Astrology 2022: બુધ વક્રી થતા મેષ સહિત આ રાશિના જાતકોને થશે સકારાત્મક અસર

વૈદિક જ્યોતિષમાં કોઈપણ ગ્રહની રાશિ (Zodiac Signs) પરિવર્તન મહત્વપૂર્ણ છે. એક રાશિથી બીજી રાશિમાં જતા દરેક ગ્રહની તમામ 12 રાશિઓ પર અસર પડે છે. ગ્રહોના ગોચરની સાથે સમયાંતરે, માર્ગી અને વક્રીના પણ થાય છે. માર્ગીનો અર્થ થાય છે સીધી ચાલ અને વક્રી એટલે ઉલટી ચાલ. હવે બુધ 21 દિવસ સુધી વક્રી થવાનો છે. 14 જાન્યુઆરીથી 4 ફેબ્રુઆરી સુધી મકર રાશિમાં બુધ વક્રી અવસ્થામાં રહેશે.

જ્યોતિષશાસ્ત્ર(astrology) અનુસાર, બુધ (Mercury retrograde) જ્યોતિષ, હસ્તકલા, કોમ્પ્યુટર, વાણિજ્ય અને ચોથું અને દસમું ઘર છે. તે બુદ્ધિ અને વાણીનો દેવ છે. તેની સીધી અસર મન અને શરીર પર પડે છે, જે મુખ્યત્વે ગરદન અને ખભાને અસર કરે છે. બુધ મકર રાશિમાં પ્રવેશ કરી રહ્યો હોવાથી તેની શું અસર થશે, તેમજ આ સમયગાળા દરમિયાન નકારાત્મક પરિસ્થિતિઓથી બચવા અને સકારાત્મક પરિસ્થિતિઓનો લાભ મેળવવા તમારે કયા પગલાં લેવા જોઈએ તેના વિશે જાણીએ.

મેષ- આ દરમિયાન તમારા દસમાં ઘરમાં અસર થશે. બુધના આ ગોચરથી તમને તમારા કરિયરમાં સફળતા મળશે. સાથે જ તમારા પિતાની પણ સમૃદ્ધિ થશે. તમને નવી વસ્તુઓ શીખવાની ઇચ્છા થશે. હથિયાર વગેરેના કામ સાથે જોડાયેલા લોકોને વિશેષ લાભ મળશે. કોઈની મદદનો ખોટો ફાયદો ન ઉઠાવો. સારા સ્વાસ્થ્ય માટે આ દરમિયાન બહાર જમવાનું ટાળો.

વૃષભ- વૃષભ રાશિમાં બુધનું પશ્ચાદવર્તી ગોચર નવમા સ્થાનમાં થયું છે. તમને ભાગ્યનો સાથ મળશે, નાણાકિય લાભ મળશે અને સ્વાસ્થ્ય સારું રહેશે.

મિથુન- મિથુન રાશિમાં બુધનું ગોચર આઠમા ભાવમાં થયું છે. આ સ્થાન ઉંમર સાથે સંબંધિત છે. બુધના આ ગોચરથી શુભ પરિણામ મેળવવા માટે તમારે થોડી મહેનત કરવી પડી શકે છે. આ સમય દરમિયાન તમારે ઘર પણ બદલવું પડી શકે છે. અશુભ સ્થિતિથી બચવા અને શુભ પરિણામની મેળવવા માટે 4 ફેબ્રુઆરી સુધી માટીના વાસણમાં ખાંડ અથવા મધ ભરીને તેને રણમાં દાટી દો.

કર્ક- કર્ક રાશિમાં બુધનું ગોચર તમારા સાતમા ભાવમાં થયું છે. આ દરમિયાન તમને નાણાકિય લાભ, કામમાં સફળતા મળશે. ઉપરાંત, જો તમારી સામે કેસ ચાલી રહ્યો છે, તો 4 ફેબ્રુઆરી સુધી, તેની દલીલો તમારી તરફેણમાં રહેશે.

સિંહ- સિંહ રાશિમાં બુધનું ગોચર છઠ્ઠા સ્થાનમાં થયું છે. તમે બીજાને મદદ કરશો. જો તમે કોઈપણ કાર્ય ધૈર્યથી કરશો તો તમને સફળતા મળશે અને સાથે જ તમને પૈસા પણ મળશે. સાથે જ, બુધનું આ ગોચર તમારી વાણીને અસર કરશે. શુભ પરિણામ મેળવવા માટે કોઈ શુભ કાર્ય માટે ઘરની બહાર નીકળતી વખતે કન્યાને ફૂલ ભેટ કરો.

કન્યા- કન્યા રાશિમાં બુધની વક્રી ચાલ પાંચમાં સ્થાનમાં થશે. આ ગોચર તમારી બૌદ્ધિક ક્ષમતા વધારશે. કોઇણ કામમાં તમારો રસ જળવાશે. જેમને બાળકો છે, તેમના બાળકો પ્રગતિ કરશે. સારું ફળ મેળવવા ગાયની સેવા કરો.

તુલા -તુલા રાશિમાં બુધનું વક્રી ગોચર તમારા ચોથા સ્થાનમાં થયું છે. બુધનું આ ગોચર તમારા માટે તેમજ તમારી આસપાસના અન્ય લોકો માટે પણ શુભ રહેશે. તમને જમીન, મકાન અને વાહન બાબતે સારા સમાચાર મળશે. પરંતુ આ દરમિયાન તમારે તમારી માતાના સ્વાસ્થ્યનું વિશેષ ધ્યાન રાખવાની જરૂર છે. શુભ ફળની મેળવવા અને અશુભ પરિણામોથી બચવા 4 ફેબ્રુઆરી સુધી માથા પર કેસરનું તિલક લગાવો.

વૃશ્વિક- વૃશ્ચિક રાશિમાં બુધનું ગોચર ત્રીજા સ્થાને થયું છે. બુધનું આ ગોચર તમારી ઉંમર વધારશે અને અન્ય લોકો સાથે તમારા સંબંધો સારા બનાવશે. 4 ફેબ્રુઆરી સુધીમાં તમે તમારા વિચારો વ્યક્ત કરવાનો શ્રેષ્ઠ પ્રયાસ કરશો. તમને અને તમારા ભાઈ-બહેનોને મહેનત પ્રમાણે લાભ મળશે. શુભ પરિણામ મેળવવા માટે ફટકડીના પાણીમાં લીલા મગને રાત્રે પલાળી રાખો અને સવારે ઉઠ્યા પછી તેને પ્રાણીઓને ખવડાવો.

ધન- ધન રાશિમાં બુધનું ગોચર બીજા સ્થાને થયું છે. બુધનું આ ગોચર તમારા ધનમાં વધારો કરશે. પરીવાર માટે પણ લાભદાયી રહેશે. તમારી બૌદ્ધિક ક્ષમતા સારી રહેશે અને તમને તમારી માતાની ખુશી મળશે. તમે દુશ્મનો પર વિજય મેળવવામાં સફળ થશો.

મકર- મકર રાશિમાં બુધનું ગોચર પ્રથમ સ્થાને થયું છે. તમને નાણાકિયા લાભ થશે. પ્રેમ સંબંધ મજબૂત બનશે અને તમારા બાળકોને કોર્ટ સંબંધિત બાબતોમાં સફળતા મળશે.

કુંભ- કુંભ રાશિમાં બુધનું ગોચર બારમા ભાવમાં થયું છે. સમાજમાં તમારી અને તમારા પરિવારના સન્માન અને પ્રતિષ્ઠામાં વધારો થશે. પરંતુ તમારે 4 ફેબ્રુઆરી સુધી તમારા પૈસા સુરક્ષિત રાખવાની જરૂર છે.

મીન- મીન રાશિમાં બુધનું ગોચર અગિયારમા સ્થાનમાં થયું છે. બુધનું આ ગોચર તમારી આવકમાં વધારો કરશે. ઉપરાંત, તે તમારા બાળકની પ્રગતિ કરશે. આ દરમિયાન, તમને કેટલીક નવી વસ્તુઓ શીખવાની તક મળશે. આ સિવાય સમયની કિંમત સમજી અને આગળ વધશો.