Makar Sankranti 2023: મકરસંક્રાંતિ પર કરો આ પાંચ વસ્તુઓનું દાન, શનિ સહિત 6 ગ્રહોના દોષ થશે દૂર

આ વર્ષે 2023માં મકર સંક્રાંતિનો તહેવાર 14-15 જાન્યુઆરીના દિવસે રવિવારે ઉજવવામાં આવશે. આ દિવસે સૂર્ય મકર રાશિમાં પ્રવેશ કરવા સાથે જ ઉત્તરાયણનો પ્રારંભ થશે. મકરસંક્રાંતિના અવસર પર નદીમાં સ્નાન અથવા ઘરના પાણીમાં ગંગાજળ નાખી સ્નાન કરવાનું મહત્વ છે. ત્યાર પછી સૂર્યદેવની પૂજા કરે છે. સ્નાન અને પૂજા પછી મકર સંક્રાંતિનું દાન કરે છે.

આ દિવસે દાન કરવાથી ઘણું પુણ્ય પ્રાપ્ત થાય છે. કાશીના જ્યોતિષાચાર્ય ચક્રપાણી ભટ્ટ જણાવે છે કે મકર સંક્રાંતિ પર દાન કરવાથી સૂર્ય, શનિ સહિત 6 ગ્રહો સાથે જોડાયેલ દોષ દૂર થાય છે. એ બધા ગ્રહો શુભ ફળ પ્રદાન કરે છે. આઓ જાણીએ છે કે મકર સંક્રાંતિ પર કઈ વસ્તુઓનું દાન કરવાથી ગ્રહો અને ભાગ્ય પ્રબળતા માટે ઉત્તમ છે.

તલનું દાન: મકરસંક્રાંતિના અવસર પર દરેક વ્યક્તિએ સ્નાન કર્યા પછી તલનું દાન કરવું જોઈએ. જો શક્ય હોય તો આ દિવસે કાળા તલનું દાન કરો. જો કાળા તલ ન હોય તો સફેદ તલનું જ દાન કરો. આમ કરવાથી સૂર્યદેવની કૃપાથી ધન-ધાન્ય વધે છે અને શનિ દોષ પણ દૂર થાય છે. કહેવાય છે કે મકરસંક્રાંતિના દિવસે જ્યારે સૂર્યદેવ શનિદેવના ઘરે પહોંચ્યા ત્યારે શનિદેવે કાળા તલથી તેમનું સ્વાગત કર્યું હતું.

ગોળનું દાન: મકરસંક્રાંતિના દિવસે ગોળનું દાન અવશ્ય કરો. આ એક દાનથી તમારા ત્રણ ગ્રહો સૂર્ય, ગુરુ અને શનિના દોષ દૂર થાય છે. ગોળને ગુરુ ગ્રહ સાથે સંબંધિત માનવામાં આવે છે. સૂર્યને બળવાન બનાવવા માટે ગોળનું દાન પણ કરવામાં આવે છે. મકરસંક્રાંતિના દિવસે ગોળ અને કાળા તલના લાડુનું દાન કરવામાં આવે છે.

ધાબળાનું દાન: મકરસંક્રાંતિના અવસર પર, પૂજા કર્યા પછી ગરીબોને તેમની ક્ષમતા અનુસાર ધાબળા અને ગરમ વસ્ત્રોનું દાન કરવું જોઈએ. જો તમે આમ કરશો તો તમારી કુંડળીમાં રાહુ ગ્રહ સાથે જોડાયેલા દોષ દૂર થશે અને તેની સકારાત્મક અસર જોવા મળશે.

કાળી અડદ, લીલા મગ અને ચોખાના દાળનું દાન કરો: મકરસંક્રાંતિના દિવસે જો તમે કાળી અડદ, લીલા મગ અને ચોખાથી બનેલી ખીચડીનું દાન કરશો તો શનિ, ગુરુ અને બુધ સંબંધિત દોષ દૂર થશે. કાળા અડદ શનિ સાથે અને લીલા મગ બુધ ગ્રહ સાથે સંબંધિત છે. ખીચડીમાં તમે હળદરનો ઉપયોગ કરો છો, જે ગુરુ ગ્રહ સાથે સંબંધિત છે. આ બધા ગ્રહોના દોષ દૂર થવાથી તમારું ભાગ્ય બળવાન બને છે. કાર્યોમાં સફળતા મળવાની સંભાવના વધે છે.

ચોખાનું દાન: જો તમે મકરસંક્રાંતિ પર ચોખાનું દાન કરો છો, તો ચોખા ચંદ્રનું પ્રતીક છે. તેનાથી ચંદ્ર મજબૂત બને છે અને જીવનમાં સુખ-સમૃદ્ધિ વધે છે. ચોખાનું દાન કરવાથી ચંદ્ર દોષ પણ દૂર થાય છે.

જો તમે મકરસંક્રાંતિ પર ચોખા, ખીચડી, ગોળ, કાળા તલ અને ધાબળાનું દાન કરશો તો સૂર્ય, શનિ, બુધ, ગુરુ, ચંદ્ર અને રાહુ ગ્રહો સંબંધિત દોષો દૂર થશે અને ભાગ્ય બળવાન બનશે. આ વસ્તુઓ સિવાય તમે તમારી રાશિ પ્રમાણે વસ્તુઓનું દાન પણ કરી શકો છો.