Astrolgoy: ભાગ્ય અને ભૈતિક સુખમાં વધારો કરવાં કરો શુક્ર મજબૂત, મેળવો મા લક્ષ્મીની અખૂટ કૃપા

ધર્મ ભક્તિ ડેસ્ક: વૈદિક જ્યોતિષ (Vaidic Jyotish)માં નવ ગ્રહોને માનવ જીવનમાં અત્યંત મહત્વના માનવામાં આવે છે. આ નવ ગ્રહોને જ્યોતિષ ગ્રહો (Jyotish Graho) પણ કહેવાય છે. આ બધા ગ્રહોના પોતપોતાના ગુણો હોવા ઉપરાંત આ જ ગ્રહો જીવનમાં વિવિધ વસ્તુઓના કારક પણ હોય છે. આવી સ્થિતિમાં આમાંથી કેટલાક ખાસ ગ્રહોને ખૂબ જ મહત્વપૂર્ણ પણ માનવામાં આવતા હોય છે. આ ગ્રહોમાંથી એક ગ્રહ એટલે શુક્ર (Shukra grah). જેને ધન, વૈવાહિક સુખ, આનંદ વગેરેનો કારક માનવામાં આવે છે, આ જ એક ગ્રહ છે જેને જ્યોતિષમાં ભાગ્યનો કારક પણ માનવામાં આવે છે.

આવી સ્થિતિમાં જ્યાં શુક્ર મજબૂત હોવાથી વ્યક્તિને દરેક પ્રકારનું સુખ જીવનમાં મળતું હોય છે, ત્યાં કુંડળીમાં તેનું નબળું પડવું પણ વ્યક્તિ માટે મોટી પરેશાનીનું કારણ બની જાય છે. એવી સ્થિતિમાં કે જ્યારે શુક્ર નબળો હોય છે, ત્યારે લોકો વિવિધ ઉપાયો કરીને તેને ખુશ કરવાનો પ્રયાસ કરે છે, જેથી શુક્ર તેમને યોગ્ય પરિણામ આપે. પરંતુ આમાંની ઘણી સ્થિતિઓમાં વ્યક્તિએ પૈસા ખર્ચવા પડે છે.

જાણકારોનાં મતે જ્યોતિષ શાસ્ત્ર (Astrology) અનુસાર, જે વ્યક્તિની કુંડળીમાં શુક્ર મજબૂત સ્થિતિમાં હોય છે, તેને ક્યારેય ધન અને ઐશ્વર્યની કમી નથી હોતી, પરંતુ જેની કુંડળીમાં શુક્ર નબળો હોય છે, ગરીબી અને કંગાળીમાં જીવન વિતાવવુ પડે છે. આવા વ્યક્તિને સખત મહેનત કરવા છતાં પણ પૈસા નથી મળતા.

આ તમામ વાતોને લઈ જ્યોતિષી કહે છે કે ગ્રહોને મજબૂત કરવા માટે કેટલાક એવા ઉપાય છે, જેને આપણે ઘરે બેઠા પણ કરી શકીએ છીએ. તે જણાવે છે કે હિન્દુ ધર્મમાં વૃક્ષોનું મહત્વ ખૂબ વધુવ દર્શાવવામાં આવ્યું છે. વૃક્ષોને પણ ગ્રહો પ્રમાણે કે તેમના ગુણો પ્રમાણે વહેંચવામાં આવ્યા છે.

આનુ કારણ એ છે કે જ્યોતિષશાસ્ત્રમાં એવું માનવામાં આવે છે કે વૃક્ષોમાં કેટલાક વિશેષ દૈવીય ગુણો હોય છે અને આ રીતે દરેક વૃક્ષનો સંબંધ કોઈને કોઈ ગ્રહ સાથે હોય છે. અને જ્યાં સુધી શુક્ર ગ્રહની વાત છે, તો આ માટે ગૂલેરનું ઝાડ ખૂબ જ ખાસ માનવામાં આવે છે.

પંડિતજીનાં જણાવ્યા અનુસાર, ગૂલેરના ઝાડને નિયમિત રૂપે જળ અર્પિત કરવાથી અથવા તેમાં નિયમિત દીવો પ્રગટાવવાથી વ્યક્તિની કુંડળીમાં શુક્ર ગ્રહ મજબૂત બને છે અને સાથે જ ધન સંબંધિત સમસ્યાઓ પણ દૂર થાય છે.

પંડિતજીના જણાવ્યા અનુસાર કુંડળીમાં શુક્ર ગ્રહની શક્તિ માટે શુક્લ પક્ષના કોઈપણ શુક્રવારના દિવસે ગૂલેરનો છોડ વાવવો જોઈએ. આ પછી તેને નિયમિત પાણી આપવાની સાથે તેનું પણ ધ્યાન રાખવું જોઈએ. એવું માનવામાં આવે છે કે જેમ જેમ આ છોડ મોટો થતો જાય છે, તેમ તેમ વ્યક્તિની આર્થિક સ્થિતિમાં પણ સુધારો થાય છે અને તે ધનથી સંપન્ન થાય છે.