કન્યા રાશિમાં બુધ અને શુક્રનું મિલન, જાણો કઇ રાશિને ફળશે?

ભાદરવા મહિનાની તેરસનાં દિવસે એટલે કે 11 સપ્ટેમ્બર બુધવારનાં રોજ બુધ ગ્રહનો કન્યા રાશિમાં પ્રવેશ થયો. વહેલી સવારે 4 વાગીને 59 મિનિટે બુધ કન્યા રાશિમાં ગોચર કરવાનું સરૂ કર્યું. અને અહીં તે 14 દિવસો સુધી રહેશે. કાણ કે બુધ ગ્રહનાં ગોચરનો સમય આશરે 14 દિવસ હોય છે. કન્યા રાશિમાં બુધ 29 સપ્ટેમ્બર બપોરે 12 વાગીને 56 મિનિટ સુધી રહેશે. તો આસમયે પહેલેથી જ કન્યા રાશિમાં શુક્ર બિરાજમાન છે. તેથી કન્યા રાશિમાં બુધ અને શુક્રનું મિલન થયું છે. કન્યા રાશિ બુધની પોતાની રાશી છે જે અતિશુભ પ્રભાવ આપે છે. ત્યાં શુક્ર જે નીચભંગ યોગ બનાવે છે પણ સ્વરાશિનાં સ્વામી બુધ અહીં ગોચર કરતાં શુક્ર નીચનો હોવા છતાં તે અશુભ ફળ આપી શકશે નહીં. ત્યારે હવે કન્યા રાશિમાં બુધ અને શુક્રનાં મિલનથી આગામી 14 દિવસ કેવાં રહેશે અને તેનો અન્ય રાશિ પર કેવો પ્રભાવ રહેશે ચાલો તેનાં પર કરીએ એક નજર

મેષ- બુધનું ગોચર આપની રાશિમાં છઠ્ઠા સ્થાને છે આ ગોચર આપનાં માટે ફળદાયી છે. જે તમને દેવા માંથી મુક્તિ અપાવશે. આપને માતૃપક્ષથી ફાયદો થશે. જોકે આ સમયમાં તબિયત સાચવવી.

વૃષભ- બુધનું કન્યા રાશિમાં ગોચર આપના માટે વરદાન સાબિત થશે. શિક્ષણ ક્ષેત્રે સફળતા મળશે. નોકરી ધંધામાં પ્રગતિ થશે. જોકે આ સમય સંતાનો માટે ચિંતા કરાવશે.

મિથુન- મિથુન રાશિ માટે શુક્ર અને બુધનાં મિલનની આ યુતિ સારૂ પરિણામ લઈને આવી છે. મિથુન રાશિનાં જાતકો માટે આ સમય ફળદાઇ છે. તેમને જમીન, મકાન, વાહનની ખરીદીનાં યોગ છે. વેપાર ધંધામાં સફળતા મળશે. મિત્રોની મદદ મળશે.

કર્ક- કન્યા રાશિમાં બુધ શુક્રની યુતિ કર્ક રાશિનાં પરાક્રમ ભાવમાં અસર કરે છે. જેથી આપનાં પરાક્રમમાં વધારો થશે. નોકરી- વેપાર ક્ષેત્રે આપ મોટા સાહસી નિર્ણય લેશો. જોકે ભાઈ ભાંડુ સાથે મતભેદ વધે. પરિવારનાં સભ્યો સાથે બીનજરૂરી તકરારથી દૂર રહેવું.

સિંહ- શુક્ર બુધનાં આ મિલનની યુતિ તમારા માટે ધન ભાવમાં થાય છે. જે તમને આર્થિક રીતે સદ્ધર બનાવશે. આપને કાર્યક્ષેત્રે મોટી સફળતા મળશે. જો આપનાં ક્યાંય અટકેલા નાણાં હશે તો પરત મળશે. તેમજ આકસ્મિક ધન લાભ થશે.

કન્યા- કન્યા રાશિ માટે આ સફળતાનો સમય છે. આપ જે પણ જગ્યાએ હાથ નાખશો તમારું કામ સરળતાથી થશે. સરકારી કામકાજોમાં સફળતા મળશે. રોજગારીની નવી તક સાંપડશે. ભૌતિક ધન સંપત્તિ પર વધારે ખર્ચ થશે.

તુલા- શુક્ર બુધનું આ મિલન તમારા માટે ઉત્તમ સમય નથી. આ યોગ આપને ખુબજ ભાગદોડ કરાવશે. જોકે આ સમયે તમારી પ્રતિષ્ઠામાં વધારો થશે. પ્રતિષ્ઠા વધતા ધાર્મિક તેમજ સામાજીક કાર્યોમાં ખર્ચો પણ વધશે. આસમય દેવાથી મુક્તિ મળશે.

વૃશ્ચિક- શુક્ર બુધનાં મિલનની આ યુતિનો આપને ફાયદો થશે. આપની આવકમાં વૃદ્ધિ થશે. આ સમયે આપને એકથી વધારે આવકના સ્ત્રોત ઉત્પન્ન થશે. કોઈ સમૃદ્ધિશાળી વ્યક્તિ સંસ્થાનનો લાભ આપશે. મિત્રો સાથે મધુર સબંધ રહેશે.

ધન- શુક્ર બુધનું મિલનની યુતિ ધન રાશિ માટે કર્મભાવમાં બને છે. આ મિલન આપનાં માટે લાભકારી છે. આ સમય આપને સફળતા અપાવશે. બુધનાં શુભત્વથી આપને ફાયદો થશે. જોકે આ સમયે કોઈ ગુપ્ત માહિતી કોઈની સાથે શેર ન કરવી.

મકર- બુધ શુક્રનાં મિલનનો આ યોગ આપની રાશિનાં ભાગ્ય ભાવમાં બની રહી છે. જે આપનાં માટે પ્રવાસનો યોગ જન્માવે છે. આ યોગ આપનાં નવા કાર્યનો આરંભ કરી શકશો. શિક્ષા પ્રતિયોગિતામાં સફળતા મળશે. મકાન વાહનનું કાર્ય કરી શકશે.

કુંભ- આપની રાશીમાં આ યોગ અષ્ટમ ભાવમાં બની રહ્યો છે. જે ધનલાભ કરાવશે. આ સમય સુખમય વ્યતિત થશે. દરેક કાર્યમાં સફળતા મળશે. વિદેશી મિત્રોથી સહયોગ મળશે.

મીન- આપની રાશિમાં આ યુતિ સપ્તમ પત્ની ભાવમાં બની રહી છે. જેથી પત્ની સાથે ખોટી માથાકૂટમાં પડવું નહીં. વ્યવસાયમાં હાની થવાની સંભાવના, યાત્રા પ્રવાસ બને તો ટાળવો. માનસિક ચિંતા રહેશે.