Mangal Gochar 2022: 26 ફેબ્રુઆરીએ મંગળ બદલશે રાશિ, આ 5 રાશિના લોકો રહે સાવધ

મિથુન (Gemini): મંગળનું રાશિ પરિવર્તન મિથુન રાશિથી આઠમા ભાવમાં થવા જઈ રહ્યું છે. આ રાશિના જાતકોએ પૈસાની બાબતમાં ખૂબ કાળજી રાખવાની જરૂર છે. કોઇપણ જગ્યાએ રોકાણ કરવાનું ટાળો, તેનાથી નુકસાન થઈ શકે છે. ઉધાર લેવાથી પણ બચો. કાયદાકીય વિવાદમાં ફસાઈ જવાની સંભાવના છે, તેથી કોઈની સાથે બહુ દલીલબાજી ન કરો. કોઈપણ પ્રકારના વાદ-વિવાદથી દૂર રહો. માનસિક તણાવ વધી શકે છે.

કન્યા (Virgo): કન્યા રાશિના લોકો માટે પણ મંગળ મુશ્કેલીઓ વધારી શકે છે. કરિયર સંબંધિત સમસ્યાઓ વધી શકે છે. માનસિક તણાવ વધશે અને આર્થિક સ્થિતિ નબળી પડી શકે છે. પ્રેમ સંબંધોમાં વિવાદનો સામનો કરવો પડી શકે છે. ઓફિસમાં કોઈપણ વ્યક્તિ સાથે વાદ-વિવાદની સ્થિતિથી બચો.

કર્ક (Cancer): કર્ક રાશિમાંથી મંગળનું ગોચર સાતમા ભાવમાં થવા જઈ રહ્યું છે. એવામાં દાંપત્ય જીવનમાં ઉથલપાથલની સ્થિતિ સર્જાઈ શકે છે. જીવનસાથી સાથે મતભેદ થવાની સંભાવના છે. દલીલો અને ઝઘડા તમારા સંબંધોમાં કડવાશ લાવવાનું કામ કરશે, તેથી આ પરિસ્થિતિને ટાળવાનો પ્રયાસ કરો. સ્વાસ્થ્ય બગડી શકે છે. ધનહાનિ પણ થઈ શકે છે.

ધનુ (Sagittarius): ધનુરાશિમાંથી મંગળ બીજા ભાવમાં ગોચર કરશે. એવામાં ધન અને સંપત્તિને લઈને વિવાદની સંભાવના છે. આ સમય દરમિયાન આવા મુદ્દાથી બચવાનો પ્રયાસ કરો. નોકરીયાતને વર્કપ્લેસ પર સમસ્યાઓનો સામનો કરવો પડી શકે છે.

મકર (Capricorn): મંગળ મકર રાશિમાં જ ગોચર કરવા જઈ રહ્યો છે, એટલે મકર રાશિના લોકોમાં ગુસ્સો વધશે. આ કારણે પરિવારમાં તણાવ વધી શકે છે. ઘરના સભ્યો સાથે મતભેદ થઈ શકે છે. ખર્ચ વધશે જેના કારણે તમારી આર્થિક સમસ્યાઓ પણ વધશે.