Mangal Gochar: એપ્રિલ મહિનામાં શરૂ થશે આ પાંચ રાશિઓ માટે ‘અચ્છે દિન’, થશે મંગળની મહેરબાની

ધર્મ ભક્તિ ડેસ્ક: જ્યોતિષશાસ્ત્ર અનુસાર કોઇ પણ ગ્રહના એક રાશિમાંથી અન્ય રાશિમાં થતા ગોચરની અસર તમામ રાશિના જાતકો (Zodiac Signs) પર સ્વાભાવિક રીતે પડે છે. અવારનવાર ગ્રહો પોતાની દિશા બદલતા રહે છે. ત્યારે ગ્રહોના સેનાપતિ કહેવાતો મંગળ ગ્રહ ગુરૂવારે, 7 એપ્રિલ, 2022ના રોજ કુંભ રાશિમાં પ્રવેશ કરવા જઇ રહ્યો છે. મંગળ ગ્રહ આ રાશિમાં 17 મે સુધી રહેશે. જ્યોતિષિઓના જણાવ્યા અનુસાર, મંગળ ગ્રહ (Mangal Gochar in April)ના કુંભ રાશિમાં ગોચરથી ઘણી રાશિ પર તેની હકારાત્મક અસરો (Effects on Zodiac Signs) પડશે અને શુભ ફળ પણ મળશે. જે લોકો પર મંગળની કૃપા થશે તેમને આર્થિક ક્ષેત્રે ઘણો લાભ થશે. તો ચાલો જાણીએ મંગળના ગોચરથી કઇ પાંચ રાશિઓના જાતકો માટે નવા પરીવર્તનો જીવનમાં આવશે અને શું અસરો થશે.

મેષ રાશિ- મંગળ ગ્રહના કુંભ રાશિમાં ગોચર થવાની સાથે જ મેષ રાશિના જાતકોનો અનુકુળ સમય અને મોટા લાભના અવસરો મળી શકે છે. જો આવા લોકો કોઇ કામમાં રોકાણ કરે છે તો તેમને લાભ મળી શકે છે. જોકે, લોકોને સંબંધોમાં અમુક પડકારોનો સામનો કરવો પડી શકે છે. વાણી પર સંયમ રાખવો વધુ સલાહ ભર્યુ છે.

વૃષભ- વૃષભ રાશિને પણ મંગળના ગોચરથી લાભ થઈ શકે છે. આ રાશિવાળા લોકોને કરિયર અને વેપારમાં નવી ઊંચાઇઓ મળવાના સંકેતો મળી રહ્યા છે. સાથે જ તેમને ધન લાભ પણ થઇ શકે છે. લોકોને બેન્ક-બેલેન્સ વધશે.

મિથુન રાશિ- આ રાશિના લોકોને મંગળના ગોચરથી કમાણીમાં વધારો થઇ શકે છે અને વેપારમાં પણ લાભ મળી શકે છે. જો તમે જમીન કે ઘરમાં રોકાણ કરો છો તો લાંબા સમય સુધી લાભ મળી શકે છે. જોકે, રોકાણ પહેલા શુભચિંતકોની સલાહ જરૂર લો.

કુંભ રાશિ- મંગળના રાશિ પરીવર્તનથી કુંભ રાશિના જાતકો માટે પણ શુભ ફળ મળશે. કુંભ રાશિના લોકોને કરિયર અને નોકરીમાં લાભ મળશે. પરંતુ આપને જણાવી દઇએ કે મંગળના આ ગોચરથી તમારા સ્વભાવમાં અયોગ્ય બદલાવ આવી શકે છે. તેથી કોઇ પણ કામ સમજી વિચારીને કરવું.

<br />ધન રાશિ- મંગળના ગોચરથી ધન રાશિના જાતકોને ભાઇ-બહેનનો સહયોગ મળશે. તેમને પોતાની નોકરી અને વેપારમાં સારો લાભ મળી શકે છે. ધન લાભના યોગ પણ બનશે.