ખરીદી પૂર્ણ થશે. સંબંધી-મિત્રો પાસેથી સારા સમાચારની પ્રાપ્તિ. સરકારી કાર્યો સફળ રીતે સંપન્ન થશે. નવા ટેન્ડર માટે અરજી કરવાનો શ્રેષ્ઠ સમય છે. માતાપિતાના સ્વાસ્થ્યની ચિંતા રહે.

વૃશ્વિક- સાહસ-પરાક્રમમાં વૃદ્ધિની સાથે તમે લીધેલા નિર્ણયોની સરાહના પણ થશે. ધર્મ તરફ રસ વધશે. સંતાન સુખની પ્રાપ્તિ થશે. તમારા આયોજનોને ગોપનીય રાખીને કાર્યો કરવાથી સફળતા મળશે. પરીવારમાં મતભેદ આવી શકે છે.

ધન- આ રાશિમાં બુધના અનેક પ્રભાવો જોવા મળશે. આર્થિક સુધાર અને ધનની પ્રાપ્તિ થશે. જમીન-સંપત્તિના મામલાઓ ઉકેલાશે. વિષમ પરીસ્થિતિઓમાં પણ સફળતા મળશે.

મકર- બુધ મકર રાશિમાં ગોચર કરી રહ્યો હોવાથી આ રાશિના જાતકો માટે વરદાન સમાન છે. નવા વેપાર અથવા નવા કોન્ટ્રાક્ટ પર સહી કરવાનો શ્રેષ્ઠ સમય છે. વિદેશી કંપનીઓમાં સર્વિસ કે નાગરિકતા માટે કરેલ પ્રયાસમાં સફળતા મળે. સંતાન સુખની પ્રાપ્તિ થાય. વિવાહ સંબંધિત વાતમાં સફળતા મળે.

કુંભ- આ રાશિના જાતકોમાં અનેક ઉતાર-ચઢાવ જોવા મળી શકે છે. કોઇને પણ પૈસા ઉધાર ન આપશો નહીં તો આર્થિક નુકસાન થઇ શકે છે. ભાગદોડ વધુ રહે. કોર્ટ-કચેરીના કેસોનો ઉકેલ લાવવાનો પ્રયાસ કરવો. વિદ્યાર્થીઓએ અભ્યાસમાં વધુ ધ્યાન આપવું. અનિચ્છિત સમાચાર મળી શકે.

મીન- આવક વધશે. ધનની પ્રાપ્તિ થઇ શકે છે. પરીવારનો સહયોગ મળશે. ટેન્ડર માટે અરજી કરવાનો યોગ્ય સમય છે. સંતાન સુખની પ્રાપ્તિ થશે.